Un biaha mas e trahadornan den servicio publico no mester a subi caya pa indexering. Durante un Dialogo Social Gobierno y sindicatonan por a yega na un acuerdo pa subi e salario di e ambtenaarnan cu 85 florin y e otro premienan a subi di 1350 florin pa 1500 florin. Un logro masha grandi mes teniendo cuenta cu e situacion financiero dificil cu nos pais ta aden. Oposicion di MEP y parlamentario Booshi Wever tawata hopi negativo pa cu e asunto aki y asta a bisa cu e ambtenaarnan por yama indexering AYO….. E trahadornan publico no mester a welga, un biaha mas e “stakeholders” por a sinta na mesa y dialoga riba e problematica aki y yega na un acuerdo unda ambos banda por a keda satisfecho. Tur hende ta consciente di e situacion dificil financiero cu nos pais ta aden, pero na otro banda mester tene cuenta cu e poder di cumpra di nos ambtenaarnan cu a bay atras y mester tene cuenta cu e derechonan di e trahador. Durante e gobernacion di Gabinete Oduber III y IV indexering a wordo congela y te na 2008 despues cu e ambtenaarnan a welga 7 siman largo a dicidi di di paga e ambtenaarnan 105 florin, pero no a tene nan mes na e otro palabracionnan. Un biaha mas nos mester reconoce e balor y e importancia di un Dialogo Social unda na un manera madurez y respetuoso por yega na acuerdonan cu lo beneficia pueblo. Pabien Gabinete Mike Eman y specialmente minister Mike de Meza, sindicatonan y e trahadornan den servicio publico.

Comentarionan (1)

Mustra/Kita comentarionan

...

Logro grandi ta dia nan cuminsa duna servicio drechi!

Chubato bieuw , December 21, 2012

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi