Wednesday, 30 July 2014
Booshi Wever: Declaracionnan di minister presidente na Hulanda merece reaccion di Institutonan y Gremionan, Sindicatonan por conta cu indexering y inhaalmanoeuvre! Print E-mail
Thursday, 20 December 2012 18:14

Booshi Wever006

Diario di dia 17 di december ultimo 2012, ta raporta locual minister president a bay informa gobierno di Hulanda. Pa ta completo aki ta sigui e teksto: “Eman a tuma e oportunidad pa kita di caminda un malcomprendemento persistente cu tin na Den Haag cu e situacion financiero di Aruba lo ta malo. Desde cu e Gabinete aki a sinta nos a logra tur anja di baha e deficit. Na 2014 esaki lo bai yega na e norma internacional di 3%, pero nos kier bai mas aleu ainda.

Ta nos ambicion pa desde 2016 no tin deficit mas. Nos ta bai tuma medidanan pa garantisa esaki legalmente. Nos a haci finanzas publico manehabel atrobe y esaki ta nifica cu na 2016 nos por termina e debe di gobierno. Tur ta motibonan pa ta positivo.” Y con Mike a bisa cu e ta pensa di logra esaki? Lesa! “Si Hulanda ta dispuesto pa cana hunto cu Aruba pa refinancia debenan di estado riba mercado di capital internacional. Den esaki Hulanda no ta corre ningun riesgo, mientras Aruba por probecha di un interes mas abao cu tin como consecuencia directo cu Aruba ta spaar 20 te cu 30 miyon pa anja.” Manera ta conoci, e presupuesto pa aña 2013 te cu dia di awe, 20 di december 2012, no a yega Parlamento. Ta interesante pa sa si Directie Financiën, Banco Central, SER y Raad van Advies, a tuma nota di e expresionnan di Mike Eman, y kiko ta nan comentario y reaccion despues cu nan lo a ricibi e Presupuesto 2013. For di e palabranan di Mike Eman mi mester saca e conclusion cu no tabatin ningun motibo pa Mike de Meza haci fastioso cu sindicatonan encuanto nan indexering y inhaalmanoeuvre; pues pa e añanan venidero sindicatonan TAMPOCO lo mester roga mucho pa sigui haya esakinan! Ta pesey, apesar cu mi ta contento cu nos ambtenaarnan a logra algo, mi tin sentimentonan mixto pa cu e logro aki. Di un banda Eman ta bisa cu otro aña lo bai tin 20 pa 30 miyon extra y di un otro banda de Mezas ta bisa cu no por compensa e perdida di forza di compra completamente. Sinembargo dicho declaracion cu Mike Eman a haci, mester kita TUUUR duda for di mesa, cerca TUUUR sindicato, cu lo no tin placa pa gobierno paga esakinan; placa tin, no solamente pa sigui paga indexering y inhaalmanoeuvre, pero pa hooopi mas !!!! Pero, kiko a para di e gremionan cu ta sostene e gobierno aki y cu ta 100% di acuerdo cu su maneho di sigui fia, y refinancia pa paga debe y crea mas debe? Manera mi a bisa caba, e Presupuesto pa aña 2013 no a yega Parlamento ainda; mi ta preparando di awor caba un Amienda y un Mocion pa e presupuesto 2013, den cua e declaracionnan di Mike Eman lo ta (parti di) e considerans (overwegende dat…), pa asina exigi di gobierno cu e indexering, respectivamente – si ainda esaki no ta hinca den e indexering – e inhaalmanoeuvre wordo paga otro aña completamente !

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter