Thursday, 23 October 2014
Parlamentario Donny Rasmijn-AVP: Personanan cu ta den overtolligheidspoel por ta candidato pa bira Bijzondere Opsporingsambtenaar Print E-mail
Thursday, 20 December 2012 18:52

donny

Durante di tratamento di e ley di cacho nobo den Parlamento, fraccion di AVP a entrega un mocion cu a wordo accepta cu 12 voto na fabor y 4 contra. Fraccion di MEP cu a wordo representa pa tres miembro hunto cu Sr. Andin Bikker di PDR a vota contra di e mocion. E dictum di e mocion ta urgi Gobierno pa haci lo sigiuente puntonan: Haci un estudio riba introduccion di un ‘heffing’ pa yuda cubri e gastonan envolvi pa enforsa e Hondenverordening nobo. Introduci un programa pa vacuna tur bestia di cas. Introduci un programa pa sterilisa cacho y pushi. Sondea e posibilidad pa laga e ambtenaarnan cu ta den ‘overtolligheidspoel’ tuma e curso di Bijzondere Opsporingsambtenaar pa asina nan por eherce e funcion aki enforsando diferente ley. Laga opsporingsambtenaarnan traha hunto cu polis di bario y departamento di Gele Koorts en Muskietenbestrijding (GKMB) pa por enforsa e ley nobo di Hondenverordening. E ‘heffing’ por wordo haci na diferente manera. Por ehempel Gobierno por cobra doñonan di cacho un Hondenbelasting of por pone un accijns riba cuminda di cacho. “Nos ta sigur cu personanan cu ta stima bestia no tin ningun obhecion na un heffing pasobra e entrada ta wordo utilisa na e bienestar di e cacho”, Rasmijn ta comenta. Punto dos y tres siguramente ta necesario pasobra bestianan di cas mester wordo vacuna y seguramente sterilisa pa preveni cu nan cria no wordo laga riba caya encaso cu un cacho wordo gedek sin cu e doño a planea esey. Si Gobierno logra pa cierto ambtenaarnan cu ta den overtolligheidspoel por bira Opsporingsambtenaar pa asina yuda enforsa no solamente e ley di cacho pero tambe pa controla y sancciona personanan cu ta sushando nos pais y ta daña nos naturalesa. "E plan aki ta habri un otro oportunidad pa e ambtenaar cu ta den e poel, e ta na beneficio di Gobierno y e ta na beneficio di e pueblo cu ta pidi pa tur ley wordo enforsa riba nos pais", Donny ta bisa. E ultimo punto unda cu ta urgi Gobierno pa laga opsporingsambtenaar, polis y departamento di GKMB traha hunto ta hopi importante. Ambtenaarnan di GKMB ta haci inspeccion riba cria di sangura na tur cas na Aruba. Nan por detecta mes ora si tin un cacho na e cas cu no ta wordo cuida manera debe ser y nan por informa esaki na e Opsporingsambtenaar. Si encaso un situacion ta mas complica y mester di Polis pa pone orden, nan por yama nan tambe por ultimo. "Ta importante pa nos tin suficiente recurso financiero y humano pa enforsa e ley nobo di cacho. Un belasting cu ta al caso cu un bon grupo di Opsporingsambtenaar sigur lo yuda den esey", Rasmijn ta reitira.

Comentarionan (7)Add Comment
The Observer
December 21, 2012
201.229.12.36
Votes: +0
...

@Mojendi, na Hulanda tambe tin asina hopi atraco manera Aruba? Na Hulanda tambe l****n cu choller ta kibra drenta cas di hende na monton? Ta cachonan tin e situashon un poco bou di control aki na Aruba. Lo mas probable lo ta cu ta chollernan y l****nnan lo a haci petishon na parlamento pa hasi e situashon dificil pa hendenan di Aruba cria cachó, pa asina nan haya mas oportunidad pa drenta horta na cas di hende. Anto hopi probabel ta cu e comeciantenan cu lo probecha di situashon, y cu aparentemente ta domina parlamento pa medio di Universidad di Aruba, lo a backup e idea aki. Corda cu cada cos cu l****n horta, e pober victimanan mester bai cumpra di nobo serca e comerciantenan...

Mojendi
December 21, 2012
31.151.210.190
Votes: +1
...

Rober, bo(so) ta mira tur cos como medida. Bo sa cu tin hopi cosnan ainda den ley cu gobierno no ta aplicá. Aki na Hulanda (por ta bo mes sa)nos a costumbrá cu e tipo di belastingnan aki caba, pero bo no por mira nan como medida, sino como un 'must'. Semper mi tabata di acuerdo pa pone camaranan den trafico, mi ta bolbe bisa bo, cu por ta esaki no ta pa bo, pasobra por ta bo no ta un violador di ley a proposito, pero si e lo ta bon pa esnan cu ta viola ley(nan) na Aruba sin misericordia, e lo sirbi pa un les pa nan y e lo ta bon pa e caha di gobierno, bo no ta haña??? Boso mester cuminza haci Aruba echt un estado, pa e no keda un 'republicá di banana'.Stop di zeur.

Mojendi
December 21, 2012
31.151.210.190
Votes: +0
...

Rober, e ta mustra un tiki d**or si, pero bo(so) lo bay costumbra cu ne. Esaki lo por yuda tambe pa e cachonan haña un miho trato. Bo sa pakiko??? Pasobra e ora bo ta mira e animal cu mas balor, bo ta bay cuidé mas mihor, en bes di laga e pober bestia mará henter dia bow di un palo, o ta lagé cana pa su cuenta. Corda Rober, cu mi no ta bisa esaki pa bo, mi ta papia en general, pasobra mayoría di e hendena na Aruba cu tin cachó, asina nan ta trata cu nan, mi tin razon o no??
Rober cuida bo curpa, y ay di e pober cachonan mará na cadena pafó o ta cana zwerf den e dianan aki pafó cu tur e tiramentonan di klapchi cu ta bay bin

prorubiano
December 21, 2012
201.229.35.155
Votes: +0
...

mester elimina e asunto di overtolligheidsspoel....e hendenan aki ta abusador pasonan no ta trahando perota bibando lekker na cas y ta cobrando. mester manda tur e hendenan akinan traha y si nan no kier traha buska un manera di kitanan paso no por ta asina cu bo tin hendenan anjas den e cos ta na cas ta cobra sin traha esaki ta puro abuso cu placa di pueblo y tur gobierno cu a sinta ta keda permiti e cos aki sigui susede.

!!!BERDAD!!!
December 20, 2012
201.229.127.30
Votes: +2
...

EXACTAMENTE, despues di elleccion otro anja na 2013, Parlamentario Rasmijn ta e prome pa busca trabouw nobo y fungi como opsporings ambtenaar pa busca tur e cachonan cu SARNA, ya cu su mes partido a SERA e REFINERIA dia 15 NOV ultimo.

Zombie
December 20, 2012
201.229.80.187
Votes: +8
...

E idea no ta malo, pero mester haci un bon screening. Ademas di esei nan mester bai un curso di bijzondere opsporingsambtenaar, cual no ta dje simpel ey.

Rober
December 20, 2012
201.229.68.250
Votes: +12
...

Honden Belasting Doni bin bij esaki ta un medida riba e pueblo, Doni cua persona aki na Aruba ta biba sin un cacho na cas, ta abo cu bo 11 marioneta so. Esaki ta un medida riba e pueblo y tambe si bo tin un cacho di raza bo tin di busca un vergunning cu bo tin di paga pe y bo mester bai paga un hondenbelasting. Abo y tur bo marioneta nan so por page. No tin placa pa come awor ta bin cu medida riba bo cacho na cas. KIKO MAS AVP TA BIN PA E PUEBLO??????? AVP POR MAS

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter