Sunday, 23 November 2014
Minister ing. Mike de Meza: Di un pais den decadencia pa un pais den pleno desaroyo atrobe den menos di 3 aña Print E-mail
Thursday, 20 December 2012 23:06
Comparti

mifin

Laga nos no lubida kiko nos a hereda na final di anja 2009 ora cu Gabinete Mike Eman a tuma responsabilidad di Pais Aruba. Un chaos total, a encontra un refineria sin perspectiva. Turismo, e pilar di nos economia tabata den decadencia, unda cu e cantidad di turista a baha cu 14,000 bishitante y e asina yama REVPAR na aña 2009 tabata 20% menos, si bo compara esaki cu e nivel di aña 2012.

“Entradanan for di turismo, cu ta igual na mitar di nos GDP, a baha cu 300 miyon na anja 2009”, E titular di finansas a sigui elabora riba e actividadnan economico cu a baha cu casi 9% na 2009 y desempleo tabata riba 10%”. Durante e periodo 2009-2010 e crisis cu Aruba a haya su mes confronta cune a resulta den un caida di ongeveer 15% di nos economia, un perdida 500 miyon florin cu no por wordo recupera di manera retroactivo. Finanzas publico tabata fuera di control, un fondo di pensioen den un estado hopi critico, un economia den reccesion. Aruba tabata tin un falta di dialogo den comunidad y tambe cu partnernan strategico, y minister De Meza a declara e tempo ey cu apesar di e retonan aki Gabinete Mike Eman lo logra cambia e tendencianan negativo door di establece un Dialogo Social caminda hunto cu nos partnernan strategico y tambe un plan di estimulo economico cu e obhetivo di mehora e poder di compra y tambe pa recupera nos economia. E plan aki contene inversionan amplio riba tereno infrastructura urbano, di calidad enbes di cantidad y tambe energia alternativo. Minister de Meza a declara cu maneho di Gabinete Mike Eman sinembargo a opta e tempo ey pa stimula economia, yuda esnan cu menos entrada y bin cu solucionan structural pa e situacion di APFA, AZV, e fondonan di SVB y tambe FATF sin introduci medidanan pa tranca e desaroyo economico di nos pais.”. A pesar di e dificultadnan financiero a logra cambia e rumbo di Ffinanzas Publico den un tempo cortico. Na aña 2010 e deficit financiero lo a suma casi 500 miyon di florin, manera cu a wordo laga atras pa gabinete Oduber IV. Sin a tuma e decisionan clave den cuadro di e Dialogo Social, e gastonan di Gobierno lo a redobla y e deficit financiero lo a suma te casi 900 miyon florin. Pa medio di e Dialogo Social a yega na solucionan structural pa e problema di APFA. E prima total tabata 31% na inicio di Gabinete Mike Eman rapidamente esaki a subi pa 43% y den algun luna a bolbe subi te 61% cu perspectiva di sigui subi di manera descontrola y inpagable. Danki na e reformanan cu a wordo conveni hunto cu e sindicatonan, como tambe un prima fiho cu a ser paga for di 1 januari 2011, por mira un reduccion di e deficit, como tambe un mehora di e dekkingsgraad. Minister Mike de Meza a indica cu bou di supervision di Banco Central, e fondo di pensioen di empleadonan publico lo cumpli cu un dekkingsgraad di mas di 100% den 15 anja. E contribucion na fondo di seguro medico AZV a baha di 160 miyon na 2010 pa 115 miyon florin anualmente den e anjanan siguiente. Pa anja aki nos Gobierno a sa di reduci su gastonan atrobe pa mantene e deficit financiero den linja di e cuadro financiero presenta na Parlamento a pesar cu e actividadnan economico tabata menos cu a ser premira na inicio di anja. Pa anja 2013 ta calcula un crecemento economico entre 3% y 4% mirando e crecemento continuo den turismo y tambe ehecucion di proyectonan manera expansion di hospital, Green Corridor y e mudamento di waf. “Na anja 2014 e deficit lo bolbe baha pa asina yega na un balanced budget na 2016”, minister de Meza a splika. Minister de Meza a termina bisando Gobierno di Aruba pa medio gabinete Eman I a pasa mas cu 3 anja ta saca nos pais for di un situacion sumante dificil cu nos a hereda y ta percurando pa un reconstrucion riba tur tereno cuminsando for di e CONFIANSA DI NOS HENDENAN, DI NOS ECONOMIA, NOS FINANSAS PUBLICO, NOS INFRASTRUCTURA, NOS SALUBRIDAD PUBLICO, NOS SIGURIDAD, NOS JUSTICIA, NOS EDUCACION y mucho mas y ta pesey mi tin e confiansa cu PUEBLO lo continua di duna sosten, pasobra e resultado ta visto e mandatario a termina.

mifin

minaz


Comparti
Comentarionan (3)Add Comment
MOOI WEER !!!!
December 21, 2012
201.229.18.73
Votes: +5
...

E dia lo bai jega caminda lo bai keda demostra cu " LOCUAL TA WORDO BISA (Y PAGA PA BISA) NO TA LOCUAL TA, Y A WORDO HASI"...y persecucionnan politico ta wordo accepta, stimula y tolera...caminda cu "assets y income" NO lo wordo bruha per "abuis"...caminda cu l****nicia e.o. den casino y lotto lo bai keda denuncia y cu e berdad incuanto Valero lo sali na cla!!!!....y e dia ey Aruba lo por wak pa dilanti y traha HUNTO pa un miho pais pa nos juinan!!!!!

N'e chambonan berde
December 21, 2012
201.229.125.59
Votes: +1
...

Promer tbt MEP y awor e ganjadornan berde cu mesun vicio di troce berdad y gasta placa pa loco. Kalke persona por 'drecha cos' y haci show cu proyectonan cu no tin niun sentido. Sigui lanta fachadanan y cortinanan di humo pa sconde fraude, favoritismo y djojomento cu placa di Pueblo y sigui firma pa prestamonan atronomico cu Pueblo y futuro generacionan lo bay paga. Si Pueblo ta fia miyones, claro cu nos por traha palacionan y cumpra kalke luho pa show off, pero ora yega tempo di paga back, ta bancarota nos lo bati.

Decadencia???
December 20, 2012
201.229.31.22
Votes: +4
...

Cu tur respet Bo ta falta Aruba respet....

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter