Premier Eman a expresa di ta sumamente contento cu Gobierno por a keda basta den cuadro di e presupuesto 2012, y e maneho cu nan a hiba relaciona cu esaki durante aña. E tabata dificil si pasobra a haya e desaroyo di e refineria, pa cual Gobierno mester a haci varios ehercisio grandi hunto cu e gremionan den Dialogo Social y a haya un contribucion importante di gremio comercial, cu a aporta cu un parti importante di impuestonan cu a pone riba cambernan di hotel, di timeshare, di huurmento di auto, pero tambe accijns riba cigaria , cual ta temanan cu ta duna Gobierno un entrada extra.

Pero tambe tabatin otro pasonan cu Gobierno a tuma pa 2014 cu ta bay limita e cantidad di placa cu bo por desconta di impuesto ora cu tin hipoteca. A pone cu no por desconta mas cu 50 mil florin na interes. E lo yuda presupuesto di pais Aruba den futuro. E ehercicionnan aki, Eman ta bisa mester sigui wordo haci den futuro pasobra ta keda cu un poblacion cu ta keda bira mas grandi, e cuido medico ta subi, presion riba fondonan di pensioen ta keda cambia. Mester sigui atende cu e retonan. Pa tur esaki e mandatario ta contento di a crea e plataforma importante y di mas serio cu por tin na un pais pa atende cu tur e retonan aki, cual ta Dialogo Social. Di e manera aki ta tuma paso den forma balansa, unda cu esnan mas vulnerabel ta wordo protegi. Di e manera aki tambe, Eman ta bisa, ta reparti e responsabilidadnan den un forma cu un e pais por hala rosea. E temanan no ta wordo imponi, pero ta wordo dialogo na mesa, Un logro di e cambio di gobernacion cu a logra na 2009. E Prome Minister ta bisa cu ora haci ahuste pa haya mas entrada, tin escogencia pa haci. Gobierno di MEP, e ta bisa, semper a scoge pa pone e ahustenan aki riba lomba di pueblo. “Historia di MEP ta historia di medida na Aruba. Si nos bay añanan atras, partido MEP a introduci 8.2%. Nan a kita 8.2% di tur ciudadanonan na Aruba. Un Gobierno di AVP a bin y a kita e medida aki. Nan a yega di kita 7 3/4 porciento di tur empleado publico. Un gobernacion di AVP a bin y a kita e medida ey despues di a drecha e economia di Aruba. Locual nan falta ta e habilidad di por drecha economia di Aruba. Ki ora cu AVP drecha e economia di Aruba y nan tuma poder, nan ta simplemente uza tur e placa cu ta drenta for di e economia pa reparti entre amigo y famia, y ora cu cos pega, nan ta bay bek na pueblo pa e pueblo paga e cuenta i e fiesta di amigo y familiarnan,” Eman a conta. Esaki ta e situacion cu a haya e pais den dje na 2009 pero a scoge pa duna pueblo, e ciudadanonan un alivio y na mesun momento a haci apelacion na esnan cu tin schouder mas hancho. “Nos no a impone, pero a hacie den un Dialogo y e dialogonan mester continua pasobra e retonan ta sigui. Si sigui di e forma aki, ta pais Aruba ta sali gana. Pasobra ta reparti e reto y progreso den forma husto pa un y tur.”

Comentarionan (4)

Mustra/Kita comentarionan

...

Pasobra semper boso ta laga Aruba den debe gigantesco y pueblo mester Paga bek.

asina mes , December 21, 2012

• 
• +6
• 
• 

...

Un oposicion sin idea, cu no ta aporta net
nada na construccion di e pais aki, un oposicion
cu a deriva di un partido putri di corupcion. Esey
ta e MEP di sra. Wever Croes: den e siguiente eleccion
"Save Aruba From MEP" !!!!!

rod , December 21, 2012

• 
• -2
• 
• 

...

historia di avp ta laga pais ARUBA den debe

jos , December 21, 2012

• 
• +7
• 
• 

...

Hey Mike kiko VVD a puntra bo na Hulanda? Bo ta corda? Lagami recorda bo.....
VVD na PM di Aruba; Sinds 2010 is de schuld gestegen met 47%. Als ik de investeringen daarnaast leg, dan lijkt het net alsof u de economische groei financiert met de schuld!

Gregorio , December 21, 2012

• 
• +7
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi