Thursday, 31 July 2014
Premier Eman: Presupuesto supletorio ta pone e presupuesto den su contexto real, nunca antes esaki a wordo haci Print E-mail
Thursday, 20 December 2012 23:50

Parlamento (6)
Diahuebs mainta Parlamento di Aruba a cuminsa cu tratamento di un presupuesto supletorio, cu normalmente ta bini na final di aña pa cubri e gastonan extra cu a wordo haci den finanza publico. E reunion aki, ta wordo considera door di Prome Minister Eman como un ehempel di un cambio transcendental den pais Aruba. E ta splica cu durante hopi aña pueblo ta custumbra cu presupuesto ta wordo entrega y trata, pero nunca tabatin un analisis pa sa con e aña a bay.

No tin informe si a keda den e margen di loke a keda presupuesta, of si mester bay bek Parlamento pa haci cualkier cambio. Na momento cu e Gobierno cu e ta encabesa a sinta, Eman ta splica, nan a haya for di Centrale Accountantsdienst informe cu for di 2002 bin ariba, tur aña e presupuesto a wordo surpasa, cu tin biaha 150 miyon y otro biaha cu 180 aña. "Pero ningun aña nos cu tabata den Parlamento tabata sa cu esey a sosode. Ta te ora cu nos a drenta gobernacion, nos a haya e informacion aki," e mandatario a duna di conoce. Basa riba e situacion ey, na momento cu Gabinete Mike Eman a sinta, a tuma dos decision importante. E prome cu ta introduci e rekisito cu ta describi den Constitucion, cu ta bisa cu mester bini cu Cuenta Anual, El a duna e ehempel cu e aña'ki a entrega cuenta anual di 2011, cual ta nifica cu e presupuesto 2011 a wordo revisa pa loke ta su entrada y gastonan door di e instancianan Finanza, Centrale Accountantsdienst y Contraloria General, mientras cu Parlamento a wordo informa di e forma con Gobierno a maneha presupuesto 2011. "Nos ta contento cu e prome cuenta anual cu a wordo entrega despues di casi 25 aña, a demostra cu nos a ehecuta e presupuesto den linea di e cifranan di presupuesto," Eman a indica. A bay un paso mas leu ainda, pasobra Gobierno ta revisa su presuesto, studia con e gastonan realmente a cana , pa mira si realmente e gasto- y entradanan ta manera cu a pone den e presupuesto. A base di esey ta traha un presupuesto supletorio cu ta bay Parlamento pa aprobacion si tin un diferencia. Den e caso di e aña'ki, Gobierno den un presupuesto di 1.300 miyon florin, a bin Parlamento pa un cambio netto di solamente 6 miyon florin mester bin aserca pa e Presupuesto di 2012 a wordo ehecuta al pie de la letra.Eesaki, e mandatario ta bisa, ta menos cu un porciento di e total di presupuesto cu tin biaha hasta pa un empresa chikito ta dificil. Algo cu e mandatario a bisa di ta masha contento cune. “E ta algo grandi y positivo. Positivo pa e resultado pasobra nos tabatin un aña toch cu su retonan, cu e problema di e refineria, etc. Pero cu tur e crecementonan cu nos tabatin a compensa pa e sucedido aki y e proyeccionnan pa 2013 ta un crecemento,” Premier Eman den un forma trankil a comenta. El a agrega cu e hecho cu Parlamento na final di aña ainda ta haya oportunidad pa huzga con e presupuesto a wordo ehecuta, ta algo sumamente positivo. E ta un avance den duna cuenta na Parlamento. E presupuesto supletorio tambe ta bay wordo analisa door di e departamentonan concerni. “E ta cambia den e forma hopi mas serio pa atende cu finanza publico di pais Aruba.” E situacion di finanza publico di Aruba ta mustra, segun Premier Eman, un situacion dificil cu a haya na 2009 cu un deficit di mas cu 400 miyon. Tur aña a bahe cu 75 miyon. Ta cerando presupuesto 2013, despues cu a haya claridad riba e asunto di indexering. Esun y 2013 tambe a baha e deficit cu 75 miyon atrobe. Hunto cu partnernan a dicidi cu Gobierno ta bay traha riba un balance budget rule, pa pone cu tur presupuesto mester atene su mes na cierto criterionan. E comision lo wordo forma y dia 7 di januari awor nan lo tin nan prome reunion. Ta bay wordo poni den Constitucion cu e presupuesto mester tin aprobacion di dos tercera di Parlamento. Pues nunca un Gobierno cu un mayoria simpel nunca por surpasa e criterianan cu ta wordo poni den Constitucion pa finanza publico, E lo wordo reconoci mundialmente e ora como un otro paso i madurez cu e Gobierno aki ta introduciendo den Finanza Publico di pais Aruba.

gallery1 gallery1 gallery1
gallery1 gallery1 gallery1

Comentarionan (1)Add Comment
MEP tur dia.
December 21, 2012
201.229.80.233
Votes: +0
...

Esaki tambe ta idea di MEP.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter