Thursday, 18 September 2014
Parlamentario Clarisca Velasquez: Mep ta contra pa polisnan haya promocion y pago retroactivo Print E-mail
Friday, 21 December 2012 00:12

Clarisca
Durante tratamento di presupuesto supletorio den parlamento por a nota cu Mep a critica e presupuesto supletorio pasobra gobierno a duna promocion y backpay na polisnan. Nos polisnan posicion huridico a wordo drecha despues cu di 2003 el a keda pega.

E gobierno aki di ora el a sinta el a cuminsa traha riba e cambionan di e posicion huridico di nos polis pa asina nan por tin perspectiva pa futuro atrobe paso manera cu el a wordo cambia na anja 2003 a tranca e polis su chance pa crece y cana su rango den futuro. Awor cu e gobierno aki a keda cla cu esaki ta sigui e promocion pa 273 polis a haya y consecuentemente nan mester haya nan pago retroactivo. Awor MEP a bin cu mentira cu ta coordinador di e gobierno aki a haya pago retroactivo pero esaki ta totalmente falso y a bira custumber caba cu MEP ta troce tur berdad na nan convinencia pa haya probecho politico. Nos ta hopi contento cu a regla e posicion huridico di 273 polis y cu nan a haya nan pago retroactivo despues cu hopi anja e gobierno anterior no a regla nada pa nos polisnan. Polisnan ta custumbra si caba di haya maltrato cada vez cu gobierno di MEP ta sinta. Esey nos ta papia di experiencia propio. Pero awor gobierno nobo y principalmente minister di husticia ta haciendo su maximo esfuerso pa regla tur loke a keda pega pa hopi anja pa nos polisnan. Nos sa cu falta hopi mas pero esaki ta un comienso pa duna atencion bek na nos polisnan pa asina nan ta motiva pa haci nan trabao cu ta hopi peligroso tur dia di Dios cu ta nan eherce. Pabien na nos gobierno cu a logra promociona 273 polis y cu nan por a haya nan pago retroactivo bek.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter