Friday, 28 November 2014
Parlamentario sra. Lorna C. Jansen-Varlack: Inversion mas grandi cu MEP a haci durante 8 aña di gobernacion den centro di Oranjestad tabata “Choller House”, ex Hotel Central Print E-mail
Friday, 21 December 2012 00:32
Comparti

parlamentaavp1
Un biaha mas durante e reunion publico cu a trata e Presupuesto Supletorio mester a corda oposicion di MEP con nan a laga e Centro di Oranjestad atras. Un centro neglisha y den decadencia. Un caya grandi casi bashi pa cu e motibo cu 20 tienda of mas a muda of cera. Awe tin un demanda pa lugar den Caya Grandi. Diferente tienda cu a keda, a drecha nan lugar of ta bezig di modernisa nan tienda.

E confiansa tey cu Aruba lo recupera su economia y e mesun confiansa aki e comerciantenan ta desplega awe. E tram ta un parti di e vision nobo pa e Centro di Oranjestad. Si no a inverti den Oranjestad awe Caya Grandi lo ta un “ghost town”. E inversionnan cu MEP a haci e tempo ey tawata den pagamento di huur astronomico pa enrikece famia, edificionan cu Friends y Family a traha pa asina Gobierno por huur nan despues. Ta eynan e placa di pueblo a bay cu consecuencia cu no tawatin placa pa inverti den nos hendenan, no tawatin placa pa aumenta bijstand, no tawatin placa pa indexering, no tawatin placa pa “schooltoelage” y asina nos por sigui. Awe pueblo por wak con nan placa ta wordo gasta. Henter siman pueblo ta comenta con bunita Centro di Oranjestad a bira y specialmente Caya grandi. Diasabra mainta e tram ta bay core pa prome biaha y pueblo ta den gran espera pa mira esaki. Fraccion di AVP di antemano kier felicita Gabinete Mike Eman, minister Benny Sevinger, DOW, e contratistranan cu a traha duro, e comerciantenan, MAMBO y pueblo en general pa e logro grandi aki.

Comentarionan (1)Add Comment
asina mes
December 21, 2012
201.229.9.27
Votes: +1
...

Nan no por a inverti pasobra e plaka tabata bai pa paga debe cu AVP a laga atras. La historia se repite.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter