Saturday, 25 October 2014
Parlamentario Evelyn Wever-Croes: MEP lo no bai keiroden tram pasobra MEP lo parti basket na esnan den necesidad Print E-mail
Friday, 21 December 2012 00:41

fractie
Den Parlamento lider di MEP a duna un discurso impactante relaciona cu tur e show cu tin rond di e tram. Lider di MEP den Parlamento a duna e posicion di partido MEP relaciona cu e proyecto di embeyesemento di centro di cuidad. “Nos no ta contra e proyecto di embeyesemento di nos caya principal caya Betico Croes, ta nos gobierno di MEP mes a bin cu un idea similar.

Pero no e tram si. E diferencia ta cu den e situacion cu nos pais ta aden tin otro prioridad. En bes di a hinca 40 miyon den e proyecto di e tram, miho a hinca 20 miyon so den e proyecto pa embeyese Caya Betico Croes, y e otro 20 miyon den por ehempel combati criminalidad. E tram a wordo duna prioridad riba inversion den cosnan importante pa e ser humano. Den entre otro ensenjansa, cuido medico, famianan cu ta pasa Pasco sin awa y sin cuminda. Tatanan di famia cu a perde trabow y ta desemplea. Problema di criminalidad. Eseynan tin prioridad. Un gobierno cu ta serca di su pueblo mester sa esey, peo e gobierno aki ta pasa mayoria di su tempo den avion y no conose e dolornan di nos pueblo. Tanto bal inverti tanto miyones den klinker, den asfalt, den palo di coco, den tram y pobresa a aumenta, criminalidad a aumenta. Dus no compronde nos malo nos no ta contra e proyecto di embeyesemento di Caya Betico Croes, pero nos ta condena e prioridadnan di e gobierno aki” según lider di MEP. Minister Presidente a invita e fraccion di MEP pa bai keiro den e tram diasabra awor, pero lider di MEP a bisa cu MEP lo no bai kiero den e tram. Lider di MEP a gradisi pa e invitacion, pero a splica cu MEP tin otro prioridadnan caba, pa yuda esnan mas den necesidad. “Danki pa e invitacion pa bin keiro den e tram diasabra. MEP lo no tey pasobra diasabra MEP ta reparti basketnan na famianan menos afortuna den nos comunidad. Nos hala hubenil YEGA a hasi un accion di colecta di comestibles, cu tawata un extio grandi. Di aki mi kier gradisi tur esnan cu a duna nan contribucion, pa por alegra e Pasco di otronan. Diasabra henter dia nos ta bai parti e basketnan. Nos ta bai trese poco alegria den curason di esnan cu mas mester di dje. Pasobra e tram no ta alegra nan Pasco. E klinker tampoco ni e asfalt. Dus Mininster Presidente, nos lo no bin fiesta riba custia di pueblo, nos no ta bin hasi show riba custia di pueblo. Nos ta bai den pueblo, pa yuda esnan cu mas mester di dje. Y mi ta conseha partido AVP pa sigi e ehempel aki tambe”, según lider di MEP Evelyn Wever-Croes.

Comentarionan (21)Add Comment
Aruba Pilot
January 02, 2013
201.229.2.64
Votes: +0
...

Parti basket hahahahahahaha boso no sa kiko mas pa hasi pa purba yega na e pueblo cu a skop boso basta leu,compronde bon pueblo no kier basket no kier abo ni kier mep mas.keda cu bo basket duna bo famia pueblo no mester di limosna.

R.R. Ras
December 22, 2012
201.229.24.100
Votes: +3
...

Esaki nos ta yama politica barata y di tuma hende haci pasobra bo por core broma awor aki cu un basket mientras e resto di aña ta lubida ariba e hende nan aki. Esaki nos ta yama hypocrecia di marca mayor pasobra si di berdad boso kier tene cuenta cu e pueblo anto boso ta cuminsa a cambia e actitud ey y semper papia malo di progreso di e pais aki. E hamber pa poder di parti di boso ya ta conoci pa pueblo.

The Observer
December 22, 2012
201.229.2.4
Votes: +2
...

Wel, Parlamento of Pa Lamento? Ora bo haya oportunidad pa sinta den Parlamento di Aruba, bo ta haya tur sorto di oportunidad pa bin cu projecto di ley pa defende democracia of crea democracia y husticia absoluto unda cu no tin. Pero pueblo no ta tende nada di esey... Tin hopi informashon clave cu lo mester wordo divulga na pueblo, pero pueblo no ta tende nada di esey (kende ta donjo di Utilities / ta miembro di kiko boso ta/ ta kende berdaderamente ta manda na Aruba/ etc) Awe'n dia nada ta keda secreto mas...ta parce cu bida di ningun hende ta secreto mas... E wowo di e unico y berdadero Dios, e Tata di Cristo Hesus ta vigila pa eternidad... Nada lo keda secreto....nada nada nada...

Bounty Hunter
December 22, 2012
201.229.27.99
Votes: +7
...

Loke bo mester hasi ta, pidi papa e bahul di plaka cu boso a raspa durante ocho anja di pueblo y ainda na huur y parti'e bek na esnan cu mas mester di dje y no na friends and famliy! Basket ta snto den wowo di pueblo!!

MCR
December 21, 2012
77.169.240.127
Votes: -4
...

Ami si ta "masha masha hopi" contento mes cu nos Nassaustraat di antanjo asina bunita drecha! Aruba ta nos cas cu nos mester tene tur ora bunita drecha. Un Aruba bunita drecha ta tur hende lo kier biS**ta. Un Aruba cada bez mas bunita drecha y na ordo lo sa di genera tambe cada bez mas ingreso, felicidad y stabilidad pa su pueblo! E politica tipico di mep di un sak'i cuminda 'ki y un pida pan cu keeshi 'ya ta pertenece na e era di cauchi baulo!smilies/grin.gifsmilies/grin.gifsmilies/grin.gif

Arubiano Realistico
December 21, 2012
201.229.14.105
Votes: -5
...

Sra. Wever y sobranan di MEP, stop di haci boso mes ridic*lo.
Tur e cosnan cu e Gobierno aki a haci y ta haciendo ta manera sumpiña den boso wowo. Kita boso bril di palo y mira y accepta cu e Gobierno aki ta trahando, loke boso nunca a haci pa e isla aki.

Berdad pikante
December 21, 2012
201.229.54.197
Votes: -2
...

Un jamada na tur cu tin cuenta di awa y coriente atrasa pa pasa na sede di Mep. EWC si ta bai percura pa paga tur bosonan cuentanan y alivia bosonan d**or, lesa e artic*lo aki riba bon. EWC ta pone prioridad y juda esnan cu problema financiero, despues cu a chica e pober pueblo pa ocho anja awor nan tin placa suficiente pa juda tur hende.

rod
December 21, 2012
201.229.42.222
Votes: -2
...

Esaki ta e mentalidad di MEP: pensa cu e
pais aki ta un pais di limosna. AVP ta percura pa
uni nos pueblo y e pandiya geel ta percura pa kibra e union den nos comunidad. Aruba lo keda liber di e di mentalidad aki ora nos ta laga 3 asiento pa MEP. Den e siguiente eleccion: "Save Aruba from MEP.

Spanta pato
December 21, 2012
174.91.109.133
Votes: -5
...

Maske ta asina Boso por duna pueblo di Aruba back loque boso a usa placa di belasting pa favorese family and friends.E tempo e boso no a conose e d**or di pueblo. Ta henter Aruba boso mester cana parti y duna basket. Bisa papa usa e bankaccount ey pa haci pueblo contentu den e dianan di fiesta. Esaki ta un bon ehempel.

... Low-rated comment [Show]
dem
December 21, 2012
201.229.91.58
Votes: -3
...

Maske ta asina boso ta haci algo, tanto anja den gobierno y awor boso kier parti basket....hahaha...bay ganja bak...

... Low-rated comment [Show]
... Low-rated comment [Show]
... Low-rated comment [Show]
IloveAUA
December 21, 2012
201.229.10.251
Votes: +8
...

Ami ta un mama soltera sin trabao, pasando den dific*ltad. Niun rato ma tende cuenti partimento di basket di MEP! Mi tambe mester di un poco alegria di pasco. Unda mi tin cu pasa paga pami hanja mi basket di MEP????smilies/grin.gifsmilies/grin.gifsmilies/grin.gif

sweater
December 21, 2012
201.229.73.84
Votes: +23
...

Esei ta un gestio hopi bunita di aplaudi, pero esnan den necesidad tin mester ayudo henter anja. No Pasco so. Y mi palabra ta bai pa TUR cu ta traha den Gobierno.

... Low-rated comment [Show]
... Low-rated comment [Show]
... Low-rated comment [Show]
... Low-rated comment [Show]
... Low-rated comment [Show]
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter