Sunday, 20 April 2014
Rene Herdé: “porfin mi ta wak ta unda mi placa ta bay” Print E-mail
Monday, 24 December 2012 09:46
DSC_2063
Diasabra tabata un dia extraordinariamente ocupa den centro di Playa. Pa prome biaha den masha hopi tempo “Caya Grandi” tabata asina yen di hende. E awacero cu a cay den ora di mainta y merdia, a evita cu ela bira ainda mas druk. Hopi hende a bay cumpra cos di pasco.

Pero probablemente ainda mas hende a bay centro di Playa pa wak con e “Caya Grandi” a keda. “E no ta cla, pero ya Bo tin un idea con e ta bay keda. Tremendo.” Asina un tata canando cu su famia a expresa. Ela sigui conta cu e tabata tin duda cu e proyecto aki lo a bira un exito. Pero e ta gosa e persistencia di gobierno pa yega su meta. Un señora y su dos jiunan a bisa cu e ta masha contento cu porfin “Caya Betico Croes” ta bay keda cla. Ela bisa: “Porfin Betico Croes ta bay haya un caya cu ta bale la pena carga nomber di e gran politico aki. Loke e tabata te awor aki tabata un berguensa pa Betico. Pio ainda cu kier a conberti e caya cu ta carga nomber di Betico den un caya yen di casino y luga di hunga wega di placa. Loke awor e caya ta bay bira awor si bal carga e nomber di Betico Croes.” E ambiente den Caya Grandi tabata tremendo, apesar di cu e trabounan no ta cla y apesar di e awacero.

DUNA CUENTA

Hopi hende den caya tabata den espera di e inauguracion di e “trolly” cu pa motibo di e mal tempo a keda posponi pa dialuna awor si tempo duna. Un di e comentarionan cu a tende hopi riba caya ta cu hente ta bisa cu porfin nan ta wak proyectonan bini cla. Den esey nan a menciona tambe e rotonde grandi dilanti di aeropuerto. Awor nan ta wak con gobierno ta usa placa di pueblo pa drecha nos pais. Un persona basta conoci den comunidad a bisa di ta contento cu loke e ta wak ta bay bira e centro di nos capital. Ela exprea su mes asina: ”Tur gobierno semper mester duna cuenta di loke e ta haci y con e ta usa placa di pueblo. Pero ta pa prome biaha den tur mi añanan di bida mi ta wak cu gobierno di Aruba ta cumpli cu e exigencia aki asina bon. Awe mi ta cana den Caya Grandi y mi ta wak ta unda mi placa di belasting ta bay. E ta bale la pena di berdad. Gobierno di AVP no solamente ta mustra di por cumpli cu loke e ta bisa cu e ta bay haci, pero awor nos mes ta wak e resultado. Pa prome biaha tambe pueblo por controla gobierno door di wak loke e ta haci y door di check e cuentanan anual di gobierno pa wak con e placa cu gobierno ta haya ta bay. E placa cu a inverti den e Caya Grandi aki ta bal loke a usa p’e. E ta bay bira bunita.”

 

Comentarionan (8)Add Comment
Cabes bow blokki
December 25, 2012
190.104.107.128
Votes: +16
...

Cos lo dal AVP Masha duru...nan ta convenci cu nan lo ta den gobierno atrobe...mi placa a bai pa expande Kia ,prado pa polis,cachonan anti droga..linear park cu ainda no ta cla,green corridor.tno...si tin placa dicon mester presta toch di hulanda??boso a traha Roekeloos....prefera un Aruba cu buraco den caminda..Ouderwets cu un gobierno relaha,pero cu un inflashon i Costo di bida controlable...aruba ta birando caro Dia pa dia mas caro!!!dus ta natural cu criminalidad I descontento.

te
December 25, 2012
201.229.13.244
Votes: +18
...

Mi sa unda mi plaka ta bai, eo. pa pa paga periodistan comprometi,pa paga 400 coordinador pa defende gobierno na Radio y FB, pa paga pa un set di payaso den parlamento e.o. Sr. Herde etc. etc.

... Low-rated comment [Show]
tene duro Aruba
December 24, 2012
201.229.76.140
Votes: +18
...

Nos MINI Minister, Baba Herde, ta honesto y bobo.
Baba ta reconose cu MEP NUNCA tawata TRANSPARENTE den e gastamento di plaka. OK. Te ta OK.

Awor tur e OTRO GOBIERNONAN di AVP tampoco.

Baba, bula bo ta bulando cura? basha bo ta basha abow?
Di e gobierno di MEP ta difisil pa bo duna detaje,
PERO ESUN DI BO MES UN HENDENAN SI.
Conta nos MAS esey?
Race Track, Fondo di desarojo ect.

Uncle Ed
December 24, 2012
201.229.79.126
Votes: +18
...

Haci malo, pero pintele bonita.
Esey ta un manja cu masha poco hende por.
Nami bo cartera y lo mi tambe por haci hopi.

... Low-rated comment [Show]
feita
December 24, 2012
72.252.9.58
Votes: +21
...

hopi coi makako ahahahahaha

asina mes
December 24, 2012
201.229.15.107
Votes: +35
...

Bo plaka? Esaki ta plaka fia cu pueblo tin cu bai paga ainda. Stop di hasi politieka.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter