Thursday, 24 April 2014
Minister Otmar Oduber cu bista positivo riba mercado Brasilero Plannan strategico pa logra aumento den tursimo pa aña 2013 Print E-mail
Tuesday, 08 January 2013 17:28

Otmar Oduber005

Minister di Tursimo Otmar Oduber ta sumamente satisfecho cu e crecemento drastico di turismo durante 2012. Por a mira diferente retonan durante e aña, pero no obstante esaki 2013 ta mustra cu ta bay bira un aña positivo pa Aruba. Manera e mandatario a indica, ta trahando duro riba plannan strategico conhuntamente cu ATA, AAA y otro partnernan, pa asina aki logra yega y te hasta surpasa metanan pa turismo.

Minister Oduber comentando riba un di e retonan cu a presenta aña pasa, a menciona un caida di 6% den e mercado Brasilero. Motibo pa cu esaki ta cu Gobierno di e pais en cuestion ta stimulando comunidad pa inverti den economia domestico, ta sigui motiva comunidad pa haci compranan local enbes di bay inverti den un vacacion, e mandatario a indica. E di dos punto cu tambe tin su efecto riba e caida di e mercado Brasilero ta e compentencia di cierto destinacionnan den region e.o. Cancun, Bahamas y Santo Domingo, cu ta bin cu paketenan atractivo pa e mercado Brasilero pa medio di e fenomeno di all inclusive. Minister Otmar Oduber a indica cu Aruba no kier bay den e guera di prijs cu tin den otro paisnan den region. Pero mas aun usa e vuelonan directo conhuntamente cu nos hotelnan pa por logra trece e turista Brasilero pa vacaciona aki na Aruba. Mas cu claro un vuelo non stop lo yuda pa yega na e nivel cu Aruba kier yega pa cu e mercado di Brasil. Den 2012 no a logra esaki manera a desea pa motibo nan logistico di e aeropuerto di Guarulhos, cu no por a aumenta e capacidad di slotting, Minister di Tursimo ta indica. E diferencia por wordo crea dor di tin un aerolinea cu ta bula directo pa y di Brasil, mirando cu e no ta yega na e mes un orario cu otro avionnan cu mester haci mantencion. Pa e motibo aki Minister di Turismo ta sostene areolineanan cu ta bay haci esaki. Minister Oduber ta indica cu e mercado Brasilero ta gasta mas cu e promedio di turistanan cu ta bishitanto Aruba actualmente. Por premira cu durante 2013 cu e strategianan aki lo bay bolbe mira un crecemento den e cantidad di bishitantenan Brasilero.

Comentarionan (1)Add Comment
Emanista
January 09, 2013
67.23.232.242
Votes: +1
...

Cuminsa compara cifras di Caribbean Cruise Org cu esun di ATA, pa wak ken su cifras ta core paralelo. Anto si tin diferencia, carga bo responsabilidad!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter