Monday, 01 September 2014
Minister dr. Richard Visser: Esaki ta e miho momento pa haci inversion den Aruba Print E-mail
Tuesday, 08 January 2013 17:32

IMG 2343

Siman pasa durante bishita di e nuebe miembronan di Eerste Kamer di Hulanda na Aruba, Minister di Salud y Deporte, dr. Richard Visser a compaña e delegacion y invitadonan pa un recorido den e tram pa bishita e "sala di exposicion" den caya grandi. Den e sala aki, cual ta habri pa publico general, tin un presentacion di tur e proyectonan cu ta andando y tur cu ta bay bin pa renobacion y mehoracion di nos isla.

Minister Dr. Richard Visser a comenta cu Gobierno di Aruba tin un plan grandi, un master plan, unda ta presenta varios mehoracion cu ta beneficia e producto Aruba pa loke ta trata turismo, pero sigur tambe nos ciudadanonan den tur area, incluyendo e carteranan cu ta resorta bao di su encargo, esta salubridad y deporte. Tur area ta uni den un master plan y ta sumamente importante pa Hulanda ta informa y tin un bon bista di loke nos ta haciendo, ta p'esey tabata importante pa e miembronan di Eerste Kamer bishita e exposicion aki tambe. Nos ta e unico isla cu ta haciendo un inversion grandi den infrastructura pa nos producto turistico, cual ta beneficia nos comunidad inmensamente y ta inclui e renobacion y expansion di nos hospital, servicionan specialisa na IMSan y mucho mas, Minister Visser a splica. El a añadi cu e expansion di specialisacion medico ofreci na IMSan, particularmente e Centro di Oncologia lo ta un bon stap den e direccion pa promove Aruba como destinacion pa turismo di salud. Tur ministerio ta envolvi cu otro y ta importante pa Hulanda mira kico nos ta haciendo y aprecia cuanto trabao ta tumando luga y cuanto cos nos ta pasando aden como comunidad completo pa realisa e proyectonan. E mandatario a subraya cu ta importante pa considera e negociantenan y e habitantenan di Aruba cu a wanta dos aña di reconstruccion di e centro di ciudad entre otro, pero cu tur cos ta bale la pena, pasobra e inversion aki ta un esfuerso cu nos mester haci pa e producto Aruba. "Nos tur merece esaki y ta e miho momento pa haci esaki!" Minister Visser a enfatisa. E titular di salubridad y deporte a splica cu awo cu mundo ta na e rand di un "economic cliff" y cosnan no ta bayendo bon economicamente, esaki ta e momento pa haci inversion pa ora cu tur cos cuminsa lora atrobe mundialmente, Aruba ta cla pa ricibi e beneficionan. Drs. Marijke Linthorst di partido PVDA, kende ta encabesa e delegacion Koninkrijksrelaties di Eerste Kamer a splica cu e ta balora e forma di traha di Aruba, unda cu e gobierno no ta pone tur cos ariba turismo, pero tambe ta purba di haya otro pilarnan di economia, por ehempel crecemento sostenibel di economia cu ayudo di expertonan di TNO. Sra. Linthorst a bisa cu el a keda impresiona pa e desaroyonan na WEB Aruba N.V. tambe y ta aprecia con Aruba ta purba di distingui su mes y crea un experiencia unico pa turistanan crucero corda e isla entre tur e otronan cu nan ta bishita. E tram por ehempel ta algo cu sigur bo lo keda corda, el a añadi. El a bisa cu e ta haya e renobacion di e curason monumental di Oranjestad y e forma cu ta percura pa turistanan por yega akiden centro di un manera facil, algo hopi positivo.

album album album
album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter