Wednesday, 23 July 2014
Parlamentario Lorna C. Jansen-Varlack: Lider di MEP kier determina con e fraccion di AVP mester funciona y comporta nan mes den Parlamento Print E-mail
Tuesday, 08 January 2013 18:11

DSC02959

Na varios ocasion den pasado mi persona a splica e procedura di funcionamento di Fraccion AVP den parlamento. Ta parce cu e lider di MEP tin cabes duro of e ta scohe pa no compronde, pa sigui critica e sistema di funcionamento di fraccion di AVP den parlamento. Como e fraccion mayoritario e tareanan ta wordo reparti y ta depende di e tema cu e parlamentario ta carga, e ta keda esun indica pa papia durante e reunion publico.

Henter e fraccion ta participa na e preparacion pa cu e reunionnan publico, ta studia y discuti e Leynan, pero pa motibo di eficiencia y pa no cay den ripiticion a scoge pa mantene nan mes na cierto cantidad di orador. Fraccion di AVP por haci esaki pasobra nos ta 12 parlamentario, e parlamentarionan independiente no tin e luho ey y e mini fraccion di MEP, cu hopi biaha ta briya cu nan ausencia durante e reunionnan, tur mester papia pa saca nan gal. Nan si por critica Gobierno y pidi pa no bay bek den pasado, lubidando cu ta nan mes a cuminsa critica y ofende parlamentarionan y ministernan den sala di Parlamento y ora fraccion di AVP reacciona riba nan negativismo y ofensanan, Lider di MEP ta kere cu fraccion di AVP mester guli manda abou sin reacciona. Pa cu e remarca di grita “VOOR”, segun sra. Evelyn Wever-Croes, el a lubida di agrega cu ta fraccion di AVP mas tanto ta entrega mocion y amienda. E amienda ta pa haci diferente cambio den e Ley(nan)prome cu nos por bisa “VOOR”. Ora di papia di un nivel abou di educacion y di inteligencia di fraccion di AVP sra. Evelyn Wever-Croes mester corda cu no ta bo educacion y bo inteligencia so ta hisa bo nivel, pero principalmente e nivel di formacion personal di cas. Tanto bal bo tin e titulo di meester of doctorandus dilanti bo nomber, pero ta referi na presidente di parlamento cu e palabra “bo” na lugar di bisa “bo persona” y ta ofende parlamentarionan y ministernan durante boso disertacionnan. Esey ta un falta grandi di formacion personal. Ora bo ta papia di e nivel abou di educacion y inteligencia na mesun momento ta insulta pueblo di Aruba pa cu nan educacion y inteligencia. Fraccion di AVP ta forma parti di pueblo y ta representantenan di pueblo. Cu tur e educacion y inteligencia cu sra. Evelyn Wever-Croes ta pretende di tin, toch e no por pensa riba e consecuencianan di su expresionnan. Pa cu e parti di falta di dominio di nos idioma oficial cu ta Hulandes ainda ta recomenda bo persona pa ora di uza expresionnan hulandes durante bo disertacion pa haci uzo di e diccionario Hulandes Van Dale of cualkier otro diccionario pa wak di berdad con e expresion ta hinca den otro gramaticalmente. Criticanan infunda y baho den direccion di e educadornan di Fraccion AVP, esey ta e mentalidad y e actitud di e Lider di MEP, sra Evelyn Wever-Croes cu ta aspirando pa tuma e liderazgo over di nos pais Aruba den futuro. Pueblo por huzga pa nan mes e cantidad di insulto cu a wordo expresa door di parlamentario Evelyn Wever-Croes den su disertacion y den e articulo cu a sali for di MEP den medionan di prensa na December 2012. Pueblo di Aruba ta convenci cu MEP a cambia di lider, pero cu e mentalidad di hiba politica mediocre no a cambia asta ta wordo comenta cu el a bira peor.

Comentarionan (2)Add Comment
politiek2013
January 09, 2013
67.23.232.242
Votes: +0
...

mester cambia con ta yega na parlamentario nan,esta cambia e ley di vota, pa evita tipo di hende cu no por aporta constructivamente na parlamento di aruba. sra. jansen-verlack ta carece di e fac*ltad nan pa ta un parlamentaria den e contexto aki. esaki mi ta bise cu tur respet pa su persona. y tin mas den parlamento cu tambe no ta y hasta tin cu ta hopi pio...

mr.drs.Shon Papiamento
January 08, 2013
201.229.124.82
Votes: +1
...

Evelyn ta un hende critico. Esey ta bon. E ta controla e gobierno. E ministernan ta responsabel p'e pais aki. E ta bay p'e contenido. Abo, miho bisa, bo persona mester haci mescos. No bay n'e area personal, sino bira critico di bo gobierno.

E stoel ey n' ta pa semper! Otro cos, e palabra ta: "pio" no peor

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter