Tuesday, 02 September 2014
MEP critico den Reunion Publico pa renovacion y ampliacion di hospital Print E-mail
Wednesday, 09 January 2013 16:02
DSC_2063
Arondino Croes: AVP ta laga San Nicolas na caya! Según parlamentario Arondino Croes AVP a laga pueblo di san nicolas y vecindario na caya. AVP a priminti San Nicolas hopi y awor no a cumpli.

MEP a cuminsa un desaroyo di salubridad publico cu un facilidad medico (IMSAN) cu meta di logra un hospital pa San Nicolas. Cu e decisión di keda cu e hospital na Punta Brabo AVP a kita un posibilidad di desaroyo pa san nicolaas y a habri un oficina chiquito di turismo so.

AVP a bin cu escusanan fofo manera no tin espacio y ta keda mucho lew.

Cua compania ta encarga cu mantencion. Kiko ta e plan pa cu mantencion?Ta facil construi y renoba pero mes importante ta e mantencion.

E projecto di hospital tin tambe e aspecto di seguro.Kiko lo ser segura, kiko lo ta cubri y cua ta e exigencia di financiadornan?Companianan di seguro ta gusta pone limite, pesey ta importante pa tin claridad den esaki.

Otro componente di costo ta e audit cost. Ken ta bai haci e auditcost?Cua nivel y na unda?

Ken ta duna consehonan technico di e projecto?Ken ta encarga cu e maneho di e projecto y cuanto esaki ta costa? Ta desea di sa si a tene cuenta cu deseonan di esnan cu ta bai usa e hospital. Ki tempo e fase dos di construcion lo cuminsa.

mr. Xiomara Ruiz Maduro: Mas importante cu beton, ta e mehoracion di e cuido pa e patient!

Sin duda alguno nos Pueblo ta sinti e necesidad di un hospital nobo cu por brinda servicio optimal na e mas di 114 mil habitante cu nos Pais ta conta cune. Gobierno a scohe pa renova y amplia e hospital existente pidiendo SOGA pa inverti 252 miyon pa haci e proyecto posibel cu na fin di dia lo costa nos Pais mas di 700 miyon cu mester wordo paga den 29 aña di tempo.

Preocupacion cu tin ta si Pais Aruba mirando nos situacion financiero precario por carga e gastonan aki. Tambe si e localidad di e hospital ta esun di mihor en bista cu ora di calamidad debi na por ehempel awacero fuerte e tereno rond di hospital ta bira inacesibel. Den cuadro di esaki ta bon pa sa si Gobierno a pidi advies di Rampenbestrijding. E motibo cu Gobierno ta duna pa keda na e localidad actual ta cu kier evita e molester y e costo cu lo tin pa e specialistanan rond di hospital si nan mester muda di unda nan ta awor. Según Gobierno hospital ta asecibel den 18 minuut for di Sanicolas. Pero mirando e situacion di nos trafico cu ta congestiona riba cualkier ora di dia, e pregunta ta bira si hospital di berdad ta asina liher acesibel. Sigur si tene na cuenta cu e tram den Centro di Oranjestad cu su hefboom nan lo congestiona e trafico riba boulevard aun mas. Pa e motibo aki nos mester sa si Gobierno a evalua otro area pa traha e hospital.

Mas importante cu un lugar bunita di beton, ta si e cuido di patient ta wordo mehora. Nos mester sa si e 40 miyon cu Gobierno ta haya pa e hospital cu nan a pasa pa SOGA lo wordo inverti bek den Hospital den forma di mas personal pa drecha e servicio na e patient.

mr. Juan Ady Thijsen: Ora ta desvia di ley mester ta mas cuidadoso!

Ta importante pa enfatisa cu ta trata di un leynan pa duna e ministernan involvi e posibilidad pa desvia di leynan existente y akinan mester tin e cautela necesesario.

Tambe ta importante pa acentua cu salubridad ta parti di e calidad di bida di ciudadanonan, ta importante pa cuido medico ta mas optimo posible. Ta hopi importante pa regla tur aspectonan involvi. Tanto bal bo tin cambernan fura di marmer mes si e equipo y servicio no ta adecua.

SOGA a wordo introduci pa MEP pero mester tin hopi cautela ora ta laga proceduranan gubernamental los y trece proceduranan simple cu responsabilidadnan grandi, especialmente teniendo cuento cu na final di cuenta e projecto por bai costa mas di 1 billion. Akinan por menciona e landsverordening uitgifte eigendommen, codigo civil y landsverordening hypotheek bewaring. Tambe e comptabiliteitsverordening. y tambe cu ta cambia un notarisakte pa un landsbesluit.

Mirando e importancia di e projecto ta importante pa gobierno ta mas transparente posible y esey parce no ta e intencion. Apesar di WODC rapport y apelacion di gobernador den su discurso cuminsamento di anja, gobierno ta cera y habri anja cu un falta di respet pa parlamento unda ta nenga di contesta preguntanan di parlamento y den esaki presidente di parlamento ta keda debil, pasobra ta actuando contra Staatsregeling di Aruba. E summa grandi di e projecto y su complexidad ta duna espacio pa hopi willekeur por ehemplo e fondo pa seguro ta hopi grandi y ya caba tin nomber a cai di companianan di seguronan yega na gobierno. Ta bon pa gobierno aclarea esaki.

Al final importante ta e bienestar di pueblo , unda e pueblo ta goza di un servicio di cuido di calidad pa cu su salud.

Comentarionan (7)Add Comment
xiomara dushi
January 10, 2013
67.23.232.242
Votes: +0
...

Bo ta keha tur dia di gobierno. Algun dia atras bo ta papia di cu tur cos ta caminda. Awe tin un projecto total pa drecha y eleva salubridad general di aruba y kico???? Tambe bo ta yora. Xiomara jorona!

xiomara dushi
January 10, 2013
67.23.232.242
Votes: +0
...

Xiomara mi dushi... ta con awo?

ken ta ken?
January 10, 2013
67.23.232.242
Votes: +0
...

Tin kritica constructivo y destructivo. Pero tambe di kritica nonsense. E ultimo ey ta loke mep ta representa e ultimo anjanan aki.

prorubiano
January 10, 2013
67.23.232.242
Votes: +0
...

Conchale e hendenan aki si ta sin cuero di cara, paso MEP no a lubida san nicolas so pero a lubida Aruba completo den 8 anja, cu exepcion di F&F.

chinoman
January 10, 2013
67.23.232.242
Votes: +0
...

Please Mep, please bosonan ta cansami caba critica y nada mas cu critica, pero niun solucion. Pa mi no tin ningun contenido na un critica sin solucion, na hulandes nos ta yama esey " De kat uit de boom kijken of De beste stuurlui staan aan wal ". Bosonan ta wordo bon paga bo tin critica bin cu solocion nos ta hende educa nos no ta wodo ganja mas. mustrabo abo lo hacie.
Saludos Chinoman

pro-aruba
January 09, 2013
67.23.232.242
Votes: +0
...

He tipico Xiomara cu su criticanan atrobe:,,Beton, beton y mas beton,,! Conchale kier mehora salubridad publico si, pero no kier e expansion di hospital, ya cu ta contra di tur cos atrobe. Kico bo kier anto? Duna luz bow di palo di watapana? Haci operacion den cueba of sker di piedra? Haci colonscopy bow mata di coco? Ademas e distancia di Sanicolas pa hospital lo bira mas ,,corto,, den futuro, ora cu e green corridor, y e ringbaan bin cla! Ta cua l**ois lo bay pasa cu su ambulance den centro di ciudad pa topa cu e tram! Bay dal un keiro den tram om! Hahahahahhh

johantromp
January 09, 2013
67.23.232.242
Votes: +0
...

Fraccion di Mep mester tawata critico ora booshi a cuminsa gasta placa di pueblo trahando un edificio, cu no ta cuadra cu ningun regla pa ta un hospitaal. Pura pura djies pa purba gana voto den porta di elecshon. I awor pueblo mester bai paga pa drecha e error cu Booshi i partido MEP a comete. Ta miho e parlamentarionan aki di MEP bin bei.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter