Wednesday, 22 October 2014
Minister Otmar Oduber: Practicamente tur rekisito ta cla pa inicia cu e proyecto di Hard Rock Hotel & Casino Print E-mail
Wednesday, 09 January 2013 16:52
DSC_2063
Minister Otmar Oduber comentando riba e proyecto di Hard Rock Hotel & Casino a duna di conoce cu practicamente tur e rekisitonan exigi pa e comision cu tabata evalua e proceso di e hotel aki ta na e parti final.

Tin un reunion mas cu mester tuma lugar dialuna awor caminda cu lo caba di discuti cierto detayenan cu mester bin den e acurdo pa traspasa e terenonan di ex Bushiri pa e grupo di Southwest.

E mandatario ta splica cu e proceso aki ta un tiki diferente compara cu tur otro proyecto di hotel cu tabatin den pasado. Motibo di esaki ta cu e otro acuerdonan cu a wordo firma ta di un tereno bashi, cu no tin ningun ‘opstal’ riba dje. Den e caso di Bushiri tin un edificio riba dje y aunke cu e edificio practicamente no tin balor mas pasobra cualkiera cu realiza un proyecto eynan lo mester bashe abou y lante di nobo, segun nos leynan di contabilidad, e edificio aki tin un balor. E balor ey tin cu wordo refleha den e acuerdo cu ta wordo firma cu e grupo.

Minister Oduber ta spera cu e siman cu ta bin e detayenan aki por ta completamente cla pa di e forma ey elegi un fecha pa firmamento por tuma lugar y asina e promer fase di e proyecto di elimina e ruinanan di Bushiri por cuminsa.

Tambe e mandatario a duna di conoce cu e impacto di un Hard Rock pa Aruba ta uno grandi y ta riba diferente aspecto. Uno ta e aspecto moral caminda cu na e momentonan aki tin un edificio den ruina. Aproximadamente 95% di nos turistanan ta pasa su dilanti y e bista cu tin na e momentonan aki ta masha mahor.

Un otro impacto ta cu e lo trese entradanan adicional, tambe inventario di cambernan cu ta sumamente necesario na Aruba. Esaki pasobra na e momentonan aki tin diferente peak den aña caminda cu no tin camber disponibel.

Un di tres impacto ta cu e ta habri un mercado nobo, un mercado di personanan mas hoben di un otro generacion cu ta paga e balor di cambernan cu un Hard Rock Hotel ta exigi.

Minister Otmar Oduber a expresa cu mescos cu un Ritz Carlton (cu si tur cos bay segun plannan na october awor lo habri su portanan) ta enfoca riba un mercado special cu ta habri oportunidadnan nobo pa Aruba, Hard Rock Hotel tambe ta enfoca riba un mercado specifico cu ta habri otro portanan y cu ta pone cu e diversificacion busca den atraccion den turistanan pa Aruba, ta bira uno mas amplio.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter