Friday, 31 October 2014
Xiomara Ruiz Maduro: Den Plan pa hospital MEP tin tres preocupacion Print E-mail
Wednesday, 09 January 2013 18:54

MEP (Medium)

Xiomara Ruiz Maduro di e fraccion di MEP den Parlamento tambe tabata den Parlamentario pa e reunion di e proyecto di ley pa duna apoderacion na Minister di Salubridad Publico pa yega na un acuerdo cu SOGA (Stichting Onroerend Goed Aruba) pa renobacion y ampliación di hospital. Durante e reunion, e Parlamentario a splica den un entrevista, cu nan a haya chens di trece diferente preocupacion y pregunta dilanti.

Diferente contesta a bin tambe. Awor nan ta buscando claridad riba e renovacion y expansion. MEP tin tres preocupacion segun Xiomara Maduro. E prome preocupación y esun mas grandi cerca fracción di MEP, ta con Gobierno ta bay paga pa e proyecto aki, mirando cu ta trata di un inversión di 252 miyon florin, pero ora di pago cu e interes acerca, e ta surpasa 700 miyon florin. Si pone acerca, e ta bisa, e componente cu e interés cu por fluctua, hasta por yega na 1 biyon florin. “Mirando e situación financiero di Aruba, mirando e deficit, e buraco cu tin den Finanza Publico, mester pensa bon ki decision ta bay tuma y si nos por cargue,” Sra. Ruiz Maduro a duna di conoce. Un otro preocupacion ta e localidad, ya cu nan kier sa si esaki ta e miho luga mirando e inversion miyonario cu ta bay wordo hinca den e proyecto. Fraccion di MEP kier sa for di expertonan si e ta miho localidad ora di calamidad. Nan tabata kier for di comision rampenbestrijding un conseho riba e ubicacion aki, y cual ta e otro opcionnan cu Gobierno a explora, mirando cu varios biaha e area a keda bou di awa. Di otro banda, e ta bisa, ta invirtiendo den e infrastructura, pero nan kier sa si e servicio tambe ta bay haya atencion, si e ta bay wordo mehora. El a menciona cu nan ta consciente cu tin un falta di personal, cual lo por bira un problema pa e cuido pero tambe e descuidonan ta tuma luga. El a menciona fatalidadnan cu ta wordo señala den prensa. Basa riba tur esaki kier sa di e Ministernan, kico ta nan pensamento, opcion y solucionnan pa pais Aruba den caso di renobacion y ampliacion hospital. Contrario na Parlamentarionan di fraccion berde, Ruiz Maduro ta kere cu e transparencia no ta total ya cu ora di cuminsa reunion tabatin diferente punto di ordo. El a duna e ehempel di su colega Booshi Wever, kende a manda un serie di pregunta y 50 di nan no a wordo contesta. Fraccion di MEP no a ricibi algun rapport ter inzage pero no copia. Nan ta prefera di haya un copia pa por hiba un bon debate. Pa finalisa, el a bisa cu despues cu e Ministernan caba di contesta, nan lo formula nan posicion riba e proyecto di hospital.

Comentarionan (5)Add Comment
ffhenriquez
January 10, 2013
67.23.232.242
Votes: +1
...

Preocupacion #1: unda evelyn wever croes ta
Preocupacion #3: unda eddie briesen ta
Preocupacion #4: cu addi thijsen tey of lagi tey ta mescos e la keda.
Hahaha

monster
January 09, 2013
67.23.232.242
Votes: +0
...

Bosa ta pika pa wa con e partido di mi bario dushi sta cruz a kaba na nada asina.Henter dia eveline cu Xiomara ta sinta wak problema di Avp enves di cuminsa campanja riba planesnan fructifero segun nan.Rudy momo Ru minosa kico ainda bo tin di grita ba bai laga e partido i bosa cu ela kaba no hasibo druk disfruta dibo pensionan.Pa mep bin ariba bek porta!!! mester cambia eveline cu xiomara anto pone Eddyson na kabes porta elo bin bek.Pero ja Avp cu Mep ta simplemente 2 famia cu poder financiero purbando di ta e gobierno anja tras anja just like that.Ahn btw mi ta un mepista desepshona di Mep.

ciudadano2013
January 09, 2013
67.23.232.242
Votes: +0
...

bon e R.R. Ras aki ta un persona cu mester ta un minister paso tur cos e sa ....e lo ta un di e sabe lo todo nan cu tin aki nan Aruba...wak dia cu su hende nan hinca man den su sako pa paga e hospital e tene su boca sera y paga...mescos pa tur e klinker y beton...e tram...y otro aventura nan di e gobierno aki...

johantromp
January 09, 2013
67.23.232.242
Votes: +0
...

Sra Xiomara negativo Maduro, e financiamento ta di parti di soga cu partido MEP tambe a uza ora di traha otro edificionan aki na Aruba. Sra negativo, ora MEP ta den gobierno SOGA ta bon, I ora AVP ta den gobierno e ta c*****o manera boso kier pinte cu preguntanan i criticanan negativo. Sra negativo na unda bo sentido humano a keda. Paso den bo critica solamente hende por wak bo sentido materiaal di cual abo cu bo partido ta bon conosi pe. I buy the way e hospitaal ei tin 41 anja para einan cuantu anja Sra negativo tin.

R.R.Ras
January 09, 2013
67.23.232.242
Votes: +0
...

Si e inversion ey tin Xiomara preocupa anto kiko ta e bienestar di e pacient nan anto? Acaso e bienestar general no ta conta pa Xiomara? Nunca MEP no a haci nada ni a bin cu un plan realisable pa soluciona e problema di hospitaal pero si ta sinti nan e prome nan yama pa para un banda critica.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter