Monday, 20 October 2014
PDR kier sa con ta bay mehora servicio na hospital Print E-mail
Wednesday, 09 January 2013 19:11

Andin

Partido Democracia Real y su lider Andin Bikker ta masha contento di mira cu despues di hopi aña, porfin edificio di dr. Horacio Oduber Hospital ta bay haya atencion, den e plannan di renobacion y ampliacion cu ta den Parlamento pa haya aprobacion.

E ta haya e ley di Hospital uno bon, principalmente si mira cu e hospital aki tin casi 40 aña cu el a wordo construi. Pero manera el a bisa caba den su conferencia di prensa na inicio di siman, su persona lo bay concentra durante e debate riba con por mehora e nivel di cuido. Y esaki tabata e caso diaranson den oranan di mainta. “Edificio no ta cura hende, pero e por facilita si pa e hende mehora, principalmente si tende e preocupacionnan den comunidad pa e tempo di espera pa wordo atendi y pa cual nos como representante di pueblo mester atende,” Bikker a duna di conoce. Tambe a discuti e mainta aki e aspecto financiero di e plan di renobacion y ampliacion, cual ta e suma cu ta bay wordo paga pa luna of pa aña pa e proyecto wordo realisa. Den un reunion, un miembro di Parlamento di oposicion a papia di corupcion y iregularidad, algo cu, segun Parlamentario Bikker, e no a constata den tur loke cu a bini dilanti. Pero, e ta bisa, e ta laga tur hende para pa loke nan ta kere cu nan a constata.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter