Friday, 31 October 2014
Juan David Yrausquin: Fraccion AVP contento cu procedura transparente di destaho pa plan di HOH Print E-mail
Wednesday, 09 January 2013 19:15

front

Diamars ultimo Parlamento a cuminsa cu tratamento di e proyecto di ley pa financiamente di renobacion y ampliacion di dr. Horacio Oduber Hospitaal. Riba e prome dia di reunion Parlamentarionan a haya chens pa haci pregunta na e mandatario encarga, ing. Mike de Meza, mientras cu diaranson den oranan di mainta a cuminsa cu contesta di parti di e mandatario riba e preguntanan haci na su persona.

Parlamentario Juan David Yrausquin a splica cu e ley ta pa duna Minister di Salubridad Publico apoderacion pa yega na un acuerdo SOGA (Stichting Onroerend Goed Aruba), cu a haci diferente proyecto na Aruba caba, entre otro edificio di Belasting y Infrastructura. Esaki ta nifica cu e fundacion aki ta bay realisa e proyecto di expansion y renobacion di hospital. Na final Gobierno, si e periodo di 29 aña wordo acepta, ta bay paga huur na SOGA pa e hospital. Fraccion di AVP, Yrausquin a splica, a cuminsa pa enfoca riba e proceso di destaho, analisando e cambionan cu a wordo haci den e procedura aki. Inicialmente tabata e idea pa invita un grupo di compania pa entrega oferta, pero despues a cambia y hacie habri pa companianan di afo tambe. Fraccion di AVP ta contento cu e cambio aki, ya cu nan ta di pensamento cu un sistema asina ta mas transparente. E otro aspecto cu nan a bay riba dje ta e parti di huur cu Gobierno mester bay paga den e fundacion, y tin e aspecto di indexering tambe hinca den e acuerdo. E ta papia cu tur aña e huur ta subi cu un minimo di 2.7% , tur cos dependiendo di e inflacion y costo di bida. AVP ta kere cu e suma aki ta uno basta halto y tabata kier sa kico por haci pa percura pa no mucho placa bay den e fundacion. Gobierno di su banda a splica, cu e motibo pakico e ta asina halto ta cu e interes por subi y mas halto di loke a calcula. Pero a bisa e mandatario cu e interes por ta menos halto y e mantencion tambe por ta menos di loke a premira. E mandatario den su contestacion diaranson mainta a indica cu lo bin un formula cu un situacion asina lo cay toch na fabor di Gobierno. AVP tin un amienda pa entrega caminda ta pidi pa Parlamento wordo informa regularmente riba e aumentonan y resultado di e proceso di huur y gastonan cu e fundacion tin. Kier un vigilancia estricto riba e puntonan aki, pasobra ta un inversion hopi grandi ta wordo haci. Y den cuadro di e maneho berde, kier pa hospital ta esun mas berde den Caribe tambe. Pesey kier pa e wordo incorpora den e proyecto “y nos ta kere cu e por realisa y ta haci cu e gastonan di operacion ta mas abou cu otro edificionan convencional,” e Parlamentario di fraccion berde a indica. Pa loke ta e acusacionnan di corupcion, Parlamentario Yrausquin a splica cu e proceso manera cu e tabata anteriormente kisas lo por a crea duda. Si invita un grupo so y no habrie internacionalmente, por crea duda. “Pesey nos ta contento cu e cambio a bin ... y awor tin tres compania internacional grandi cu ta den contienda pa e contracto,” el a bisa.

gallery1 gallery1 gallery1
gallery1 gallery1 gallery1
gallery1   

Comentarionan (3)Add Comment
What's now
January 10, 2013
67.23.232.242
Votes: +0
...

HOH ta tristo paso e service den hospital ta nul,nul mi mes a drumi aden y ta hopi malo mes.Asina esun cu a pasa aden sa di kiko e ta papia e nazorg especial ta hopi malo,y ta keha cu no tin personeel anto pakiko bai traha un hospital of traha un verlenging si no tin personeel,Traha riba e servicio y mal trato hende ta muri den kamber, y ora bo jama verpleester > nan ta ignora pa bin duna servicio. H> hde O > otro H >hende ta HOH /Nan ta mas den segura nan mes cu tur clase di frase ora nan haci fout...

Nicodemus
January 09, 2013
67.23.232.242
Votes: +0
...

Asina ta cu pa esunnan den en area di pariba di brug ta keda mas tantu den man di Dios den casonan di emergencia. IMSAN ta hopi limita. Mi no ta compronde dicon no por a traha un hospital mas central, of hasta expande e servicionan di IMSAN manera debe ser. Pa gasta asina tantu plaka pa un hospital rib'e mesun tereno (cu ta HOPI leu), mi no ta compronde. Manera nos tin mester di tres HAVO/VWO na Aruba, nos tambe tin mester di dos Hospital na Aruba of un Hospital cu ta situa mas central. Het is en blijft ongelooflijk!!! Hopi tristu.

ciudadano2013
January 09, 2013
67.23.232.242
Votes: +0
...

awe mi a scucha un parti di e reunion publico den parlamento relaciona na hospital: no tin palabra pa describi e locual nos ta yama parlamento...tristo tristo tristo...pa no bisa un porkeria...set di hende cu no merece ta den e organo mas halto di Aruba...anto e porko nan aki ta wordo paga pa hiba Aruba dilanti..y Sr. presidente drs. Paul Croes ta laga nan bai dor sin mas...que porkeria!!! tje vies!!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter