Friday, 22 August 2014
Na september PDR ta bay haci un diferencia den eleccion Print E-mail
Wednesday, 09 January 2013 19:49

andin september

E aña aki Aruba lo ta den campaña pa eleccion Parlamentario. Pa henter e periodo aki di periodo Parlamentario cu ta finalisando, e lider di PDR Andin Bikker tabata practicamente e unico cu a bini dilanti pa representa su partido. Esaki ta un indicacion cu e partido lo ta den un renobacion.

Den su conferencia di prensa e siman aki Bikker a splica cu nan a bin ta entrevistando candidatonan pa algun tempo caba. E ta spera cu pa por lo menos despues di e periodo di carnaval, PDR lo cuminsa presenta su candidatonan. Loke si e por bisa for di awor ta cu lo bay tin varios cara nobo riba e lista y cu “pueblo por confia cu nos ta traha duro riba esaki y cu lo nos lo bay tin un lista bon balansa cu pueblo por sinti su mes confortabel cune pa dune su sosten y trece un balansa den Gobernacion. Nos ta convenci cu e proximo eleccion ta bay ta un coalicion,” Bikker a comenta. Pa loke ta e pregunta si ex Presidente di SPA, Guilfred Besaril ta un di e candidatonan, el a duna di conoce cu e ex sindicalista mes den su conferencia di prensa a duna di conoce cu e ta evaluando riba nivel persona kico e ta bay haci riba su profesion, si e ta keda den Cuerpo Policial, ta bay sector priva of politica y e mester haya e espacio ey pa por tuma su decision. Di otro banda, e ta admiti di a combersa cu Besaril pero ningun decision a wordo tuma. Y el a enfatisa cu semper PDR ta anuncia su candidatonan via di conferencia di prensa. Den PDR sigur e ta bon-bini, Bikker a bisa. Siguiendo riba e tema di creacion di e lista di PDR, e lider di e partido a splica cu nan ta buscando un balance den esnan cu ta ranca voto y otronan cu por hiba un maneho, pero tambe esnan cu kier drenta arena politica mester haya chens pa acumula experiencia. Cada caso ta riba su mes pasobra a mustra Andin Bikker cu MPA y RED a bay cu tur confianza henter un temporada den Parlamento y ora di eleccion a keda afo. Relaciona cu esaki Andin Bikker a splica cu nan ta hopi sigur di nan mes y nan partido durante e 3 campaña cu nan a bay a sigui crece den voto. Loke e partido semper ta haci ta cu nan ta traha a base di encuesta pa mira kico e votadonan kier y a base di esey ta bay campaña buscando voto pa representa pueblo. Pero den otro tipo di encuesta tambe ta indica cu PDR ta bon para.

Comentarionan (12)Add Comment
automan
January 10, 2013
67.23.232.242
Votes: +0
...

Andin e diferencia ta bay ta cu bo lo no tey mas. Ami no a yega di conoce un persona cu negatieve carisma, abo so.

yenyen
January 10, 2013
67.23.232.242
Votes: +0
...

Bo sa Andin mi conocebo hopi tempo. Bo ta un bon gai, pero politica no ta algo pa bo. Bo no tin carisma y bo no ta in touch cu 'e ciudadania'. Bo profesion di abogado ta loke bo ta gusta, wel bay hacie. Politixa inderdaad no ta algo pa bo.

ffhenriquez
January 10, 2013
67.23.232.242
Votes: +0
...

Andin. Er is een tijd van komen en er is een tijd van gaan. En de tijd van gaan is gekomen. Tot ziens.

monster
January 09, 2013
67.23.232.242
Votes: +0
...

Andin bo ta un homber respeta cu inteligencia buska un tremendo team cu par di maestro,abogado,c*ltural un tiki di tur cos bon hasi bo partido sigur bolo truinfa.No bin cu fam i nomber den poblicidad paso bolo bolbe cai pa appelnan "putri". Sigi bo trabou no bira mane otro partido ta grita na radio cu telenoticianan hasi bo projectonan i leynan sigi ilumina bo kamindanan

rod
January 09, 2013
67.23.232.242
Votes: +0
...

Atrobe e mesun set di soketada: segun
sr. Bikker e encuesta hasi den ultimo eleccion
tabata mustra 4 asiento pa PDR: di baina e mes a
keda como parlamentario. Ainda ningun hende na ruba
sa ken ta PDR....!!!!

Lucio R.Croes
January 09, 2013
67.23.232.242
Votes: +0
...

Tantempo e partidonan den oposicion no por compronde cu e unico manera pa nan sobrevivi ta forma den eleccion vinidero un bloke contra di e gobierno di AVP,anto e ora si por tin chens pa un gobierno di coalicion..Pero manera cos ta mustra awor aki, si kada partida chikito bai ariba nan mes, INDIRECTAMENTE nan ta campanjando pa AVP si nan no logra saka 1 asiento....Si nan no saka asiento, AVP ta bai bari nan tur hunto anto mahos. Nos por hanja nos den un situacion cu OPOSICION por hanja mas voto cu e gobierno di AVP, pero AVP ta bari nan den e restzetelsnan cu nan a regala AVP.

pro-aruba
January 09, 2013
67.23.232.242
Votes: +0
...

Bon e diferencia lo por ta esaki: Na anja 2009 PDR a ,,scarmay pa un drachi'cabey e porta pa drenta Staten,,! Y na anja 2013 PDR lo no ni mira mes e porta di Staten, corda pa drenta! Hhahahahahahhhhh

RSA
January 09, 2013
67.23.232.242
Votes: +0
...

Mi voto ta pa un coalision y no pa un dictadura den Parlamento , pesey mi voto ta ni berde ni geel.

weg wezen!!!!
January 09, 2013
67.23.232.242
Votes: +0
...

4 Anya pasa bo tawata tin e yabi hahahaha ,y awo bo ta bai hasi e diferencia, hahahaha wake up and smell the coffee......E diferencia ta cu cu bo ta bai join PPA....!

Shabby V
January 09, 2013
67.23.232.242
Votes: -1
...

Elecion ta september ki fecha ?

ciudadano2013
January 09, 2013
67.23.232.242
Votes: +0
...

Andin...for di mi un voto nobo pabo...esta aditional...just sigi hasi bo trabow...no kibra cabes cu hende nan envidioso...manera R.R. Ras...porta hasta na september e ta realisa cu ta PDR mes ta e diferencia na bienestar di Aruba...

R.R.Ras
January 09, 2013
67.23.232.242
Votes: +0
...

E diferencia cu mi ta mira cu PDR ta bay haci di ta bay bira mescos cu partido RED y PPA pasobra ta hustamente pa nan mente di para acusa y critica otro den un forma baho a hiba nan caminda nan ta awe y PDR no ta haci un differencia for di nan. MEP ta esun di mas vil y baho ainda pero hunto e mentalidad aki ta contribui na hiba e mentalidad Arubano na un decadencia di ordo y moral.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter