Tuesday, 02 September 2014
PDR contento cu maneho riba aparatonan inverter Print E-mail
Wednesday, 09 January 2013 19:46

Andin Bikker015

Partido Democracia Real a keda satisfecho di por a tende di e maneho di Gobierno riba aparatonan inverter y autonan hybrid. Andin Bikker, lider di Partido Democracia Real, den su conferencia di prensa a bisa cu nan a tuma nota di rebaho di invoerrechten riba aparatonan inverter pero tambe riba number di autonan hybrid y esunnan cu ta core riba energia electrico.

“Nos ta aplaudi esaki y nos ta considera un logro comun basa riba nos programa di gobernacion pa eleccion 2009 y e diferente mocionnan cu nos a pasa den Parlamento, semper nos a boga pa baha invoerrechten riba aparatonan inverter y led lights cu ta hopi mas eficiente den consumo di energia, “Bikker a splica. Na mesun momento e lider di PDR a recorda e testcase cu nan a cuminsa, cu ta andando ainda pero a bira superfluo, cu ta relaciona cu e number pa autonan di coriente. E ta bisa cu nan ta contento cu Minister di Energia tabata habri y a acepta nan sugerencianan riba e tema aki. Y a splica cu e Minister a haci e anuncio aki por medio di un decreto, cual ta posibel ora cu ta trata asuntonan cu ta beneficia e pueblo. E maneho ta encera cu p.e. e luznan led lights a baha for di 22 pa 2% di invoerrechten y numbernan di auto a baha substancialmente. Loke si e no a nota, ta e rebaho aproba den Parlamento, den un mocion presenta door di PDR, ta e invoerrechten riba autonan di famia pa te cu 10 persona, pa loke ta esnan cu tin motor diesel. E ta algo cu a wordo aproba casi dos aña pasa, pero te cu awo no a wordo ehecuta.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter