Cu ilegalidad na Aruba ta un problema na Aruba por a wordu deduci no solamente di e articulo publica den “El Tiempo” di 10 di maart 2012 di cual por saca afo cu tin of tabatin 8.276 personan ilegal na Aruba, pero tambe di hopi acontecimentonan cu a tuma lugar den e aña cu a pasa.
Asina nos por corda e tireoteo den un area turistico entre polis y dos persona cu segun informacion recibi tabata ilegal na Aruba. Tambe segun informacion na varios ocasionan pasaheronan di cruseronan procedente di Colombia a keda atras ilegalmente na nos pais, por ultimo riba 29 di November 2012 cu e crusero “The Horizon”.
Bandi di esey nos por a constata tambe pa medio di diferente publicacionan den prensa cu polisnan den varios accidente of control di trafico a encontra chauffeurnan ilegal cu ta conduci auto sin cu esakinan tin rijbewijs y/of seguro di auto.

Ilegalidad tin hopi consequencianan negativo financiero y socio-economico pa un pais ya cu personanan ilegal por tin un historia criminal y por tin enfermedadnan contagioso y cronico.

Aparte di e problemanan aki, esnan cu drenta Aruba di e forma asina ey, ora cu nan no hanja trabou lihe pa por sobrebibi, e chance ta grandi cu nan lo por cuminsa horta of comete atraco.
Esnan cu drenta ilegal y permanece ilegalmente, pero haña un trabow toch, lo
no ta paga loonbelasting, primanan di AOV/AWW y AZV.
Door cu nan ta acepta cualkier pago pa un trabow nan ta formando un competencia inhusto pa trahadornan local cu si ta paga nan loonbelasting, prima di AOW, AZV, etc etc.

Fuera di e competencia inhusto pa obreronan local, esaki ta causa un competencia inhusto pa e comerciantenan serio y honesto cu si ta emplea personal na un forma legal y cumpliendo cu nan obligacionnan civico.

Asina tambe, door cu gobierno no ta hañando su "fair share", e fenomeno aki por causa extra presion riba nos gastonan di medico (hospitaal), vivienda y educacion.
Y ora e ilegalidad aki ta wordo permiti y promove pa e gobierno di AVP, esnan cu ta wordu permiti pa keda na Aruba, ta hanja un trato preferencial riba e trahadornan cu SI a respeta e ley y a pasa den tur e tramitenan pa hanja nan permisonan.

Pues ta mas cu logico cu UPP na diferente ocasion a mustra riba e problema serio aki.
Sinembargo te ainda nos ta haña e impresion cu gobierno NO kier resolve e problema aki.

Nos di UPP ta di opinion cu gobierno, especialmente cu bista riba e conservacion di pilar di nos economia, nos turismo, y seguridad nacional di nos pais, tin e obligacion pa di un biaha y pa semper tuma e medidanan necesario promer cu mas atraco riba turista y mas tiroteo tuma lugar.

Pa e razon aki nos di UPP, kier a urgi tur cuidadano consciente pa tuma un rol activo pa combati ilegalidad door di yama anonimamente riba number 11141 si nan sa e paradero di e personanan cu no a regresa a bordo di e crusero The Horizon, manera a wordu publica den Diario riba 14 di december 2012.
Nos di UPP ta urgi polis y Guarda Nos Costa alavez pa check e adresnan di e familiarnan di e personan aki ya cu nos ta kere cu e ta mas cu logico cu e personanan aki ta kedando serca serca nan familiarnan.

Tambe nos ta urgi cuidadanonan cu por sa e paradero di otro ilegalnan cu a drenta via crusero of otro medio di transporte pa yama Guarda Nos Costa pa avisanan door di yama e number di telefoon: 583-9065.

Pa evita cu e gastonan di deportacion bin pa cuenta di gobierno nos ta avisa gobierno pa deporta e ilegalnan aki riba gastonan di esnan cu a sconde nan of a tuma nan na trabou.

Tambe nos ta conseha gobierno pa, conforme e Landsverordening Toelating en Uitzetting vigente, boet esnan cu a percura pa vivienda pa e personanan ilegal y tambe esnan cu a tuma e personanan ilegal na trabou.

Esnan cu kier propone mas idea di e maneranan cu gobierno por combati ilegal of kier duna un otro comentario por manda un email (anonimo) na nos emailadres: uppprogresopaaruba@gmail.com.

Danki di antemano na tur e co-patrioticonan pa e contribucion na bienestar di nos pais.

Maria Boekhoudt van den Ham
Union Patriotico Progresista

Comentarionan (1)

Mustra/Kita comentarionan

...

Mas idea, esunnan cu a duna vivienda y trabou fuera diduna un boet si nan ta stranhero y nan tin permiso pa keda na Aruba revorca nan permiso y deportanan pa nan pais pa sinya nan di respeta Ley di Aruba.E compania di crusero cu ta representa e cruseronan nan aruba si pasajeronan keda atras sin Visa pa Aruba duna un boet masha halto mes pa nan sinya pa avisa pasajeronan cu visa pa Aruba ta obligatorio. Sin Visa nan no po viaja.Ta jega tempo pa nos pone nos cas na ordo.

Spanta pato , January 09, 2013

• 
• +1
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi