Thursday, 18 December 2014
Parlamentario Marlon Sneek cu un mensahe pa MEP: Evelyne : E mesa ta na Biblioteca, yega! Print E-mail
Thursday, 10 January 2013 14:08
Comparti
DSC_2063
Diadomingo awor 13 di januari 2013 lo bay tin e apertura oficial di Biblioteca Nacional. Un inversion di mas cu 2.4 miyon florin pa nos comunidad en general.  No ta solamente nos hobennan ta hasi uso di nos biblioteca pero tambe biblioteca tin un grupo grandi di adulto cu ta pasa oranan eyden lesando buki of simplemente informando nan mes.

Un biblioteca, especialmente esun di nos, tin un rol importante den nos comunidad, sigur si nos mira e programa extenso cu nos biblioteca ta ofrece na nos pueblo cu entre otro programanan vacacional, siman di festival di buki, pelicula den aire liber y un cantidad di otro programanan y servicio. Un pabien ta bay na e directora en particular y na tur trahado en especial. Tambe mester bisa cu den e temporada cu biblioteca na playa tabata sera, hopi tabata e trahadonan cu a duna servicio na otro instancianan manera entre otro Colegio Arubano y Scol Paso Pa Futuro, judando e scolnan aki cu nan experiencia y profesionalismo pa ‘set up’ mihor e biblioteca di scol. Den e mesun temporada aki tabata tin algun trahado cu a sigui cursonan tanto den exterior como aki na Aruba mes y tambe algun cu a bay seminarionan y a organisa conferencianan tanto ariba nivel local como internacional.  Un biaha mas pabien na pais Aruba cu por bay gosa di un hoya di biblioteca y alaves pabien na tur den parlamento cu a vota pro e maneho di minister di enseñansa, cu a garantisa cu awe nos tin un biblioteca completamente renoba. 

Mi ta spera cu diadomingo mi por mira e lider de M.E.P., sra. Evelyn Wever-Croes, kende porcierto a vota contra e presupuesto pa por a haci e projecto aki posibel.  Mi ta spera su presencia pa asina e por wak cu su mesun wowonan ta kico el a vota contra dje y pa e no ripiti e erornan aki mas. Paso ora el a vota contra e presupuesto, el a vota contra un biblioteca renova, el a vota contra un mihor lugar pa nos hobennan por busca informacion y educa nan mes, el a vota contra un progreso di e situacion di trabou di cada un di e empleadonan di Biblioteca Nacional. Awor pueblo por bin disfruta di e inversion cu gobierno a hasi cu e placa cu pueblo ta paga na belasting. No manera tempo bo partido tabata na mando cu tabata hasi inversion pa Papa, Tanchi y Ruman so! Bin Evelyne, bin cambia e imprecion cu pueblo tin di Abo y Bo partido “Mal Ehempel pa Pueblo” (M.E.P), yega!

 

 

Comentarionan (3)Add Comment
Daniel Wester
January 11, 2013
67.23.232.242
Votes: +0
...

Bo ta ripara cu Sneek ta haciendo hende d**or pasobra berdad ta haci d**or! Sigui Marlon, mustra pueblo cu nan no tin argumento y cu ta hunga so nan kier hunga cu opinion di hende!

Ambrosio Lacle
January 11, 2013
67.23.232.242
Votes: -1
...

Marlon, Evelyne no ta yega, e ta perdi. E kier otro formula pa sigui ehempel di Papa.

arubiano di pura sepa
January 11, 2013
67.23.232.242
Votes: +1
...

busca cos di hasi bo ta parce un hende kens of loco , paso si hende di afor wak bo nan ta pensa cu tur hende ta mescos cu bo.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter