Saturday, 22 November 2014
Parlamentario Booshi Wever: Bou di maneho actual, Atraconan a bira algo normal, Algo di custumber Print E-mail
Thursday, 10 January 2013 17:17
Comparti

Booshi Wever004

Esey ta e berdad amargo! Y bo no por sconde p’e mas! Criminalidad na Aruba a tuma un rumbo cu hamas nos por a imagina nos mes. Ken por a pensa cu e cantidad di atraconan, y otro fechorianan, a aumenta di tal manera cu awor esakinan a bira un custumber, un parti normal den nos bida diario. Y casi bo mester yega na e conclusion cu lo bo mester siña biba cu nan! Scapa lo bo no scapa! Nan a bira asina comun,

cu despues di un of dos dia lo bo a lubida cu nan a sosode; contrario na antes, tempo cu pa simannan of lunanan largo e sucedido ta keda topico di dia. E principal causa y motibo pa e criminalidad riba nos pais ta keda sin duda e maneho di admision (toelatingsbeleid) liberal di e gobierno aki; pordon ta wordo duna na personanan cu a burla di nos leynan, hasta personanan cu un pasado criminal sea local of na nan pais, sin cu ta haci ningun screening. Den pasado mi a trece diferente ehempel di e burla di nos leynan, cu den algun caso hasta ta sosode den e propio circulonan di gobierno. Na lugar cu gobierno ta remedia e situacion, ta wordo pidi di mi pa mi menciona nomber di e ambtenaar cu a duna mi e informacion! Frapante ta cu ningun denuncia a wordo haci contra mi persona pa denuncia falso! Den e caso di e personanan cu ta baha for di e crucero “Horizon”, mi tin entendi cu algun of tur di nan ta den proceso pa haya permiso di estadia! Si mi informacionnan ta robez, mi ta reta minister Sevinger y Dowers pa produci e diferente listanan di e personanan cu a wordo intercepta for di “Horizon”, y e fechanan riba cua nan a wordo deporta!

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter