Monday, 22 September 2014
Rene Herdé: Mocion di AVP pa sigura cuido medico di Hospital Print E-mail
Thursday, 10 January 2013 18:32

Rene Herde002

E fraccion di AVP a pidi pa e minister di salubridad y gerencia di hospital pa presenta un “plan di personal” y un “plan di organisacion” pa e hospital na parlamento dentro di seis luna. E plannan aki lo mester wordo ehecuta hunto cu e proyecto di renobacion di e hospital. Durante di e tratamento di e ley pa autorisa e minister di salubridad pa sera un acuerdo pa renoba hospital dr. Horacio Oduber, diferente fraccion a expresa nan preocupacion pa e falta di personal profesional den hospital y pa e calidad di servicio y cuido den hospital.

Fraccion di AVP a mustra di ta conciente di e preocupacion cu tin a concsecuencia di casonan lamentabel cu a sosode y pa discucionnan entre specialistanan. Tambe e kehonan cu tin riba e servicio den entre otro e Departamento di Emergencia di hospital, ta bon conoci cerca e fraccion di AVP. Aunke, parlamento ni minister tin e posibilidad pa duna instruccion directo na e gerencia of miembronan di directiva di hospital, e fraccion di AVP a haya cu ta na su luga pa tuma un paso mas leu cu solamente expresa preocupacion. Na momento cu a trata e financiamento di e hospital nobo, cu mester a haya aprobacion di parlamento, e fraccion a scohe pa acopla na e plan di renobacion di hospital, exigencianan pa sigura bon servicio medico di hospital y pa sigura suficiente personal profesional bou tur circunstancia. Tur dos plan mester cumpli segun e fraccion di AVP cu e normanan di servicio y calidad mas halto den mundo medico. PERSONAL Y ORGANISACION E fraccion di AVP ta sali for di punto di bista cu un bon infrastructura y aparatonan tecnico ta masha importante pa por duna e servicio y cuido di calidad halto cu ta exigi. Considerando esaki y e estado fisico di e hospital awor aki, a dicidi di sostene e plannan y e ley pa renobacion di e hospital. Pero e fraccion ta conciente cu bon facilidadnan fisico y tecnico so no ta sigura e efectividad halto di cuido cu ta wordo exigi. Mester tin tambe suficiente personal profesional na tur departamento y na tur momento. Banda di esey, tur e profesionalnan mester traha hunto den un forma eficiente y efectivo pa sigura cuido cu ta yuda hende cura di nan problemanan di salud. Un bon organisacion di e personal profesional, e material tecnico, e variedad di servicio y e informacion relevante di patientnan y conocemento medico, ta absolutamente necesario pa sigura e efectividad di e cuido y bon servicio di hospital. Pa e motibo aki e fraccion a pidi pa un plan cu ta mustra con ta bay sigura cu semper lo tin e cantidad di personal profesional necesario y con ta bay sigura cu tur e profesionalnan, specialistanan, tecniconan y enfermeronan ta traha bon hunto, ta intercambia informacion na un forma logico y efectivo, cu ta usa e material y servicionan di hospital den un forma eficiente, pa sigura e efectividad maximo di e cuido y servicio na e patientnan y na famia. PRESENTACION Y EHECUCION E fracion di AVP a pone nan peticion den un mocion cu a wordo aproba den e reunion publico di ayera. Ta e tres miembronan di e MEP y sr. Booshi Wever so a vota contra di e mocion aki. Den e mocion ta pidi e minister di salubridad y gerencia di hospital pa presenta e plannan di personal y organisacion na parlamento dentro di seis luna. E responsabilidad pa esaki a wordo poni serca e minister cu tin e responsabilidad politico na parlamento. Pero tambe a menciona den esaki e gerencia di hospital. Aunke cu legalmente e gerencia no tin cu responsabilisa su mes na parlamento, ta logico cu ta e gerencia ta responsabel pa traha e plannan aki.

Comentarionan (1)Add Comment
Babalalalala.......
January 11, 2013
67.23.232.242
Votes: +0
...

Educashon y cuido medico ta un base pa cada comonidad.
Cupo di trabow y economia stabil ta otro base pa progreso.

No mas debe y compromiso pa mas debe.
STOP di bende e futuro di nos yiunan, hasiendo mas debe.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter