Wednesday, 23 April 2014
Minister Mike de Meza: Construccion ta bay cuminsa pronto Print E-mail
Thursday, 10 January 2013 19:17

front

Despues di e reunion turbulento den Parlamento di Aruba na unda durante dos dia largo a trata e proyecto renobacion y ampliacion di dr. Horacio Oduber Hospital, Minister di Finanza Mike de Meza a duna un splicacion na prensa entorno e proyecto dinamico aki.

Dos dia di debatenan fuerte tabata necesario pa diaranson anochi Parlamento duna gobierno aprobacion pa firma e cambio di ley pa loke ta e acuerdo di huur cu SOGA (Stichting Onroerend Goed Aruba) den caso di hospital. Esaki a keda aproba cu 14 voto na fabor y 4 contra. Fraccion di AVP a sostene e proyecto hunto cu Andin Bikker di PDR y sra. Mervin Wyatt-Ras (miembro independiente). Sra. Xiomara Maduro-Ruiz, Ady Thijssen, Arondino Croes di MEP y miembro independiente Booshi Wever a vota contra expansion y renobacion di dr. Horacio Oduber Hospital. Lider di MEP sra. Evelyne Wever-Croes no tabata presente ni tampoco su colega Edison Briesen ni pa atende e reunion tampoco pa votacion. Sra. Marisol Lopez-Tromp ta den exterior pa motibonan valido. Entre e conseheronan di gobierno tabata presente tambe den sala di Parlamento gerencia di hospital. Minister de Meza “Nos ta masha contento di a haya aprobacion di casi 80% di esnan presente den Parlamento pa e proyecto aki”. De Meza a splica cu fraccion di AVP no solamente a sostene e cambio di ley cu tabata necesario pa renobacion y ampliacion di hospital, pero a bin cu un amienda tambe. Minister a bisa di ta lamenta cu ni lider di MEP ni Edison Briesen tabata presente ningun di e dos dianan ora tabata trata un proyecto asina importante pa Aruba. Minister ta satisfecho con gobierno den forma cla y transparente a trece su puntonan dilanti. ”Esaki ta un proyecto hopi necesario pa Aruba”. Dr. Horacio Oduber Hospital a wordo construi casi 40 aña pasa. Den un tempo cu Aruba tabatin mita di e cantidad di habitante cu e tin awe y turismo tabata consisti di alrededor di 200 mil turista pa aña compara cu awe na unda 1.6 miyon turista ta bishita nos isla. Ta pesey cu e necesidad pa un hospital mas grandi na unda por brinda miho calidad di cuido ta grandi. Minister a splica cu e discusion pa sea amplia, renoba of construi un hospital nobo ta un discusion di basta aña caba. “Nos tin apenas tres aña den gobierno y ya nos por presenta un pakete total pa mehora nos hospital y a haya aprobacion pa esaki. Asina cu e huurovereenkomst entre gobierno di Aruba y SOGA keda cla, nos por bay over na destaho publico pasobra cu e trabou di e arkitectonan ta cla. Esaki kier men cu construccion por cuminsa pronto”. De Meza a felicita su colega Minister Visser, kende ta un di e motornan tras di e proyecto aki, mescos tambe su colega Minister di Infrastructura Benny Sevinger y Minister Presidente Mike Eman, kende semper a duna hopi sosten na e proyecto esencial aki.

gallery1 gallery1  

Comentarionan (4)Add Comment
Antobra
January 11, 2013
67.23.232.242
Votes: +0
...

Mi pregunta ta: Ta kiko Evelyn ta haci henter dia anto? E no ta bay Parlamento, ni pa reunionnan importante manera renobacion y ampliacion di nos Hospital. Esey kiermen cu e no ta un bon lider ni pa MEP, cora pa Aruba. MEP ta den problema grandi cu un liderazgo asina zwak y ariba dje cu no ta presenta na pia di trabao!!! Ta con awo?

Daniel Wester
January 11, 2013
67.23.232.242
Votes: +0
...

E gobierno aki no ta para keto! Mientras cu otronan ta blo bla bla bla, Gabinete Mike Eman si ta lora manga y traha. Contento di tende cu den futuro cercano nos lo tin un miho facilidad di Hospital. Spera cu Minister Visser por sinta cu e dokternan pa un miho cuido medico mas humano si.

Trudy Larmonie
January 11, 2013
67.23.232.242
Votes: +0
...

Danki Minister Visser y de Meza pasobra Nel y Booshi 8 aña papia di hospital nobo pero nunca el a yega. Ta bn tambe cu e no a bini bou di nan gobernacion pasobra "friends and family" (Papa), lo a beneficia.

The Baron
January 11, 2013
67.23.232.242
Votes: +0
...

Ningun hende lo no ta contra e "Renobacion i Ampliacion" di Dr.Horacio Oduber Hospitaal cu lo bay costa "NOS ARUBA" Awg.900.000.000,=(900 Miyon).Pero e huurovereenkomst "ARUBA i SODA" ta pone hende hasi hopi pregunta,pasobra ta Pueblo di ARUBA alafin tin cu bay "Paga" toch.Sigun por lesa cu e huurovereenkomst ta mara ARUBA na 29 aña pa bay paga SOGA.Pero Gobierno no ta bisa cuanto e "Huursuma" pa luna ta bay bira.Wel si pa un Edificio cu TNO ta den,Gobierno"ARUBA" ta paga Awg30.000,= pa luna,no ta straña nos cu lo bay bira un Awg.10.000.000,=(10 Miyon) pa luna.Loke ta hasi un totaal (den 29 aña),Awg.3.48 Biyon,loke ta nifica cu bo por a traha 3 Hospitaal.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter