Wednesday, 22 October 2014
Benny Nisbet (PPA): Si Aruba kier un "competitive edge" den turismo, inversion e Print E-mail
Thursday, 10 January 2013 20:16

Benny Nisbet001

Desde eleccion 2005 partido PPA a cuminsa proyecta e sector di ‘Health and Wellness’ como un diversificacion di nos producto turistico. Manera semper nos partido a worde hari y no mucho no a sosode mirando e hecho cu pueblo a duna otro partido e mandato pa goberna.

Ta un hecho cu gobernacion di ambos signatura NO a dedica atencion na e vision aki. Sector priva al contrario si a inverti den Spa’s y fitness centra. PPA a keda persisti cu ‘Health and Wellness’ ta un mester …si Aruba kier desaroya su mes como destinacion turistico cu e ‘competive edge’ den Caribe. Mientras tanto durante ultimo ana di gobernacion nos por a tende ….oponentenan politico cu tabata contra of dudoso ….poco poco cuminsa expresa nan mes usando e palabra …turismo di salud of turismo medico…pa no usa e palabra official cu partido PPA a usa….’Health and Wellness Tourism’. Ultimo tempo nos por a tende e professional director di nos Hospital dr. Falconi expresa cu Aruba No ta prepara pa turismo medico ainda. Mientras e siman aki nos por a nota den prensa cu e veterano den turismo sr. Rory Arends a bishita Ministro Richard Visser pa presenta su buki pero unda nan a intercambia tambe riba e posibilidad di Turismo Medico.

PPA kier a bai bek na su programa desde 2005 cu como UNICO partido politico a presenta e concepto aki.

Health and Wellness…..Pa logra un Health City “One happy Island” esaki ta un vision strategico pa diversifica y fortifica e pilar mas importante di nos economia cu e meta final di ta lider den turismo pa asina realisa un nivel halto di bida pa tur habitantenan di Aruba. Pa ta un Lider den turismo, Aruba mester haya e asina yama ‘competitive edge’ den turismo. Pa logra esaki mester diversifica, bin cu alternativanan cu lo yuda fortifica loke ya nos tin y guia un desaroyo pa por bira un ‘marketleader’ den e area aki. Health and Wellness ta e unico producto alternativa nobo cu tin e potencial pa yuda duna Aruba e competitive edge aki. Ultimo estudionan ta indica cu e grupo aki ta creciendo anualmente cu 37 % y ta worde pronostica cu lo sigui progresa asina pa e proximo DIEZ ana !. Esaki ta e Mercado di futuro, e niche market cu Aruba mester explota. Y otro destinacionan a cuminsa concentra caba den e direccion aki.

Kiko esaki ta ensera ?

Esaki ta ensera desaroyo di ‘health and wellness’ centers den areanan strategico manera e region di Seroe Colorado. Den centronan asina lo bo haya tipicamente e sigiente servicionan:

Cuido Medico:

Esaki ta ensera tratamento pa malesa y condicionnan medico cu mester cuido specialize:

Servicio di cuido di wowo, Ciruhia plastic y reconstructive, Renal dialysis, Examinacion y ciruhi cardiovascular, Intervencionan menor sin cu mester keda hospitalisa; (cual cu tempo ta worde expande !)

Fitness and Wellness:

Esaki ta ensera un gran cantidad di actividad y programa cu ta principalmente basa riba prevencion: - Camindanan pa jogging y core bicycleta, Swimming pools, restaurantnan specialisa, Spa’s , Sauna’s /whirpools, Nutriccion y class di cushinamento, Health stores, Tennis, basketball, racquetball, and volleyball courts, Desaroyo di golfcoursesnan, servicio di cuido pa mucha, Aerobics y fitness, Massage body conditioning y toning, Yoga. (Cu tempo tambe esaki por worde expande)

Servicio di Rehabilitacion y recuperacion:

Cuido post operative, Servicio di fisioterapia, Servicio di chiropractor, Servicio basa riba asina jama nursing care, Full Medical check upp, Stress management, relaxation therapy, alternative medicine. (expancion a su debido tempo)

Beneficionan lo ta :

Un maneho pa logra pone accento riba Aruba como un destinacion pa ‘Health and Wellness’ lo trece cunele e sigiente beneficionan segun PPA.

Diversificacion y fortalice e industria turistico, Inversionan substancial den area di San Nicolas y otro sitio escoge pa e desaroyo aki. E maneho aki lo atrae turista di edad mas halto cu mas entrada. Mas oportunidad pa inversion y desaroyo di entrepreneurship(small business), Servicion di ‘fitness y wellness’ lo promove prevencion di hendenan local tambe y consecuentemente reduccion di gasto medico, reduccion den AO-dagen y tempo no productivo;

E ta un estimulo pa nos Economia y lo zorg pa un crecemento di nos GDP y per capita income. Mas oportunidad pa trabao na nivel mas halto di educacion consecuentemente salarionan mas halto. Hasta e por stimula arubiano den exterior pa regresa Aruba pa participa den un desaroyo economico asina.

Esaki lo crea un situacion …na unda nos expertonan./professionalnan den cuido medico lo ta menos dependiente di AZV como fuente di entrada.

Un of mas Centro di ‘Health and Wellness’ asina lo garantisa e necesidad di un segundo Hospital riba nos Isla…y kwidao cu tempo lo no tin mester di un tercer……cual lo worde financia parcialmente pa AZV y parcialmente pa entrada di nos turistanan cu a la vez ta patient….creando mas cupo di trabao como dokter/medico, asistentenan y verpleegsternan diploma…. Trabao garantisa pa estudiantenan di EPI den e sector di zorg. Industria di salud en general ta un industria limpi….

STUDIANTENAN DEN MEDICINA NA COSTA RICA Y OTRO PAISNAN…!

PPA ta consciente cu e studiante arubiano den medicina ta pasa dolor pa hana un trabao aki riba su isla natal. Si tin un maneho pa introduci ‘Health and Wellness’ y tin un maneho pa mercadea esaki den exterior…..esaki lo crea hopi mas cupo di trabao pa dokternan arubiano cu a termina nan estudio den exterior.

E hecho cu nos ta cercando un eleccion atrobe ta duna indicacion fuerte cu Gabinete Mike Eman NO a dedica atencion pa realmente duna contenido na un vision asina.

MANEHO PA WORDE HIBA ….!

PPA su maneho lo ta pa nombra un commission di experto di tanto mundo medico/salud(Health) , mundo di fitness (wellness) y un representacion di nos mundo di turismo y un of mas coordinador/professional den nomber di e Ministerio pa hasi un estudio ….ki caminda mester kana pa Aruba prepara su sector di ‘Health and Wellness’ lo mas pronto posibel.

E commission aki mester reuni den su totalidad pa nan por jega na cierto meta dentro di e meta general esta ‘Health and Wellness Tourism” y ora cu tin mester e commission ta parti den TRES y kada sector ta reuni pa duna contenido na su sector. Dentro di p.e. 4/5 luna nan mester entrega un conseho cu ta indica e caminda/maneho cu mester worde kana pa por hasi nos Isla un destinacion turistico cu ta ofrece ‘health and Wellness’….e crea nos ‘competive edge’.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter