Wednesday, 20 August 2014
Parlamentario Lorna C. Jansen-Varlack: MEP den su desesperacion prome cu eleccion 2013, un biaha mas ta hunga politica barata Print E-mail
Thursday, 10 January 2013 22:27

lorna

Tin hende cu tur nan educacion y inteligencia cu nan ta pretende di tin, no por comprende e diferencia entre critica constructivo y critica destructivo. Critica destructivo ta asina hancra den nan sistema di ser cu nan no por haci e distincion aki y ta kere cu tur hende ta mescos cu nan.

For di principio di mi disertacion unda mi persona a toca e tema di cuido medico y servicio di calidad cu mester ta 5 strea mescos cu e edificio di dr. Horacio Oduber Hospital cu lo wordo renoba y e hospital nobo, mi persona a pone enfasis riba e parti cu tur e preocupacionnan, comentarionan lo ta constructivo cu e e unico meta pa mehora e situacion actual y den futuro. Politiconan di MEP un biaha mas a haya ta bon pa saca mi palabranan y mi ehempelnan for di proposicion y purba hinca mi persona den mal luz cerca e enfermeronan di HOH. Un politica hopi barata y baho, pero nos no por spera nada otro di nan. Tur instancia y organisacion e ultimo añanan a pone hopi enfasis riba CALIDAD y den e caso di HOH e no ta otro. Si mi persona como un parlamentario responsabel no trece experienciancian real dilanti, hende por tin e actitud cu e preocupacionnan y comentarionan tocante e calidad di cuido medico y servicio no ta toca nan y nada ta wordo mehora. E actitud di keha y papia tras di hende y di no confronta e situacion no ta mi estilo. Esey ta e modus operandus hipocrita di MEP; priminti, papia y hari cu un persona(colega) pa despues duna nan un scop duro for di nan partido. E criticanan di MEP riba mi persona no tawata tin ni pia, ni cabes. Ora mi drenta sala di Parlamento mi ta saluda esnan cu ta presente den sala e momento ey y mayoria biaha mi persona ta un di e promenan cu ta drenta sala. Ta e deber di esnan cu drenta despues pa saluda si nan kier e personanan cu ta sinta caba. Si mi persona scohe pa no saluda un colega di oposicion e ta keda na mi scohencia y responsabildad. Mi no ta den e wega di hipocrita, absolutamente cu no! Manera pueblo ta na altura, Fraccion di MEP casi tur ora ta drenta e sala como ultimo of no ta yega mes cu excepcion di sr. Arondino Croes. Den e articulo cu nan a skirbi tur hende por ripara cu e fraccion minoritario di MEP ta hopi frustra y desespera. E contenido sigur no ta di hendenan educa y inteligente, al contrario. Pa informacion di MEP si un dia boso por haya mi CV den man, boso por lesa cuanto biaha mi persona a ocupa posicionnan halto den mi bida, dus e posicion di parlamentario ta “just another one.” Mi ta un hende humilde y lo mi keda un hende humilde. Den mi educacion y training mi persona a siña pa scucha y pa confronta hende, mi no a siña pa tira piedra y sconde, e mentalidad aki mi ta laga pa esnan cu ta pretende di tin educacion y inteligencia!

Comentarionan (3)Add Comment
automan
January 11, 2013
67.23.232.242
Votes: +0
...

Evelyn nunca por a vota pasobra e no tbt tey den parlamento. As a matter of fact e tin 3 siman sin ta den parlamento.
Eddie briesen tin algun lunas sin presenta den parlamento. What is happening? Anyo un hospital algo riba termino largo y di importancia grandi pa nos pais, yiu y nietonan. Y lider di MEP y esun mayor di edad den e fraccion no ta give a damn pa peesenta. Pero laga cu nan salario falta 3 cent!!!

rod
January 11, 2013
67.23.232.242
Votes: +1
...

@ Trankilo lorna: Esnan cu a vota
contra desaroyo di cuido medico na Aruba
of ta stupid of ta criminal...!!!

trankilo Lorna
January 11, 2013
67.23.232.242
Votes: -1
...

Poe fabor sra. Lorna, politica ta loke e ta. Por ta un dia esey lo cambia y bira un tiki mas elegante. Y esey bo persona lo por juda den esey.

Como parlamentario, bo trabow ta pa controla e gobierno y no defende bo partido y ataka bo contra partido.

Mi ta mas interesa pa sa,
kiko bo persona a hasi pa apoja e gobierno pa drecha caja grandi y ta contra di e lokura di inverti den un tram ?
Sostene Otmar cu Linear Park y cuestione ki dia e cos ey ta bin kla y cuanto ela costa?

Laga Eveline y Booshi y ........., un banda.
HASI bo trabow di PARLAMENTARIO.
PUNTO

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter