Wednesday, 30 July 2014
Parlamentario Arondino Croes di MEP: Forza laboral a bay atras y gobierno no a haci nada pa recupera esaki Print E-mail
Friday, 11 January 2013 17:46

arondinoIMG-20130109-00130

Prome Minister a felicita gremio comercial y sindicato pa e logro di dialogo social. Parlamentario Arondino Croes ta haya importante pa envolve gremio y partnernan den dialogo social. Loke cu Parlamentario Arondino Croes ta haya falta den dialogo, ta puntonan cu ta mishi directamente cu e comunidad, entre nan e forza laboral. Puntonan pa dialogo E decisionnan cu a keda tuma den dialogo social, tabata riba asuntonan hopi chikito.

Parlamentario Arondino Croes ta di pensamento cu gobierno tin puntonan mucho mas grandi pa traha den e dialogo social. Na banda di yuda esun nan menos privilegia den nos comunidad, mester papia riba cosnan cu ta toca tur hende riba e pais aki. E reforma di finansas publico ta un punto importante pa delibera den dialogo social. Forza laboral Segun Parlamentario Arondino Croes, Minister di Finanzas a indica cu e forza laboral a bay atras cu 20 pa 30 porciento durante e ultimo tres aña nan. Ora cu gobierno di AVP a tuma mando na 2009, e economia di pais Aruba tabata malisimo segun AVP. Minister di Finanzas mes ta expresa cu gobierno anterior tabata malo, pero despues di tres aña di gobernacion, e mandatario mester bisa kico el’a haci pa trece e direccion nobo. “Te ainda MEP no ta waak contenido cu gobierno a duna durante di campaña pa drecha e situacion di forza laboral”, segun Parlamentario Arondino Croes a bisa. Tira culpa Tres aña di gobernacion di AVP ta mustra cu ainda 60 porciento di e pueblo no tin e forza economico cu tanto gobierno a papia di ta bay introduci. Ora bisa cu e decisionnan den dialogo no ta afecta poder di compra, esaki no ta cuadra totalmente segun Parlamentario Arondino Croes. E gastonan di gobierno a aumenta desproporcionalmente cu consecuencia pa e poder di compra di pueblo. Te ainda ta keda cumpli 8 añanan di gobernacion di MEP, pa loke gobierno ta pasando aden awe.

Comentarionan (3)Add Comment
R.R.Ras
January 12, 2013
67.23.232.242
Votes: +0
...

Ora un persona kier ta di mala fe y tin e gusto di troce e berdad cu e fin di saca probecho personal y keriendo cu e pueblo aki ta bobo anto e mes lo mira con e pueblo aki ta bay vota den e proximo eleccion. Ungobierno cu a haci mas cu tur otro gobierno y a duna na e ama soltera, pensionado nan y esnan cu ta gana salario minimo mientras cu loke MEP a haci den su 8 aña nan di gobernacion ta cas nihil pa tur esnan di menos entrada. Sea un homber grandi y sincero cu bo mes y cu pueblo Dino.

Handsome
January 12, 2013
67.23.232.242
Votes: +1
...

Pober ciego,te ainda MEP no ta waak contenido cu gobierno a duna durante di campaña pa drecha e situacion di forza laboral..ta mira mes bo no kier mir..lesa aki:Gobierno a duna diferente toeslag, hisa salario minimo 3-4 biaha caba, reduci BBO na mitar..cu tur toeslag y indexering cu hendenan a hanja, esaki ta mescos cu elimina BBO. Pero lastimamente hopi no sa maneha sen, esey ta keha y t pa e grupito ey Arondino kier globalisa cos na Aruba. Sr. Croes cu tur respet. A bira tempo pabo hinca bo tempo den cosnan pas positivo pa bo isla.

Ban serio
January 12, 2013
67.23.232.242
Votes: +0
...

Rondonino buska un deskanso bo forma di hasi politiek ta hopi barata y amateur pero bo por ta sigr di alcansa 65 votos den e proximo eleccion

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter