Thursday, 21 August 2014
Segun Parlamentario di MEP Arondino Croes: Gobierno no a cumpli cu e promesa pa desaroya San Nicolas Print E-mail
Friday, 11 January 2013 20:49

arondino
Gobierno a haya oportunidad pa traha hospital na San Nicolas, pero a opta pa no haci esaki segun Parlamentario Arondino Croes di Fraccion di MEP. Nan no a cumpli cu e promesa di campaña. Fraccion di MEP a para fuerte riba nan ponencianan, unda cu nan a trece pa dilanti cu hopi pregunta Minister di Salud, Richard Visser, no ta contesta durante e reunion.

Segun Parlamentario Arondino Croes, e ta spera cu Minister por contesta e preguntanan cu e fraccion a haci durante e reunion di ayera. E parti mas importante cu a resalta, segun Parlamentario Arondino Croes ta, ora cu AVP a drenta gobierno, y a papia riba un desaroyo sostenibel pa area di San Nicolas. Un analisis serio a wordo haci pa cu e ubicacion pa e hospital den e parti nobo cu mester wordo haci. E Parlamentario Arondino Croes ta sigui bisa, lesando e contestanan na Parlamento skirbi door di Minister, a bin cu excusanan. Segun Parlamentario Arondino Croes e prome motibo cu a wordo duna ta cu no tin un ubicacion/tereno pa e hospital, pasobra esaki ta exigi 50 mil vierkante meter y esaki no tin na San Nicolas. E di dos motibo cu a wordo duna ta cu e 70% di poblacion ta pabou di brug. E motibonan aki ta hopi importante ora di papia di alocacion y studia posibilidad di hospital nobo. Si ta wak e alocacion actual na Eagle, tambe tin su retonan. Ora cu awa yobe fuertemente, e area di hotel ta yena unda no tin pasada, pero si awa yega na e area di hospital aki tampoco lo tin pasada. Den pasado a yega di pasa cu mester uza jeepnan di tours pa hiba personanan pa hospital ida y buelta. Mirando cu mundo ta cambiando, e aclimatisacion rond di mundo y ta cambiando hopi, mester ta prepara cu un vision pa futuro. No mester warda y bisa cu semper Aruba lo no wordo afecta. E pregunta cu Parlamentario Arondino Croes tin ta con ta para cu e hospital na Eagle si bin un catastrofe di naturalesa. Parlamentario Arondino Croes ta corda, momento cu MEP tabata den gobierno nan a bin cu e Centro Medico na San Nicolas, nan a duna San Nicolas contenido pero durante ultimo eleccion AVP a bay cu e mayor cantidad di voto. E gobierno actual a haya oportunidad pa ubica e proyecto di hospital pariba di brug, pero nan a scoge pa laga esaki na Eagle. “Esaki ta un farse den parti di bo promesa di campaña unda bo ta papia di desaroyo”, segun Parlamentario Arondino Croes. Valero a cera cual mas o menos 600 trahado directo a perde trabou como 2400 hende indirecto, cu ta un cantidad di 3000 persona mas o menos a perde trabou. Si a aloca e hospital pariba di brug, unda cu lo mester bin cu construccion y hopi di e hendenan aki di Valero por a haya trabou.

Comentarionan (2)Add Comment
Paljucco
January 12, 2013
67.23.232.242
Votes: +0
...

Gobierno a cumpli di drecha infrastructura di diferente bario y scol na San Nicolas y otro parti di Aruba. Dimes cu gobierno lo kier hasi mas pero ora e placa ta limita mester pone prioridad, ta comprendibel cu no por yega basha asfalt y pone klinker tur tur caminda di biaha. Ni pa pabou tin suficiente hende pa traha den hospital, awo kier traha hospital paiba di brug, stop di hasi politica barata. Bisa e grupo di trahadornan di Valero pa bai studia na EPI y studia pa traha den hospital, ya e solushon di personal pa hospital ta wordo alivia..no pero nan kier wak placa y c*lpa gobierno di tur cos. Enbes cu Arondino facilita e chens pesnan di Valero cu si kier traha bai EPI pa mayan por traha den hospital caminda tin trabou sigur, e ta sinta piki pieuw cu su cara di hunchback.

Ban serio
January 12, 2013
67.23.232.242
Votes: +1
...

Rondonino warda un otro 12 anja pa un otro partido tal vez por hasi algo por lo pronto e proximo 12 anja ta di AVP

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter