Thursday, 24 April 2014
Mervin Wyatt-Ras: Mocion encuanto cuido di patientnan na cas pa medio di familiezorg/thuiszorg y Witgele Kruis a haya aprobacion den Parlamento Print E-mail
Friday, 11 January 2013 21:26

mervin

Durante e reunion publico cu a trata e ley di apoderacion di gobierno pa por sera un acuerdo cu SOGA pa construccion y renovacion di hospital dr. Horacio Oduber, parlamentario independiente, drs. Mervin Wyatt-Ras a trese padilanti su preocupacion pa e calidad di servicio di hospital.

E parlamentario ta keda boga pa mihor calidad di servicio na Emergencia. Tambe ela pidi pa aumenta e personal di enfermeria pa atende e patientnan mas specifico. E parlamentario a trese padilanti cu e no ta di acuerdo cu discriminacion di enfermeronan cu a caba MBO na EPI pero si Hospital kier mas calidad e mester haci lo posibel pa bin cu upgrading di e personal of cu e opleiding cu a ser anuncia cu lo mira luz di dia.

E parlamentario a trese padilanti cu pa loke ta e cuido na patient tin cu orienta mas ariba un maneho integral envez di un monodisciplinaire behandeling. Ela menciona un ehempel di un rapport Calidad di cuido hulandes den cual ta para central cu mester enfoca mas ariba cambionan of mehoracion di e patient, envez di e enfoque ariba e cantidad di tratamentonan. Esaki ta ensera cambio di mentalidad, mescos cu a sosode den sector social na Aruba unda trahadornan den e ramo aki a uni y yega na mas union pa traha mas dirigi ariba casonan.

E parlamentario a pidi atencion pa esnan cu tin salud mental na PAAZ en especial hobennan cu te ainda no ta ricibi ayudo specifico y cu te ainda no tin un lugar pa nan den PAAZ.

Pa loke ta patientenraad, Wyatt-Ras ta contento cu e la ser lanta pero te ainda ta pendiente pa tende algo di e raad. Paso ta ainda ta e caso cu hendenan cu tin mal experencia cu trato den hospital tin miedo di duna keho. Tambe ela trese un mocion padilanti pa asina sali na derecho di tratamento di patientnan na cas. Aki por spaar placa y alavez contribui na felicidad di e patient y su familia y tambe na su mehoracion mas pronto.

E parlamentario ta di opinion cu te ainda nos ta limita na Aruba den trato di patientnan na cas. Mientrastanto hospital ta manda patientnan mucho liher cas sin e infrastructura y cuido cu ta necesario pa e patientan. E parlamentario a presenta un mocion pa gobierno duna thuiszorg of familiezorg mas atencion y prioridad y pa fortifica Kruiszorg mas ainda pa por cumpli cu tur demanda. E cuido na cas aki mester ta alavez pagabel y accesibel pa un y tur paso te cu awor en especial esnan cu por paga por regla cu nan mayor of familiar por haya cierto cuido na cas.

Comentarionan (3)Add Comment
Nos cu nos
January 13, 2013
67.23.232.242
Votes: +0
...

Spera bo a haci esaki pa Bo por subi e lista prestigioso di AVP!

johantromp
January 13, 2013
67.23.232.242
Votes: +1
...

Waw new look, i hope new party to, hopi bunita.

Zombie
January 12, 2013
67.23.232.242
Votes: +1
...

Hopi bon! Keep it up!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter