Saturday, 22 November 2014
Parlamentario sra. Lorna C. Jansen-Varlack: Atrobe lider di MEP, sra. Evelyn Wever-Croes kier orkestra un caos den tribuna di Parlamento di Aruba Print E-mail
Thursday, 31 January 2013 10:42
Comparti
DSC_2063
Un biaha mas pueblo por a mira con e lider di MEP, sra. Evelyn Wever-Croes ta orkestra su hendenan pa yega Parlamento pa mustra nan desaprobacion pa cu e Parke di Molina na Urirama.

Esaki ta un di e tantisimo biaha cu e lider di MEP a purba haci esaki den Parlamento di Aruba sin ningun resultado. Nos por corda e reunion tocante e Settlement Agreement di Valero na 2010, entregamento di e autonomia di Aruba, despues tawata e asunto di Asbesto, por ultimo Valero y awor e Parke di Molina na Urirama. MEP no tin ningun topico pa carga y cualkier topico cu ta parce popular y cu nan ta kere cu nan por uza pa traha riba e emocion di pueblo nan ta gara y hunga wega politica cun’e. Desesperacion pa cu nan imagen negativo den pueblo ta haci cu nan ta busca topiconan pa nan pretende cu nan ta para banda di pueblo. Cuanto biaha e propio lider di MEP a sali pafor di un reunion publico importante pa no mustra pueblo cu e no ta para banda di nan? Awor pueblo kier haya sa dicon MEP no a para banda di pueblo di San Nicolas ora a wordo dicidi cu lo pone Molinan di Biento na San Nicolas? Dicon MEP a keda keto e tempo ey y no a preocupa nan mes pa cu e salud di e hendenan cu ta biba 375 meter for di e molinan? Dicon MEP no a haci estudionan pa wak cua ta e efectonan cu e zonido di e molinan lo tin riba e salud di habitantenan den cercania di e molinanan? Dicon MEP no a pensa riba e medio ambiente di Vader Piet? Ningun reaccion pueblo di pariba di brug a haya e tempo ey, pasobra e proyecto di Vader Piet tawata un proyecto di MEP.

Manera e lider di MEP a laga sa na varios ocasion cu e proyecto aki tawata un experimento. A caso pa MEP e ta bon pa experimenta cu e salud di e hendenan di pariba di brug of pa MEP e salud di nos hendenan no tawata importante e tempo ey? Splica pueblo awor con boso a para come y bebe durante e inauguracion di e proyecto aki y cu boso no a sinti nada? Por a caso “en toen was het stil”? E tempo ey tur hende tawata di acuerdo di e beneficionan cu e molinan lo tin pa pueblo of no? Awor apenas 2 aña despues cu Gobierno di AVP kier sigui cu e proyecto, awor MEP a lanta for di soño profundo cu nan tawata aden y bin cu argumentonan contra e proyecto di e Parke di Molina na Urirama. Un actitud hopi straño por cierto si mester constata cu ta Gobierno di MEP a bin e proyecto aki na Vader Piet y tur cos tawata bon y awor cu Gobierno di AVP kier sigui cu e proyecto na Urirama e no ta bon. Pueblo ta kere cu si e tawata bon pa e area di San Nicolas, e mester ta bon pa e area di Noord. Of nos por conclui cu asta riba e nivel aki pariba di brug ta wordo discrimina un biaha mas? Di aña pasa e reunion aki a wordo pidi door di MEP, pero Parlamento di Aruba a scohe pa pidi un investigacion independiente riba e MER principalmente riba e aspecto di salud pasobra esey tawata un di e preocupacion grandi di fraccion di AVP. Si e resultado lo a sali positivo pa cu e efectonan negativo cu e zonido lo por tin pa cu e salud di e habitantenan, fraccion di AVP lo a haya su mes obliga pa reevalua su punto di bista riba e proyecto aki. Nos ta sigur cu minister Mike Eman y minister Mike de Meza lo duna un splicacion amplio riba e Parke di Molina na Urirama y cu tur hende lo husga e informacion duna pa nan mes.

E reunion publico tocante e Parke di Molina ta hopi serio y mi persona ta convenci cu e publico cu lo presencia e reunion publico aki lo haci esaki cu un mente habri y lo analisa e informacion duna pa cu nan preocupacionnan y yega na nan propio conclucion. Pueblo di Aruba y principalmente pueblo di pariba di brug lo sigui e reunion aki di cerca pa scucha e argumentonan y e splicacion dicon e parke di molina di Vader Piet si tawata bon pa San Nicolas y awor e parke di molina na Urirama no ta bon.

Comparti
Comentarionan (7)Add Comment
... Low-rated comment [Show]
... Low-rated comment [Show]
... Low-rated comment [Show]
Djaka
January 31, 2013
201.229.26.222
Votes: +6
...

E ta hasi d**o?????

honestyfirst
January 31, 2013
201.229.77.45
Votes: -1
...

aha, y di con e no a lanta pueblo dia su gobierno a cuminsa cu parke molina Vader Piet?? Ra-ra, pasobra aparentemente Brug pariba no ta conta pa nan, ni dia Valero a shut down na 2009, di con awor si cu cos ta bajendo bon, cada dia mihor?Djies di tend'e papia so bo sa ken e ta, nunca cu un sonrisa riba su cara, manera amarga, frustra, parce un hende cu ta drumi y lanta cu mal beis????Si bo kier ta lider, cambia e estilo ey, carisma ta nul coma nul, haci algo na dje.

alfonsodindin
January 31, 2013
201.229.31.72
Votes: -1
...

ta par di borrache i bebedor di nighttrain a keda como mep su siguidornan. no worry e caos cu e lo crea, ta loke e sembra

bochincha
January 31, 2013
201.229.9.67
Votes: +0
...

Hende bochinchero nan ta. lanta kalumnia anto tin loko ta bai nan tras tambe.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter