Saturday, 23 August 2014
Según Parlamentario Arondino Croes Promer Ministro Mike Eman no ta bon bini na cumbre di CELAC na Chile Print E-mail
Thursday, 31 January 2013 18:29

arondino mep99

Durante e ultimo tres anjanan según parlamentario Arondino Croes nos por a tende Prome Ministro Mike Eman broma cada biaha cu e ta crea un brug entre Europa y Latino america. E siman cu a pasa ainda por a scucha di e actividad di Europe meets America. Tambe según parlamentario Arondino Croes nos por corda e protocol firma pa Aruba busca negoshi pa Hulanda. Awor e weekend cu a pasa a tuma lugar na Chile un reunion di CELAC entre paisnan di Caribe y Latino america y representantenan di Union Europeo pa estrecha y mehora lasonan di relacion comercial. Durante e reunion ta resalta e posicion unico di Chile como unico pais di latino america cu ta cosecha di su relacion di un tipo di LGO cu Union Europeo. Manera conoci e relacion aki di LGO tambe Aruba ta conoce te awor. Mirando cu nan a constata cu loque Gabinete Eman ta haci ta puro cosmetica y cu nada tawata basa ariba e realidad di e pais aki a dicidi di laga Aruba afor y cu nos Promer Minister no ta bon bini na e cumbre di Chile. Nan a cuminsa hanja sa e verdad cu Gabinete Eman ta boga constantemente pa UPG cu no tin e derecho pa tin tratado ariba e relacion nan di inversion internationalmente. Según Parlamentario Arondino Croes Gabinete Eman ta man na cabes y ta tur desespera awor cu nan no ta confia nan mas. Nos por constata cu ora di verdad a yega unda Promer Ministro Mike Eman y AVP no ta bon bini mas na tipo di conferencia nan asina aki paso ta obsevador so nan lo por ta y no por participa directo den decision nan grandi cu e paisnan grandi. Te hasta comunidad international a hanja sa cu Gabinete Eman ta laga tur cos na mitad. Nan no a cumpli cu elimina BBO y laga na mitar, Linear Park no ta cla y a baha e suma di e proyecto na mitar, Caya Libertador Betico Croes a wordo laga na mitar y ta un disaster. Según Parlamentario Arondino Croes ta bon pa pueblo tuma cuenta cu e escohencia entre LGO y UPG den e siguiente elecion, pa Aruba por sigi busca beneficionan cu Europa sin entrega parti di su autonomia y manteniendo su moneda.

Comentarionan (4)Add Comment
R.R. Ras
February 01, 2013
201.229.28.110
Votes: -1
...

Desde ki tempo Dino of e payaso nan di MEP ta dicidi of por dicidi ken por of mag di participa of no ta bon bini na un pais of conferencia? Dino cuanto voto abo tin y cuanto voto abo ta kere cu lo bo por saca durante e proximo eleccion compara cu e voto di Mike Eman? Bo ta kere cu comentario nan asina aki ta haci bo popular of mas hende cu otro? Dino siña kiko ta politica y kiko kiermeen traha pa pueblo na prome lugar y stop cu e politica di shisheria aki!

R.R. Ras
January 31, 2013
201.229.46.20
Votes: +6
...

Instigador y mal ehempel pa nos hoben nan esey boso nan ta bon aden pasobra nada no ta bon pa boso. Dino, kiko positivo abo a contribui den tur e aña nan cu bo ta den politica? E actitud manera un mucha cu nan a kita un loolipop for di dje aki no ta yuda nos pueblo na nada Dino! Corda bo ta wordo yama Dino y no DIOS.

Spanta pato
January 31, 2013
174.91.110.186
Votes: +6
...

Nada cu AVP Haci no ta bon pa boso. cada vez e mesun cuenta negativo. Bo sa hende ta cansa di bo y Xiomara. Ta parce ta un malesa boso tin.Renuncia pa e generacion nobo tuma mando manera Reina Beatrix a bisa den su descurso.

Justicia
January 31, 2013
201.229.25.171
Votes: +7
...

Cuidow cu e proximo eleccion bo no keda na mitar di caminda ,pasobra manera cos ta pinta boso caso ta tritu.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter