Monday, 28 July 2014
Evelyn Wever-Croes tocante Urirama: Pakiko pone salud di hende na riesgo? Print E-mail
Thursday, 31 January 2013 20:29

evelyn

Ami como mama hamas lo por tuma un decision si mi sa cu mi ta pone salud di mi yuinan na riesgo. Durante tratamento di e reunion publico di e di dos parke di molina di biento di Urirama, lider di MEP a hiba un discurso elocuente, cu un bos sereno y serio, ilustrando e importancia di e tema.

Desaroyo internacional

Tur pais na mundo ta lucha pa baha nan gastonan di awa y coriente, y na mes momento tin menos energia sushi y bai pa energia limpi. Pero naturalmente, e pais y su cuidadanonan mester por carge. Y caminda cu e ta causa danjo na salud di hende, nan ta wordo para of kita. Mas y mas pais na mundo ta poniendo un paro na molinanan di biento cu ta mucho serca di areanan habita. Na Merca, Inglatera, Hulanda, Belgicay na Australia nan ta parando cantidad di e proyectonan aki. Si nan ta hasi esaki, mester tin motibo. E pregunta ta, dicon nos ta persisti pa sigi den e direccion aki, mientras mundo ta kitando di e direccion aki? Ademas, varios pais a pone metanan pa loke ta trata energia limpi. Union Europeo a pone pa su mes e meta di 14%, pero nos gobierno kier pa Aruba yega na 100% di energia limpi.

Aruba

E tema aki ta tin atencion di hopi cuidadano, aki na Aruba tambe. Ayera so mi a haya mas di 100 email y mensahe di hendenan cu mi no conose mes, pero cu kier a pidimi pa trese nan preocupacionnan padilanti y pa expresa cu nan ta contra e proyecto. Esaki ta e prome tema cu mi ta mira nos comunidad ta convivi asina intensivo. Pa e gobierno actual e tema di energia limpi ta hopi importante, pero e impresion ta biba cu na caminda e gobierno aki a perde contacto cu realidad. Dicon? Pasobra energia limpi mester ta sostenible, pero si na caminda bo ta destrui naturlaesa y bo ta dispuesto pa pone salud di miles di persona na riesgo, esaki no ta sostenible!

Gobierno anterior

Tempo di Gobierno di MEP WEB a cuminsa hasi inversionnan miyonario pa riba un tempo realstico bira poco poco menos dependiente di fuel. A inverti den motornan Recip y salt water reverse osmosis. Y awor, danki na e inversion aki, nos por mira e efecto den e rebaho di prijs di awa. Pues, e inversion aki, e vision aki di WEB a funciona. Tambe WEB a inverti den e prome parke di molina di biento, na Vader Piet, y maske cu e protyecto di Vader Piet no ta duna e 20% di energia manera spera, toch e ta un aporte, na un average di rond di 10 pa 12%. Esaki no a resulta den prijsnan di coriente abow, es mas, ta subi e prijs di coriente a subi. Pero e ta un paso den e bon direccion, e direccion di energia limpi. E intencion di e parke di Molina na Vader Piet tawata pa e ta transitorio. Pasobra E solucion pa baha prijs di awa y coriente tabata y ta GAS. Pero cu e di dos parke di molina na Urirama nos ta mira cu e molinanan di biento no ta wordo mira mas como “transitorio” sino mas bien ta bira permanente. Pasobra ni su nos haya gas por nada, e no ta baha prijs di coriente, segun informacion di WEB.

Lubida interes di pueblo

Y esaki ta di lamenta. Manera mi a bisa na principio, e lucha di cada pais ta basa riba 3 pia: 1) pa yega na costonan mas abow y 2) energia mas limpi, y 3) sirbi mihor interes di e pueblo. E rumbo cu gobierno kier tuma awor cu e di dos parke di Molina ta sigi riba solamente un di e pianan aki, esta energia mas limpi, pero ta laga e parti di redusi gasto cai y ta sacrifica bienestar di nos pueblo.

No ta redusi gasto

E parke di Molina di biento lo no redusi nos gastonan di coriente, pasobra segun nos a wordo informa pa WEB, nan lo ta mara na e contrato cu Vader Piet, y no por baha e gastonan. Pero di otro banda, e simple idea so cu e molinanan por bin den un area sagrado, cu ta den vecindario di e kapel di Alto Vista, ta yena hopi hende cu ansha. E simple idea cu ta bai expone un cantidad grandi di habitantenan na riesgo pa nan salud, ta preocupa hopi hende. Expertonan cu nos a consulta a declara cu tin un relacion directo entre e molinanan y problema cu salud. Mas alew nos a scucha di esnan cu a wordo afecta pa molinanan na Merca. Nan a conta nos cu na Merca, den e areanan di molina di bioente, ora mamanan ta bisa nan yiu: bo a skeiro djente, bo a hasi bo oracion, bo a bebe bo pilder pa drumi? Esaki ta loke nos kier pa nos muchanan na Aruba? Bo no mester ta un mama of un tata pa sinti cu esaki hamas nos mester permiti pasa na Aruba.

Pakiko Urirama?

Si e no ta baha nos gastonan di awa ni coriente, pakiko nos mester drenta e aventura financiero aki?

Tin hende ta sigur cu akinan tin cu paga fabornan di amiguitonan, poco riba mesa y poco bow di mesa.

Otronan ta insisti cu tur esaki ta pa nos prome minister haya creidto internacional, un reconosemento, un premio of algo asina. Ami no sa cual ta e motibo. Pero ningun di nan, placa pa amiguitonan, ni reconosemento internacional, por hustifica cu ta pone salud di hende na peliger. Ami como Mama hamas lo por tuma un decision si mi sa cu mi ta pone salud di mi yuinan na riesgo. Hamas! Y mi no ta kere cu necesariamente bo mester ta mama of tata pa bo por sinti esaki. Bo mester ta simplemente un ser humano, cu curason pa bo yuinan of pa bo pueblo. Un lider di un pais cu ta pone su reconosemento personal riba bienestar y salud di su hendenan, ta un burdugu. E no ta digno di wordo yama un lider! Y segun mi, aki e problema ta sinta. Cu e lider di nos pais, esun cu ta capitan di e barco aki cu yama Aruba, no tin curason pa su pueblo. Naturalmente nos tambe ta sostene intentonan pa bai riba e rumbo di energia limpi. Ta bow di e gobierno di MEP a cuminsa cu e vision aki! Pero hamas por ta asina cu interesnan economico of interesnan di ego personal, ta wordo poni riba interes general y bienestar di nos pueblo.

Comentarionan (9)Add Comment
kipzonderkop
February 01, 2013
201.229.42.96
Votes: +4
...

shame shame shame.....evelyne no tin e hendenan di SN pa nada...un set di hende di segunda categoria...bronguensa...

Taurus58
February 01, 2013
201.229.15.58
Votes: +0
...

Ta berdad cu e molinanan no ta trece rebaho di prijs di coriente, pero e ta yuda absorba e subida di prijs di petroleo den futuro. Pa e motibo aki ta instala windmolens. Esey ta cla y raspa. Esunnan di vaderpiet tampoco a yuda baha prijs y toch nan a wordo instala. Rara. Hoe is dat mogelijk. smilies/smiley.gif smilies/cry.gif Mester inverti pa despues probecha. Nel ta mescos.

Taurus58
February 01, 2013
201.229.15.58
Votes: +0
...

Ta berdad cu e molinanan no ta trece rebaho di prijs di coriente, pero e ta yuda absorba e subida di prijs di petroleo den futuro. Pa e motibo aki ta instala windmolens. Esey ta cla y raspa. Esunnan di vaderpiet tampoco a yuda baha prijs y toch nan a wordo instala. Rara. Hoe is dat mogelijk. smilies/smiley.gif smilies/cry.gif Mester inverti pa despues probecha. Nel ta mescos.

Taurus58
February 01, 2013
201.229.15.58
Votes: -3
...

Ta berdad cu e molinanan no ta trece rebaho di prijs di coriente, pero e ta yuda absorba e subida di prijs di petroleo den futuro. Pa e motibo aki ta instala windmolens. Esey ta cla y raspa. Esunnan di vaderpiet tampoco a yuda baha prijs y toch nan a wordo instala. Rara. Hoe is dat mogelijk. smilies/smiley.gif smilies/cry.gif Mester inverti pa despues probecha.

... Low-rated comment [Show]
aramis
January 31, 2013
201.229.37.219
Votes: -3
...

Evelyn, bo no a convencemi, haci bo huiswerk mas miho, of laga otro hende dirigi e partido, ta tempu pa Nel bin back na mando.

san
January 31, 2013
186.190.233.248
Votes: +23
...

Berguensa pa un lider di un partido grandi por ta pp coi loko asina ki mihor bo buska manera di subi internet sikiera den parlamento unda bo ta hanjele pornada i purba sinja bo mes sikiera un tiki di loke tur bo ta pp di dje google how the windmolen works for dummies anto porta ey bo lo por sinja paso e kens nn ta bai tras di bo palabra no un hende ku untiki logika smilies/grin.gif

R.R. Ras
January 31, 2013
201.229.46.20
Votes: +21
...

Bienestar y salud di e habitante nan di San Nicolaas no ta conta pa Evelyn ni pa MEP: esey ta loke Evelyn ta bisando nos ora cu e artic*lo aki pasobra mira cuanto argumento pa Urirama y pa San Nicolaas nada. Evelyn bisa berdad abo lo laga kita e molina nan na San Nicolaas?

amimes
January 31, 2013
74.82.64.35
Votes: +16
...

Bo jiunan NO esun di nos SI. Shame on you Evelyn, bay resa 1 Nos Tata y 3 Ave Maria pa bo atrevimento pa kere cu bo jiunan ta mas cu esun di MI. Never of your life.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter