Friday, 31 October 2014
Evelyn Wever-Croes: Urirama ta malo pa medio ambiente y pa habitantenan Print E-mail
Thursday, 31 January 2013 20:38

Evelyn Wever Croes009

Durante e reunion den Staten tocante e parke di molina di Urirama, lider di MEP a trese varios punto padilanti. Energia limpi: nos partido ta na fabor di energia limpi. Pero e proyecto aki ta trese cune cu mester inverti den un gran cantidad di bacteria pa backup. Henter un veld di football, segun expertonan a splica nos, pa asina por duna backup ora biento cai.

E baterianan aki ta contene material quimico cu ta nada bon pa nos medio ambiente. Y e baterianan aki ta duna coriente solamente pa algun minuut, mientras WEB ta lanta su sistema bek. Pues na WEB semper mester tin motornan ta draai riba diesel pa por lanta na momento cu biento cai. Maquinaria cu ta paga ora tin biento y cu mester sende ora biento cai. Y ta parsemi cu si bo ta sende paga un machin, e no ta wanta hopi. Mescos cu sib o ta sende paga un auto cada rato, e no ta wanta hopi, y lo costabo mucho mas. MER-rapport y conseho di comision independiente: e rapport cu fraccion di AVP a laga traha y cu a costa 30 mil florin, ta confirma nos preocupacion. Nan a bisa claramente riba e pregunta cu si e molinanan ta causa danjo na salud di hende “wij sluiten het niet uit”. Pues, nan no ta exlcui e riesgo ey, nan no por duna garantia cu e molinanan ta completamente safe. Y pa colmo e solucionnan cu nan a propone ta pa nan pone airco den full e cas, pero ken ta paga e ora? Of nan a bisa pa cambia e camber di drumi pone banda pazuid. Aki na Aruba pazuid nos ta pone e cushina of otro cos, pasobra cambernan di drumi ta pariba of pa nort. Aruba ta un comunidad chikito. Un comunidad den cual nos tur kier lo mehor pa nos isla. Ban hasie hunto, ban ta un ehempel pa resto di mundo. Laga nos demostra mundo henter cu e cambionan cu no kier mira riba nos pais ta bin di paden. Nos no mester laga nos mes wordo influencia pa desaroyonan internacional of companianan grandi internacional cu unico cos cu nan kier ta gana mas placa, sacrificando sernan humano. Companianan di afo cu no conose e importancia di e lugar cu yama Alto Vista! No! Aruba ta un pueblo cu hopi amor pa su prohimo. Ban mustra respet pa nos prohimo, y no ban pone salud di hende na riesgo. E dicho ta bisa tin otro camindanan cu ta yega na Roma, y den e caso aki, tin otro camindanan pa yega na un Aruba cu energia limpi y na mes momento baha nos gastonan di awa y coriente. Otro camindanan cu no ta pone salud di hende na riesgo. WEB tin un vision. Ban laga nos expertonan guia nos den esaki. Ban evalua e proyecto na Vader Piet. Ban atende cu habitantenan cu ta sufriendo consequencianan di salud di e molinanan aki. Ban experimenta cu energia solar. Y ban laga WEB hasi e inversionnan realistico pa nos yega na un WEB sostenible y redusiendo gastonan di produccion. Tin suficiente otro alternativa, pero ta determinacion y disponibilidad politico mester tin. Ban mustra cu nos sa con pa pa pone bienestar di salud di nos famianan di nos muchanan inosente na prome lugar. Bo no mester ta un mama ni un tata pa tuma decisionnan responsabel. Bo mester simplemente di tin curason pa bo pueblo.

Comentarionan (5)Add Comment
Ban serio
February 01, 2013
201.229.43.1
Votes: +8
...

Evelina pa e proximo 8 anja boso NO no lo mira stoel di gobernacion talvez e ora ey bo por bin bei y realiza cu bo NO ta un politico ba mata MEP

... Low-rated comment [Show]
rod
January 31, 2013
201.229.47.209
Votes: +21
...

Awor a sali e lider di mep: cuero di
macaco na cara, boca di pisca y cerebro di
fruminga...!!!!

R.R. Ras
January 31, 2013
201.229.46.20
Votes: +36
...

Dus cu otro palabra e no ta malo pa medio ambiente ni salud di hende na San Nicolaas, Evelyn? Acaso si ta asina nos hende di San Nicolaas no ta conta y no tin derecho y pariba di brug nos no ta tene cuenta cu medio ambiente?

johantromp
January 31, 2013
201.229.19.2
Votes: +33
...

Lider di MEP, awor boso ta bringa pa e pueblo di noord. Pero ta ki dia boso ta bringa pa e bario di parkieten bos tokante dump, ki dia boso di MEP ta bai bringa pa e pueblo di San Nicolaas cu tin 80 anja ta sufri di e refineria, ki dia MEP ta sali pa tur e casnan cu tin e zender nan di senjal di cellular di tur e companianan di telefoon na Aruba,ki dia boso ta bai bringa pa tur e hendenan cu ta biba rond di e park di molina, ya existenete na San Nicolas? Noord tin tur cos caba, bringa pa e otro barionan awo.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter