Saturday, 26 July 2014
Evelyn Wever-Croes: No kita nos kapel di Alto Vista for di nos! Print E-mail
Thursday, 31 January 2013 20:40

ewc

Parlamentario Evelyn Wever-Croes den Parlamento a hasi un apelacion fuerte y emocional riba gobierno pa no kita e Kapel di Alto Vista for di nos. Expertonan a informa Parlamento cu una bes e molinanan di biento bin, ningun hende lo sinti trankil mas den e kapel. Ora bo baha for di auto, y sonido di biento ta pone cu bo no ta ripara cu e molinanan tey, bo no ta scucha nan.

Pero una bes bo ta den e Kapel, bo ta sinti un presion den bo pecho, cu ta dunabo gana di core bai. E molinanan lo caba cui e pas y trankilidad na Kapel pa semper. E amor berdadero di Aruba pa Kapel di Alto Vista ta algo puro y cu un historia rico y largo. 60 anja pasa henter Aruba a UNI pa Re-Construi nos Kapel. Mi tanta grandi Shon Kita a hasi esfuersonan sobrehumano, hunto cu su ruman Mai Lacle di Mai Store, pa renoba e kapel. Hopi di nos tin e custumber ora nos haya un yui prome cos cu nos ts hasi ta bishita e Kapel. Otronan tin e custumber di hiba bouquet di flor na Kapel. Ora di malesa of situacionnan dificil den bida, hopi ta recuri na resa un rosario na Alto Vista. E rosario bibo ora tin luna yen ta algo hopi bunita tambe. Dia 7 okt ultimo nos a uni atrobe pa celebra 60 anja di inauguracion di e kapel. Minister president tambe tawata presente e dia aki, y por a sinti e amor cu nos pueblo tin pa Birgen di Alto Vista. E mes por a sinti e importancia di e momento ey, den e celebracion solemne unico aki. E por a sinti e pas, harmonia y felicidad cu nos tur ta sinti na Kapel di Alto Vista. Pesey Evelyn Wever-Croes a hasi un apelacion na henter Parlamento pa ban uni awor atrobe pa mantene e puresa di e Kapel y nos naturalesa.

Comentarionan (6)Add Comment
spicy
February 01, 2013
208.87.233.180
Votes: +7
...

EWC bai ganja baka. bai ku bo mesa na Sta. Cruz laga e molina nan bin. Si nan no mata e hende nan di San Nicilaas nan no ta bai mata e hende nan di urirama

Ban serio
February 01, 2013
201.229.43.1
Votes: +2
...

Mi kier bai reza na alto vista y waak un mulina draai suave pa releja mi mente

Fanatico di humor
February 01, 2013
190.4.71.182
Votes: +8
...

smilies/cheesy.gifsmilies/cheesy.gifsmilies/cheesy.gif Mi no sa dicon ningun cineasta no a contrata Eveliyn Wever-Croes ainda como actriz, pasobra su actuacion como político y lider di partido ta ponebo corda riba e gran actriz Mexicana, Zara Garcia(Q.E.PD.). Evelyn cu su sintimento como Llanto de Cocodrillo(Krokodrillentranen). Awor Evelyn ta e Mama Theresa di Aruba,tur e joramento y wega cu sintimento di pueblo pa trata di probecha pa interes di partido cu tambe ta miribundo manera e partido di Benny Nisbett.....smilies/sad.gifsmilies/sad.gifsmilies/sad.gif

Justicia
February 01, 2013
201.229.25.171
Votes: +6
...

Mi ke sa si di berdad evelyn ta kere cu e molinanan ta bai stroba e hendenan cu ta bai e kapel.Si tasina anto su education ta dirihi den un solo rumbo pero nada di tehnologia ,cu si e tin un tiki algemene ontwikkeling e por sa .Tristu

R.R. Ras
January 31, 2013
201.229.46.20
Votes: +36
...

Tur esnan cu a yega di bay Vaderpiet sa cu e wega di hunga cu Kapel di Altovvista aki ta nada mas ni menos cu un wega politica di Evelyn cu tin cu purba na tur sorto di forma pa sigi dividi e pueblo aki cu e unico fin pa saca probecho politico. Esaki nos ta yama degeneracion total y sin escrupulo pa saca probecho propio. Ki baho esaki ta y con mas leu e tin pensa di yega?

Berdad Picante
January 31, 2013
201.229.49.115
Votes: +33
...

EWC bai ta hunga y subestima cu intelligencia di nos pueblo, Di con nos di San Nicolas cu ta biba serca di e molinanan cu bo partido a pone, no a hanja e trato manera e riconan di Urirama. Ningun investigacion door di ningun experto awordu hasi. Awor bo ta corda riba nos cu tur e consequencianan malu mahera bo ta envitando pa e riconan di Urirama of nos ta ciudadanonan di segunda categoria?

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter