| Desaroyonan na IMSan ta lanta interes na Hulanda |
 |
 |
| Monday, 18 February 2013 11:59 |
 Recientemente Minister di Salud y Deporte Dr. Richard Visser a reuni na Hulanda cu Rene Steenhorst, periodista specialisa den cobertura di noticianan medico.
E topiconan di combersacion a bay riba e desaroyo di Aruba como pais Caribense cu ta un pionero den varios aspecto di promocion di salud. Entre otro a destaca e iniciativanan manera e caminatanan, Ciclovia, proyecto Scolnan Saludabel, Proyecto Hospital y IMSan. Rene Steenhorst ta hopi interesa pa bishita Aruba y wak e importancia di converti IMSan, entre otro den un Centro di Oncologia. E periodista ta na altura cu Minister Visser aricibi y tabatin conversacionnan Profesor Bob Pinedo cu ta un persona clave y pionero den maneho di Cancer na madre patria Hulanda. El a haya hopi Interesante e aspecto di desaroya Turismo Medico y e conexion cu esaki tin cu 'Europe meet The Americas', no unicamente pa loke ta comercio pero tambe riba e tereno di medicina. Rene Steenhorst ta un periodista hopi reconoci pa su reportahenan den De Telegraaf. Su pasion ta, sigui e desaroyonan medico na Hulanda, investiga y analisa proyectonan nobo. Tambe den su reportahenan investigativo el ‘a ilustra na mas di un ocasion e importnacia di un estilo di bida saludabel como prevencion di malesanan cronico. Otro topiconan cu el’a yega di elabora riba dje ta e poder mental, salud mental y con pa preveni degeneracion di nos curpa y sistema nervioso. Minister Visser a aprecia Steenhorst su interes den su trabounan aki na Aruba y a keda hopi contento di por a reuni cu Rene y comparti riba e temanan aki cu ta di hopi importancia den e maneho y vision di e mandatario. Comentarionan (2)Mustra/Kita comentarionan ...
Telegraaf t'e corant di nivel mas abow aki na Hulanda. Redashi, non-news, spec*lacion sin base.
Esey t'e nivel di nos gobierno? Y pakico papia cu un periodista? Si e kier ta innovativo riba terreno di cancer, mihor ela bai papia cu specialistanan na Anthonie van Leeuwenhoek Ziekenhuis. Porta nan nivel ta demasiado halto pa nos minister pod**oog?
,
February 18, 2013
Duna Comentario y/of Comparti riba Social Medi |
Mustra/Kita e formulario di comentario
Waw, hopi interesante y educativo pa e minister aki.
Kisas e periodista aki por puntre na unda ela haal su Doctorstitel y ken twt su professor?