Monday, 22 December 2014
Parlamentario Xiomara Ruiz di MEP: Gobierno mester a laga sector priva encarga cu edificionan multifuncional Print E-mail
Tuesday, 19 February 2013 01:24
Comparti

Xiomara Ruiz Maduro003

E situacion financiero di Aruba ta precario y gabinete Eman ta sigui bin cu proyectonan cu podise riba e mesun aña no ta pisa riba presupuesto di pais Aruba, pero cu di 2014 bay ariba lo primi di berdad riba presupuesto di nos pais. Siman pasa tabata tin introduccion di e 5 centronan multifuncional na Noord, Paradera, Santa Cruz, Savaneta y San Nicolas. Parlamentario Ruiz-Maduro ta  di opinion cu aparte di e servicionan cu e hulpbestuurskantoornan aki ta duna pueblo, awor gobierno kier pa e edificionan bin mas grandi y pone servicio di biblioteca, unda hendenan por bebe coffie, muchanan por hunga, oficina di horeca y unda pueblo por bin na otro. Segun Siomara mester bisa cu esaki no ta un mal idea pero mirando e situacion precario di gobierno pakico gobierno no a laga sector priva desaroya y maneha e centronan multifuncional akinan. El a bisa cu aworaki gobierno ta laga un compania parecido na esun di SOGA traha e edificionan aki pe y gobierno di su parti ta compromete su mes pa 25 aña largo paga 3.5 miyon na locual ta huur, pa huur full e edificionan aki cu speranza cu pa pida pida di e edificio y localidadnan gobierno por haya interesadonan priva bin y asina traha un parti di Horeca cu por pone un cushina eynan. Tambe nan ta spera cu otro companianan priva of stichtingnan priva huur un parti pa pone reunion eynan keriendo cu nan por haya suficiente entrada pa gobierno por haya cubri e gastonan di huur full e edificionan aki. Banda di dje pa gobierno por haci uso di e edificionan aki mester lanta un departamento nobo di gobierno pa maneha e 5 centronan aki, locual ta bai costa nos pais 1.6 miyon cada aña cu lo pisa directamente riba e presupuesto di e pais akinan. Ruiz-Maduro a bisa cu mirando tur e gastonan aki y e riesgo pa gobierno cu ta esun cu mester haci gasto pa haya companianan priva y institucionnan social pa bin huur un parti di e edificionan aki pa por haya placa pa cubri gastonan di huur di full e edificionan por mira cu tabata mihor pa encarga sector priva cu henter e parti aki y gobierno lo a core e risico so di huur e parti di hulpbestuurskantoor.

Comentarionan (11)Add Comment
geminis
February 20, 2013
201.229.78.44
Votes: +0
...

Si laga comercio trahe anto pa despues huurnan cu gobierno atrobe??
Ta mucho poco tempo panos lubida e huurnan barbaro cu gobierno tabata paga pa F&F. Laga cos manera e ta.

Bounty Hunter
February 19, 2013
201.229.10.101
Votes: +2
...

Segun mi e querido Uncle Ed aki ta manera ta Uncle Diek mes a comenta pasobra no tin placa ta drenta na gramel mas fin di luna riba su ACCOUN. Aunke ainda ta haya un huur aki aya cu nan a fix sin un fecha pa pone fin. Ni cuanto nan grita y zapatia e gobierno aki ta traha pa su pueblo y e cos aki ta hasi nan hopi d**oR!!!

johantromp
February 19, 2013
201.229.125.233
Votes: +2
...

Querido Uncle Ed, tur tempo a wordu gasta na tanchi cu papa, na unda Uncle Ed tawata. Awor cu placa ta wordu gasta den projecto pa pueblo awo Uncle Ed ta hanja cu ta malo. Acaso hinka placa den centronan multifasetico ta malo. Acaso hinka placa den infrastructura ta malo enz. Uncle ed pasa un bon dia i dodo dushi. Tur placa pa pueblo no pa Famia.

Uncle Ed
February 19, 2013
201.229.14.235
Votes: +0
...

E comentarionan duna akinan ta sin pia y cabes.
Shonnan, boso no por compronde cu gastamento di placa no por continua asina. A fia asina hopi placa caba pa tur e projectonan cu ainda no tin fin di caba. E bom di caha di pueblo ta visibel hopi tempo caba.
Mi no po elogia un gobierno cu ta sigi gasta djis pa mustra cu e ta haci hopi. Na final ta nos mes lo paga pa tur e cosnan aki. no jora despues ora bin cu medidanan manera solidariteitsbelasting etc.
Ami no ta gelink cu ni un partido, pero ta duna mi opinion a base di logica.

rigobert
February 19, 2013
206.48.23.26
Votes: +3
...

Xiomara?????? ta bo lider a mandabo skibi esey den prensa????? Ku otro palabra bo kiermeen pa laga Katoena traha e edificio y laga PAPA traha e contract "for life". Ta esey Xiomara kier?

Ex-mep 4 life
February 19, 2013
201.229.78.97
Votes: +5
...

mep abira un partido di Familia tambe, laga e edificio pa Pueblo!!!!!

Ex-mep 4 life
February 19, 2013
201.229.78.97
Votes: +4
...

mep abira un partido di Familia tambe, laga e edificio pa Pueblo!!!!!

Bounty Hunter
February 19, 2013
201.229.10.101
Votes: +5
...

Hahaha! Si, laga papa, tanchi y topcats enCARGA cu edicionan multifunccional pa pluma nos caha y lague bashi manera a sosode e 8 añanan cu nos a experencia!! Ta parse cu t'abo mes ta lider awor!!

rod
February 19, 2013
201.229.14.172
Votes: +6
...

Sra. Ruiz Maduro ainda ta sonja: tempo
cu e pandiya geel tabata den gobierno sigur
esaki tabata e caso y no tin duda, Katoena and
partners tabata cla pa hasi nan fechoria cu
propiedad di nos pueblo...sigui sonja sra. Ruiz Maduro !!!!

Bertha Santana
February 19, 2013
201.229.41.60
Votes: +8
...

Duna seccion priva ta dudoso, ta oficina di gobierno, gobierno mester administre. punto

johantromp
February 19, 2013
201.229.124.225
Votes: +17
...

Awo ta bon, Sra negativo kier bi disidi ta con AVP, ta maneha nan projectonan. Ta miho Sra Negativo laga su ideanan aki pa anja 2040. Si MEP ta existi ainda. Paso te awor aki, tur camibda cu bo bai bo ta tende Mepistanan ta bisa, Betico a fallese, Nel a bai, cu Evelin na cabez ayo MEP.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter