Monday, 01 September 2014
Ady Thijsen: MEP si ta bay cu un nota riba finanzas di Aruba pa e reunion parlamentario na Hulanda Print E-mail
Tuesday, 19 February 2013 01:36

Ady Juan E Thijsen003
Den conferencia semanal di prensa di fraccion di MEP, Ady Thijsen a habri e conferencia bisando cu ya e temporada di temporal a keda atras y cu awor tur hende ta bay mira eleccion bin. El a bisa cu manera Gobernador a bisa den discurso di habrimento di aña, esaki ta bay ta un eleccion historico y di suma importancia pa dicidi den ki rumbo e pais aki lo bay.

El a bisa cu pueblo tin seis pa siete luna pa evalua y scoge cual ta e partido of partidonan cu nan kier pa dirigi e pais aki. Thijsen a pone acento cu e partido cu por mustra e respet y honestidad, responsabilidad y capacidad pa dirigi e pais aki, esey lo haya e confianza di e pueblo di Aruba. Parlamentario Thijsen ta pidi tur hende y prensa pa sigui di cerca e desaroyonan aki pasobra politica ta dinamico y hopi cos ta cambia tin biaha, pero e pueblo su bienestar mester ta number uno. El a papia tambe di e werkbezoek cu un delegacion di parlamento ta bay haci na Hulanda cu yama reunion di IPCO (antes yama parlamentaire overlecht) y cu ta di 2 pa 9 di maart venidero hunto cu nan coleganan di Sint Maarten, Curacao y Hulanda. El a bisa cu MEP ta lamenta cu den e comision cu ta bai Hulanda, SIPRES, semper MEP ta wordo teni un banda, esey a pasa na Sint Maarten y na Curacao pero MEP no ta worry y ta bay hasi su trabao cu ta bay over di educacion y hubentud, energia, y un tema nobo riba economische samenwerking. Nan lo trata tambe e tema di 200 anja di Reino y lo papia riba saneamento financiero cu aunke no ta toca Aruba, si wak kico ta pasando den nos isla, segun Thijsen, esaki tambe ta importante. Thijsen a bisa cu loke ela menciona tambe lider di fraccion di AVP cu ta presidente di SIPRES, señor Baba Herde, a trece dilanti. Ela bisa tambe cu e situacion financiero di Aruba ta un tema importante pero den e reunionnan aki e no ta wordo trata y MEP mes a traha un nota financiero cu ta mustra e realidad di Aruba su finanzas.

Comentarionan (4)Add Comment
Bounty Hunter
February 19, 2013
201.229.10.101
Votes: +0
...

Corda tambe pa hiba e recibo di e tereno erfpacht cu bo a bende !!

Justicia
February 19, 2013
90.2.24.187
Votes: +2
...

Mescos cu un mucha chiqui cu on ta hanja su quier i ta bai keha serca su mama .

Zombie
February 19, 2013
201.229.82.63
Votes: +0
...

Esaki nos ta yama un intento di tracion contra pais Aruba! By the way, diripente Mep ta yen di experto financiero??? smilies/angry.gif

dog
February 19, 2013
201.229.8.69
Votes: +3
...

.... y no lubida di bai cu e nota di tempo cu e partido MEP tabata den gobierno (OCHO ANJA) cu MEP a huur edificio nan for di un famia liga na e partido, ja nan por wak unda e placa di pueblo tabata bai.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter