Monday, 21 April 2014
Abogado Anthony Ruiz ta splica pakico Gobierno y Calloway lo enfrenta Kortgeding Print E-mail
Tuesday, 19 February 2013 02:04

anthony ruiz

Den conferencia di prensa yama pa abogado mr. Anthony Ruiz el a papia tocante e Kortgeding cu a entama contra gobierno y Calloway Corporation siman pasa y cu e caso lo tuma lugar dia 27 di februari pa 9.30 mainta, como tambe un caso legal cu lo ser entama pa John Pizza contra minister Dowers y cuatro ambtenaar.

Ya caba tabata tin un Korgeding dia 20 di October 2012 caminda cu gobierno a ser forza pa organiza un bidding despues cu gobierno a dicidi pa caba su contrato cu John Pizza cu ta provee e detenidonan di KIA y di e wardanan di polis cu cuminda, y cera contrato cu Calloway Corporation, sin cu a tene un destaho publico. E contrato aki ta pa un suma di 1.5 pa mas cu 2 miyon florin. Tur e problema aki a inicia dia 31 di Augustus 2011, ora cu gobierno a informa John Pizza cu su contrato a caba cu no mester di dje mas y cu nan a tuma Calloway pa e trabao aki mientras cu e contrato cu John Pizza tabata caduca te 30 di September 2012. Abogado Ruiz a splica cu representando John Pizza el a manda un carta pa gobierno y nan a manda pidi sorry y bisa cu nan a haci fout y cu e ta keda respeta e contrato. Na mesun momento abogado Ruiz a skirbi un carta pa e minister puntrando si el a organiza e destaho publico segun ley, y no a ricibi ningun contesta. E caso a tuma lugar dia 20 di October y Huez cu suficiente base caminda cu gobierno no por a legitima su decision a obliga gobierno pa tene un destaho publico y duna e contrato na e mehor oferta. Dia 30 di November tabata un dia crucial den e caso aki y tur partido mester a entrega nan documentonan necesario pa e destaho publico y pone prijs, riba e fecha aki. E abogado a duna di conoce cu su cliente a ofrece un prijs di 16.45 fls pa cuminda mientras cu Calloway a bay te 22.75 loke ta nifica un diferencia mas halto di 6.30 fls pa cuminda. Abogado Ruiz a bisa cu el a kere cu su cliente lo gana e bidding mirando su experiencia di mas di 20 anja y cu nunca tin keho riba su producto. Sin embargo dia 4 di Januari John Pizza a haya e contesta cu nan no a gana e bidding y cu nan ta dune na Calloway, loke tabata un banjo di awa frio pa nan. E abogado a splica cu no tabata tin documentonan cu por a hustifica esaki y pesey a pidi copia di e dossier pa haya un bista y cu e tin derecho di esaki. Pero esaki a ser nenga. E ora ey a pidi un beroep di un Landsverordening openbaarheid van bestuur, pa si no haye di un ley haye di otro, pero tambe a ser nenga. Despues nan a haya un dossier inzage y a constata diferente cos cu a bay malo den e destaho y cu Calloway a entrega varios documento despues di dia 30 di November. Riba e fecha aki a entrega cuatro so. Pa e motibo aki siman pasa a entama un caso contra gobierno y contra Calloway Corporation cual lo sosode dia 27 di februari pa 9.30 di mainta. Fuera di esaki cuatro ambtenaar a haci un onderzoek riba John Pizza y den nan rapport tin yen di ganjamento serio cu posiblemente e minister a usa pa nenga e contrato na su cliente. Esaki ta motibo tambe pa su cliente entama un Korteding contra minister Dowers y e cuatro ambtenaar y keho a ser entrega caba na Lands Recherche y ta keda na Openbaar Ministerie pa dicidi si tin of no suficiente base pa inicia un procedura contra e minister y e cuatro ambtenaarnan. E Abogado na su parecer e proceso di bidding no a bay transparente y tin iregularidadnan den e documentonan entrega.

Comentarionan (7)Add Comment
baiganjabaca
February 19, 2013
201.229.2.205
Votes: +9
...

Solushon ta facil: elimina entrega di cuminda na KIA. Pone famia responsabel pa nan preso. Ora famia of amistad sinti e dushi pa tira e trip pa caya Santo Patia nan lo bin bij mesora y e preso tmb. Si bo no kier pasa hamber wak pa bo no cay sera.

Justicia
February 19, 2013
90.2.24.187
Votes: -1
...

Dicon den mep tin tantu hende negativo asina ? Alega di nan pasobra e ta contagioso.

Uncle Ed
February 19, 2013
201.229.14.235
Votes: +1
...

Otro caso mas cu lo costa pueblo mas placa.
Minister ta hunga politica y pueblo tin cu paga.
Pa Onderwijs no tin placa, mester bezuinig, y aki ta willing pa paga mas. Berdad cu cos no ta "zuiver".
Cos ta pinta hopi scur pa Aruba si cos sigi asina. wanta duro shonnan!

Zombie
February 19, 2013
201.229.82.84
Votes: -3
...

E abogada aki ta gusta yora! Caso perdi pa e cliente, pero e si ta gana! smilies/wink.gifsmilies/angry.gif

Haragan
February 19, 2013
201.229.44.160
Votes: -2
...

Bosonan si ta haragan !!!!! bo contract a caba tog? pakiko bo ta keda jora? holl'ass

Aruba Quo Vadis
February 19, 2013
200.7.37.190
Votes: +6
...

Ta bon pa e institutonan judicial cu ta na sonjo por investiga ta cu ki meta e minister aki ta tuma decisionnan descabeya asina aki.
Si bo ta dicidi pa paga Fls. 6.00 mas pa presonan pa cuminda anto hinca esaki den onderwijs dunando tur mucha un glas di lechi y un sandwich pa dia.

E cos aki ta hole corupcion di dia cla, pay back time na contribuyente nan di campanja.

Lamentablemente nos ta mira esaki tur caminda back pero nos institucionnan judicial ta drumi of morto caba.

Sigui asina Aruba y pronto nos lo ta un di e paisnan mas c*****o na mundo.

johan tromp
February 19, 2013
201.229.124.115
Votes: +1
...

Esaki ta cosnan cu ta pasa ora cu bo ta hanja un Minister cu no por tuma desishon, i tambe tin miedu di faja. Ta e mesun Minister aki ta esun cu a hanja chance di stop e contact aki di e gai MEP aki cu awe ta hibele corte. Pero nooooooo. Minister mooi weer, cu no por tuma desishon, a prolonga e contact aki pa su miedo di tuma desishon,i sigui conseho di tur e hendenan sabi cu ta MEP rond di dje. Ata awo, manera mi wela ta bisa, nan a changa porco, pero den e caso aki uno hopi sabi. I hinca su partido den problema sin tin mester. Pesei mi no ta cansa di bisa cu e no ta sirbi.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter