Saturday, 29 November 2014
Lider di MEP Evelyn Wever-Croes: Cu salida di Lainda Westerhof AVP a perde un di su miho parlamentarionan Print E-mail
Tuesday, 26 February 2013 09:49
Comparti
DSC_2063
Den conferencia di prensa di MEP, lider di MEP a comenta riba e salida di Lainda Westerhof di Parlamento: "Nos a tuma nota di e noticia di sra. Lainda Westerhof su decision di bandona politica.

Esaki a cai manera un sorpresa, especialmente pasobra apenas algun siman pasa el’a anuncia su campaña, y a distancia su mes di e politica bow nivel di mayoria di su coleganan. Esey a duna hopi speransa cu cosnan lo cambia den futuro pa e fraccion di AVP. Awor nos sa cu esaki lo no pasa.

E motibonan nos no ta compronde mucho bon, y mi lo no specula riba nan. Sigur nos lo no comenta riba problemanan interno di partido AVP, pasobra ta asuntonan cu nan mester atende interno cu otro. No manera nan a usa nos problemanan interno pa hasi politica barata. Mi mester bisa si cu e reaccion di Prome Minister Mike Eman na television a trese mucho mas duda riba henter e situacion.

Pero cualquier cu e motibonan ta, e mester tawata un decision dificil pa tuma. Pasobra una bes bo tuma e decision di drenta politica, pa representa bo pueblo, bo ta tume hopi na serio. Pa bandona e pasion aki, mester ta hopi mas dificil. Den sra. Westerhof Parlamento, y especialmente fraccion di AVP, ta perde un di su mihor parlamentarionan, sigur e mihor parlamentario femenino. Sra. Westerhof semper a trata na hiba un politica riba un cierto nivel, y al caso. E no ta papia pa papia, y no ta sinta tira palabra manera su otro coleganan, especialmente femenino. Y e ta comporta su mes manera un dama.

Mi mester dune compliment atrobe pa e forma con el’a atende e asunto di asbest di Mon Plaisir School, el’a pone interes partidario di su partido un banda y a exigi pa tur su coleganan pensa riba e bienestar di e muchanan prome. Esey ta algo cu ta tuma hopi curashi. Nos fraccion a expresa fuertemente cu mester saca e muchanan di e scol, y nos a logra tambe danki na sus sosten.

E salida di sra. Westerhof ta un paso gigantesco atras pa e fraccion berde, y especialmente pa representacion di hende muhernan cu a pone nan confiansa den AVP. Nos ta desea sra. Westerhof hopi forsa den e temponan dificil aki, y hopi exito den futuro.

Comentarionan (6)Add Comment
atheos86
February 27, 2013
190.4.70.155
Votes: -1
...

e juffrouw ey ta mucho jong pa ta malo bosonan por cay pe ey ami no algo nota klop ba inverti placa caba den bo campanja logo tur cos anto poco siman dsp bota pull out pavia "salud" .

Berdad Picante
February 26, 2013
201.229.48.12
Votes: -1
...

AVP no a perde Lainda, no mate prome cu su dia, E senora ta malu y ta desea di tin tempo pa deal cu su mes y su familia. E.WC no bin hasi politica barata, pasobra den AVP no ta reconoce tur nos candidatonan y na opinion, tin suficiente espacio pa nan por ta nan mes y cu nan concenshi. T a abo sin escrupolo den un amnera viel y sushi bo a core cu bo mehor politiconan manera Marisol y Mervin usando Booshi y despues bisa Booshi den un carta cu mas di 10 punto pakiko e no ta sirbi como poltico y a core cu ne tambe, defraudando mas di 5000 voto di Mepistanan cu a apoya e policona cori. Pueblo sa bon con traidor bo ta di bo mes un hendenan y loke bo a hasi, boo hasi cu nan tambe y dal nan un spada den nan lomba tambe, esei ta coi yora

RK
February 26, 2013
109.200.192.195
Votes: +2
...

Evelyn, acaso ainda bon por compronde kiko kiermen cu ela retira pa motibo di SALUD y NO pa problema den partido? Danki pa bisa berdad cu Lainda ta e UNICO parlamentario femenino den parlamento cu ta hiba politca na un nivel halto y professional, ohala boso por tuma ehempel di Lainda. SOON Lainda lo ta bek, dus bo no preocupabo paso elo ta bek pa traha pa su pais Aruba! Pronto recuperacion Lainda, un dama para den su sapato cu ta hiba un politica di NIVEL y cu ta traha na bienestar di su PAIS!

son of mose
February 26, 2013
201.229.35.155
Votes: +2
...

Dus manera ba bisa e kier a hiba un politica den sierto nivel. Purba di sinja di dje wak si bo por drecha e fracaso di bo

drechi
February 26, 2013
201.229.70.175
Votes: -2
...

Berdad nunca ta bon pa bo mete den cas di otro hende, pasobra
bo no sa con nan ta biba eyden.
Tempo lo bai mustra kiko tin tras di e salimento aki.
Partido AVP ta un Partido intachabel. Si bo comete algo
cu ta contra reglanan di Partido, conta cu bo ta out. No ta importa
ken bo ta. Den MEP nan no conose esey, si bo a hasie fraude cu
diploma bo keda, fraude na labor bo keda, hit & run bo keda,
abusa di mucha bo keda,horta placa di huur bo keda etc etc.
AVP ta e unico Partido drechi na Aruba cu ta exsigi disiplina
di cada un di su miembronan 24 ora pa dia.

unknown
February 26, 2013
201.229.69.50
Votes: +1
...

HAHAHAHA KICOOO??? ta cuanto politico di partido mep a uza problema interno pa haci politico barata. MEP ta santo mep no ta haci niun malo hahahahahaha

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter