| Parlamentario Evelyn Wever-Croes na Minister Dowers: Laga lista di MEP, pa Lider di MEP y concentra pa combati criminalidad |
 |
 |
| Tuesday, 26 February 2013 12:26 |
 E Lider di MEP a desmenti e acusacionan di Minister Dowers den rueda di prensa semanal di e Fraccion MEP ora e mandatario a ataca un abogado cu ta defende un cliente contra e minister, y e minister a haya ta bon pa expresa cu e abogado lo bin riba lista di MEP. Segun Wever-Croes ta parce cu minister kier traha e lista di MEP. "Mi ta kere cu Minister Dowers tin basta problema na su cabes pa hasi cosnan asina infantil.Politica ta algo hopi serio, traha lista politico tambe, maske sr. Dowers mes no sa nada di esey, pasobra nunca e mester a traha un lista. Pero pa e anuncia cu tur hende cu ta contra dje ta subi lista di MEP, ta hopi ridiculo. Si tabata asina lo mi por a traha 5 lista di MEP caba", segun lider di MEP Evelyn Wever-Croes. "Pero no ta asina, y e abogado en cuestion, Anthony Ruiz, cu por cierto ta un hopi bon amigo, mi a aserca algun biaha caba pa e subi lista di MEP, pero el’a nenga cada bes. E no tin interes den politica, awor su interes ta den su carera como abogado. Riba su mes mi ta haya e actitud di minister Dowers hopi infantil si. E minister aki tin 3 anja ta trapa ley di contabilidad, na varios occasion y algun di nan a bira escandalonan grandi den nos comunidad cu pueblo no a lubida ainda. Y ta logico pasobra na momento cu un Minister di Husticia cuminsa viola ley, ta un asunto hopi serio e ta. En bes cu minister Dowers chercha di hende na forma asina infantil, miho e reflecciona y wak si ainda den su ultimo 7 lunanan como minister e por cuminsa drecha algo di e tanto daño cu el’a causa nos pais. Pasobra hamas den historia di nos pais nos a conose un minister di husticia asina malo manera Arthur Dowers", lider di MEP a finalisa.
Comentarionan (3)Mustra/Kita comentarionan ...
EWC ta facil pa critica y manera bo ex lider a bisa palabranan den oposicion of durante campamja ta dos cos diferente. Un bon politico no solamenta ta critica pero ta duna un desertacion con e lo hasi diferente, compara cu e maneho di su contricante politico y bende esei cu e pueblo votador, sino bo ta manera e dicho ta bisa " un cacho cu ta sigi blaf so, mientras e caravan ta sigi pasa bai"
,
February 26, 2013
Duna Comentario y/of Comparti riba Social Medi |
Mustra/Kita e formulario di comentario
