Monday, 24 November 2014
Minister Otmar Oduber: Cambionan di ley laboral ta logra trece proteccion pa e trahador “on call” Print E-mail
Tuesday, 26 February 2013 18:02
Comparti

Otmar Oduber003

Minister di Labor Otmar Oduber ta di pensamento cu den e mundo moderno cu nos ta bibando aden mester concentra riba e prospereidad economico di nos pais como tambe duna trahadornan e proteccion y seguridad cu nan mester pa biba di dje.

Den cambio di leynan den Codigo Civil lo enfoca mas tanto riba e parti di proteccion di trahador pa loke ta trata su contrato laboral. Tambe e cambionan cu a tuma lugar den nos Codigo Civil di Aruba tin influencia riba e leynan cu ya a wordo trata den luna di december den Parlamento cu ta mehora e condicion di forsa laboral.
Un di e cambionan den ley laboral cu lo conta sigur cu ahustacion pa protehe e trahador ta e ley di e fenomeno ‘on call’.  Ta bon pa aclarea cu un contrato di on call ta intenciona pa ta algo sporadico y no ta intenciona pa tin un cierto frecuencia den dje. Pero mas y mas e fenomeno aki a cuminsa wordo usa na momento un compania mester un trahador na ultimo momento.

Realidad cu nos ta biba cu ne ta e hecho cu un gran cantidad di personan cu ta traha on call a cuminsa den casino y poco poco a drenta hotelnan, restaurantnan y pacusnan. Dor di buraconan den ley a duna e oportunidad pa haci e abuso aki.  E mandatario ta indica cu e buraco den ley aki a duna cu e trahador cu ta wordo menos bon paga ta esnan cu ta cay mayoria biaha den e tipo di situacionnan di on call. Ta e grupo di personan aki ta esunnan cu no por logra yega serca un abogado pa por bringa pa nan derechonan of no sa e caminda pa cana pa por yega na esaki. E cantidad di personanan cu a haya nan mes pa añanan largo hinca den situacionnan asina ta alarmantemente halto, Minister Oduber ta splica.

Manera a wordo splica anteriormente un oproepovereenkomst no ta wordo considera como un acuerdo di trabou. Un acuerdo di trabou tin tres elemento cu ta importante den dje; e trabou, e obligacion di e trabou pa paga e salario y e relacion di autoridad. Na momento bo tin un oproepovereenkomst ningun di dos partido tin obligacion pa yama otro.

Na momento partidonan firma contrato di on call, nunca tabata e intencion pa e wordo usa den e forma structural. Pero esaki a bira un custumber na Aruba, unda cu mayoria di e casonan tin elementonan di un artbeidscontract pero cu no ta duna siguransa, esaki ta caminda por papia di casonan di abuso.

Minister Oduber despues di analisa e casonan aki di abuso cu ta tuma lugar den diferente sector den nos industra ta haci cu e trahadornan aki no ta haya e oportunidad pa crece y asina aki nan calidad di bida no ta uno stabil tampoco.

Awor cu e cambio a tuma lugar e trahador on call por traha solamente 20 ora pa siman y un total di 80 ora pa luna, una bes e cantidad di oranan cu wordo traha surpasa esaki automaticamente e contrato on call ta wordo considera como un contrato laboral.

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter