Sunday, 28 December 2014
Minister Otmar Oduber: 10 tourbus nobo lo bin cu ruta exclusivo pa San Nicolas Print E-mail
Tuesday, 26 February 2013 18:04
Comparti

Otmar Oduber009

Minister di Turismo, Transporte y Labor Otmar Oduber a informa cu ya caba a tuma e decision cu lo duna permiso pa 10 tourbus nobo opera caminda cu nan lo tin e ruta exclusivo di San Nicolas. Por bisa cu e mandatario a comenta cu el a reuni cu San Nicolaas Business Aassociation y a tuma e decision aki mirando tur e proyectonan tumando lugar pa expande e fluho di tursimo pa San Nicolas.

Mirando tur e atraccionnan cu tey caba na San Nicolas y mas aun mirando e Museo di Carnaval, Community Museum, Museo di Deporte, entre otro,  cu ta bay habri pronto pariba di nos isla,  Minister di Transporte a tuma e decision  conhuntamente cu Gobierno di Aruba pa  percura pa duna 10 permiso di TO (tour operator) -verguningen.

Normalmente e tournan cu ta wordo organiza ta sigui e ruta cu ta sali for di waf na Playa y ta bay bishita Casibari, Ayo Rock Formation, Noord y Paradera,  pero cu no ta cruza e frontera pa pasa den San Nicolas.

E mandatario a indica cu ta bay designa 10 di e permisonan aki cu un ruta exclusivo pa San Nicolas pa asina saca e turistanan di crucero di dia of anochi pa hibanan pariba di nos isla.

Atraves di e Fondo di Mehoracion di Producto Aruba, un biaha mas lo duna e sosten necesario na San Nicolas Business Association pa por adkiri, wanta, gara, brasa e 10 tour operators aki pa sigui bin cu turistanan pariba di nos isla, Minister Oduber a duna di conoce.

Esaki ta wordo haci cu conviccion y mirando e reaccion cu tabatin cu e oficina di turismo.  Awe esnan cu a cuestiona e pakico lo mester un oficina di Tursimo chikito na San Nicolas y si esaki ta wega politic a ripara cu e oficina chikito aki tabata un paso  grandi pa duna informacion na e parti pariba di nos isla.

Comentarionan (5)Add Comment
e berdad prome
February 27, 2013
201.229.45.156
Votes: +1
...

Ningun caminda den landsverordening personen vervoer ta scirbi cu por duna un permiso di tour pa core Sanicolaas so, pues asina e hendenan aki haya nan permiso nan por core unda nan kier, y basa ariba ley juez lo duna nan rason y Minister no por hasi nada mas, esaki ta hole puro campaña pa complace campañador y votador di e Minister, MAL TRABOW.

e berdad prome
February 27, 2013
201.229.45.156
Votes: +2
...

Mal trabow, awor dia e 10 doñonan di tour busnan nobo aki no por haya turistanan willing pa bai eynan, ta kiko bo ta kere nan ta bai hasi, core tour pabow mescos cu tur otro, y viola nan permiso y hiba turista lamam y bek mescos cu esun nan awor, DTP ta reclama cu no tin bastante trahado pa controla ni esunan actual y minister ta manda 10 mas, MAL TRABOW, ta hole campaña politico, pa gana voto, mientras cu a bisa cu lo tin un moratorium.

prorubiano
February 27, 2013
201.229.35.155
Votes: +2
...

Pabien san nicolas, y ban spera cu pronto por bin mas atracshon turistico pariba di brug, pabien Min.Otmar.Hopi partido politico a laga boso pa hopi anja na caya pero awe e partido AVP tey pa boso tambe.

criollo
February 27, 2013
201.229.124.172
Votes: +0
...

Miho pone e bus grandi nan core bek pa Noord enbes di laga e coi kens nei core pa Noord cual ta garga solamente 11 hende mane sardin den bleki smilies/angry.gif

... Low-rated comment [Show]
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter