Saturday, 22 November 2014
Francis Jacobs di MEP: Lider di MEP Evelyne Wever-Croes y candidatonan di MEP a wordo ricibi cu brasanan habri den Koyari Print E-mail
Tuesday, 26 February 2013 18:38
Comparti

54

Recientemente Movimiento Electoral di Pueblo (MEP) a drenta e bario di Koyari den districto di Noord cu un reunion di contacto. Tin di bisa cu e reunion aki tabata uno hopi positivo mes, mirando e hecho con e ciudadanonan a duna bon bini y apoyo na tanto lider di partido Evelyne Wever-Croes y demas candidatonan.

Na e reunion aki a hiba palabra Carl Giel, Stephanie Croes, Francis Jacobs, Arondino Croes y Presidente di Partido, Joe Koolman. E reunion aki tabata pa informa e pueblo di e realidad di loke ta pasando y tur e peligernan financiero, cu e gobierno actualmente na mando ta hibando nos pais. Y por mira den e wowonan di esnan presente e dolor, temor, decepcion y rabia cu dia pa dia ta reina den e bario di Noord. Por a sinti esaki na momento cu Lider di partido Evelyne Wever a yega na e reunion, por a aprecia con e publico a lanta para y cu lagrima na nan wowo, e confiansa y felicidad di por a ribici nan lider cu brasanan habri. Tabata momentonan di emocion pa e publico pa por tin Evelyne Wever-Croes presente y demas candidatonan pa saca tur nan preocupacionnan pa loke ta trata e situacion precario cu nos pueblo ta bibando aden tur dia. Durante e anochi a elabora riba tur e aspectonan di e mal maneho di AVP ariba finanzas, economia, turismo, enseñansa, salubridad, labor, criminalidad, desempleo y Urirama. Alavez a sinta scucha tur e deseo y preocupacionnan di e pueblo di Koyari y kico nan mes ta pensa di e situacion actual. Varios disgusto a bin padilanti cu expresionnan hopi fuerte manera, AVP no a yuda Noord cu net nada, nan a manipula y hunga cu sentimento di nos hendenan, nan a kita construccion di un Havo y VWO school cu ta na bienestar di nos jovennan y hinca e placa den un tram na Playa. Wel esakinan ta testimonionan bibo di e propio conciudadanonan di Noord. MEP lo continua cu nan bishitanan den Noord y asina sigui scucha e preocupacionnan cu ta reina y biba den e pueblo di Noord.

album album  

Comparti
Comentarionan (3)Add Comment
ban serio
February 27, 2013
201.229.11.121
Votes: +2
...

Holoooooooooooooooo mira hendeeeeeeeeeeeeeeee

Ama di cas
February 26, 2013
201.229.2.37
Votes: +10
...

Pober primo,ni anos cu ta bo famia no ta vota pabo.smilies/sad.gif

Ama di cas
February 26, 2013
201.229.2.37
Votes: +14
...

Pober primo,ni anos cu ta bo famia no ta vota pabo.smilies/sad.gif

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter