Friday, 25 July 2014
Parlamentario Chris Dammers di AVP: Fase 1 – Desaroyamento di e plataforma pazuid di Aeropuerto Print E-mail
Tuesday, 26 February 2013 18:41

Chris-21

Diamars, 26 di februari 2013, a duna  inicio na e desaroyamento di e plataforma pazuid di Aeropuerto Internacional Reina Beatrix di Aruba. E ta un proyecto cu ta wordo financia completamente cu fondonan di Aruba Airport Authority N.V. y e ta bay tin un costo total di 18 miyon florin. Mirando e crecemento e ultimo aňa nan den e trafico cu “General Aviation” ta bin ta genera – avionnan priva y avionnan di companianan comercial.

E crecemento aki ta muy en particular desde cu AAA N.V. a base di un destaho publico den pasado a pasa e operacion over di e parti di “general aviation” over pa Universal Aviation. Desde e tempo ey a bin un separacion entre e avionnan comercial y es nan di “general aviation”.

Universal dor di nan experiencia internacional a sabi – desde 2005 cu nan a cuminsa maneha e parti di “general aviation” - di eleva e servicionan cu e clientenan specifico aki ta haya, kendenan tin nan mes avion, no gusta warda y tin placa pa paga un servicio pa haya tur cos haci pa nan. Por mira un necesidad di un servicio asina na e crecemento di avionnan asina (general aviation) desde 2006 di 3.054 avion pa 4.380 na 2010, 4.635 na 2011 y finalmente 5.499 ya na 2012. Universal Aviation tabatin den nan pronostico pa yega e cifra di 5.000 avion na aňa 2013, pero cu placer – mirando e bon servicio cu nan ta dunando (Bon Trabou) – ya a surpasa esaki na aňa 2012.

Pero ya manera cu nada ta bini sin su limitacionnan, aki ta por a mira cu e espacio pa para avioneta y jetnan priva na e plataforma pazuid a yega na su punto di saturacion. Cu e proyecto aki lo cumpli cu 2 meta, esta cu e plataforma pazuid lo bay conoce un ampliacion di 61% pa parkeer avion y lo bay construi un taxiway banda di pazuid di e pista principal, den cual lo bay preveni cu un avion lo mester uza e pista mes pa taxi bay na e punto caminda cu e lo mester prepara pa despega. E ultimo aki ta un aspecto di siguridad caminda lo preveni cu un avion cu lo mester a uza e pista pa taxi tambe lo por topa cu un avion bahando.

E proyecto ariba su mes ta un hoya ariba su mes cual proyecto a wordo prepara pa NACO B.V. di Hulanda y lo wordo construi pa e contratista principal Albo Aruba N.V. 

Otro plannan di AAA N.V. – den cual nan a haci un proposicion caba na e “State Department di Merka” – ta pa por haci uzo di e tereno reserva pa FOL, cu nan no ta uzando ya pa aňa. AAA N.V. lo kier cuminsa haci uzo di e tereno aki y si den futuro si Merca tin placa pa inverti den FOL y lo kier haci uzo tambe di e tereno aki nan lo por haci esaki bou di un uzo militar/comercial hunto cu AAA N.V. Esaki lo duna Universal / AAA N.V. basta extra espacio mas pa parkeer avion di “general aviation”.

Sigur tambe ta un pabien ta bay na Minister Otmar Oduber, kende ta responsabel pa transporte aereo, kende desde un principio tabata patras di e proyecto aki. Pueblo di Aruba pabien cu un bunita proyecto mas na bienestar di nos pilar di mas importante, esta Turismo.

 

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter