| drs. Robert Anjie ta presenta CURPA su plan pa combati corupcion den gobierno |
 |
 |
| Tuesday, 26 February 2013 18:43 |
|
Corupcion den gobierno, sea den e sistema politico of den e aparatu gubermental, ta un malesa peligroso cu ta costa e pueblo hopi plaka. Fuera di esaki, e ta crea un sistema di inhusticia contra e pueblo especialmente e homber chiquito y tambe ta degenera democracia. Pesey e ta hopi importante pa combati corupcion prome cu ta laat.. Corupcion den gobierno por wordu defini como: "un acto di un politico of un ambtenaar cu ta prevalece, sea conforme e ley of contra e ley, un persona, personanan of un organisacion en cambio di un fabor sea plaka materiaal, servicio, voto of loyalidad. Esnan cu ta participa den e actonan aki ta cupabel di corupcion. Den hopi pais civiliza actonan di corupcion ta wordu castiga severamente no importa con chiquito esaki ta of ken bo ta. Na Aruba hopi actonan di corupcion ta wordu tapa. Hopi biaha esaki ta pasobra esnan envolvi ta tapa pa otro of mihor dicho nan ta pone man ariba cabez di otro. E mafia aki tin di caba y CURPA tin un plan pa combati corupcion den gobierno ariba un manera efectivo. Actualmente reglanan ta bisa cu un ambtenaar ta OBLIGA di denuncia actonan di corupcion. Si e no hasi esaki e ta cupabel di a participa den e actonan di corupcion y por wordu castiga segun e ley. Hopi ambtenaar no ta entrega denuncia di actonan di corupcion pa motibo di miedo. Miedo cu nan identidad ta wordu revela y cu nan ta perde nan trabow. CURPA kier introduci un ley nobo (Klokkenluiderswet) cu lo proteha e identidad di cualkier persona cu bin cu prubanan di actonan di corupcion den gobierno. No solamente ambtenaar pero cualkier otro cuidodano. Alabez e ley lo compensa e persona cu ta bin cu prubanan di actonan di corupcion cu plaka. Nan por risibi un suma di plaka igual na un anja di salario di e persona of personanan cu ta cu a participa den e actonan di corupcion si bo prubanan ta suficiente pa castiga nan penalmente. Kiko esaki ta significa concretamente? Por ehempel si un minister ta hasi actonan di corupcion y bo tin pruba pa cu esaki bo por haaya su salario anual di Afl. 200,000.= den forma di un lumpsum como compencion. Si tin mas persona envolvi manera ambtenaar, empleado di Sui Generis, ovrheids NV lo bo risibi nan salario annual ariba esun di e minister. Manera bo ta wak e por yega na sumanan grandi. Fuera di esaki bo identidad lo wordu proteha i ningun hende lo sa ken a entrega e prubanan. . Nos ta hasi un apelacion na tur esnan cu tin prubanan di actonan di corupcion hasi den gobierno, pa warda esaki pasobra nan por bal hopi plaka. Pronto, 18 maart vendidero, CURPA lo lanza su website curpa.org na unda via un istema anonimo bo por cuminsa manda bo prubanan. Nos lo pubglica tur actonan di corupcion ariba e website. Nos ta sigur cu e ley nobo di Klokkenluider por combati corupcion den gobierno effectivamente. Esnan cu ta contra esaki lo tin algo di sconde of manera nan ta bisa nan lo tin manteca ariba nan cabez. Comentarionan (2)Mustra/Kita comentarionan ...
Bon concepto! Corupshon berdad ta caba cu democracia, y lo ta bon pa cuminsa combati corupshon aki na Aruba...prome cu corupshon yuda establece comunismo of dictadura via independencia di Aruba. Pero si, e prome stap lo mester ta pa prohibi via ley e sponsermento di partidonan politico...of no?
,
February 27, 2013
Duna Comentario y/of Comparti riba Social Medi |
Mustra/Kita e formulario di comentario
