Sunday, 26 October 2014
Parlamentario Rene Herde a relata riba decision di Lainda Westerhof pa retira di Parlamento Print E-mail
Tuesday, 26 February 2013 18:47

Rene Herde

Siman pasa riba diahuebs sra. Westerhof a comunica su decision y diabierna a combersa cu e lider di fraccion y a entrega su retiro, y e proceso aki ta canando, segun Rene Herde. E la splica cu segun e constitucion tin cu bay na prome minister y cerca gobernador pa despues cuminza cu e proceso di reemplazo. 

Drs. Rene Herde a bisa cu e no tin mucho mas pa añadi pasobra e comunicado di prensa di señora Westerhof ta papia pa su mes, y no tin otro pa haci cu acepta esaki, y nan ta respeta y compronde tambe. E lider di fraccion ta lamenta e retiro di e parlamentaria y el a bisa cu nan no kier mira ningun colega retira prematuramente di un funcion asina importante y cu masha tiki hende na Aruba ta logra ocupa y cu ta encera un gran honor y tambe un gran responsabilidad. E miembronan di Parlamento por diferencia di opinion cu otro, pero cada uno merece di respet no importa con e ta funciona y Lainda Westerhof a conta cu e respet aki di nan tur. El a desea su colega forza y sosten pa su recuperacion y cu esaki lo ta rapido y completo.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter