| Parlamentario Andin Bikker: Gobierno mester cambia ley di glas getint mas pronto posibel |
 |
 |
| Tuesday, 26 February 2013 18:49 |
|
Ta mustra cu te awor e actual minister di salubridad dr. Richard Visser a descubri cu na Aruba cancer di cuero ta esun mas frecuente. E data aki PDR tine for di aña 2000 cu nan a haci un test case tempo cu gobierno di signature di AVP mes, a bin cu un prohibicion riba tur sorto di glas getint, loke ta para den articulo 3 inciso e di e ley esaki Parlamentario Andin Bikker di fraccion PDR a comenta. PDR a haya cu e prohibicion aki tabata desproporcional y a bay Corte despues cu mas cu mas cu 10 mil hende a firma pa hiba e asunto Corte, y cu mester a keda limita na 1169 cu nan adres tabata registra den Censo y tabata tin tur e rekisitonan cu Corte tabata rekeri. Andin por a corda cu diferente di e personanan cu a ser representa tabata tin carta di docter declarando cu nan ta sufri di cancer di cuero of cu pa motibonan genetico tabata susceptible na dje, y esaki a sirbi como argumento fuerte pa mustra Corte cu e ley aki no a tene cuenta suficiente cu e factornan local pasobra na Aruba tin solo tur dia mientras cu na Hulanda, di unda gobierno a copia e ley, no ta asina.E tempo ey ya caba a ser confirma cu den Caribe Aruba tin un di e indicenan mas halto di cancer di cuero, y Huez mes e tempo ey a constata cu e ley no tabata bon traha. Bikker a splica cu manera semper PDR no so ta senjala un problema pero ta busca solucion y como cu cientificamente ta comproba cu tinted glas ta reduci e rayonan danjino pa esnan susceptible na cancer di cuero, e ta urgi gobierno pa adapta e ley mas pronto posible y e redescubrimento di e minister, despues cu PDR a constata esaki for di aña 2000 ta un bon argumento pa adapta e ley. Andin Bikker a bisa cu pa colmo hopi minister ta core auto cu tinted glas. El a bisa cu ironicamente Parlamento no ta esun cu por cambia e ley, si no nan lo a hacie caba, pero ta un landsbesluit y gobierno mes mester haci e adaptacion di e ley, pasobra si un hende ta bin pidi un dispensacion pa core cu glas getint pa motibo cu e tin cancer di cuero, gobierno ta bay bise cu no por pasobra ley ta prohibi esey. Comentarionan (6)Mustra/Kita comentarionan ...
Auto di minster nan mes ta preto preto.voorbeeld auto di Min Dowers A-41155....unda nos ta bai,con e ta keur,Ami si tin cu kita dimi..
,
February 26, 2013
...
Si minister Dowers por corre cu glas getint, tur hende mag....No mag di tin descriminacion den ley. Ban mira,cambia e cos aki.Andin tin razon.
,
February 26, 2013
...
Semper tabatin auto sin getint glas /y ta difficil pa polis por controla si bo tin bo seat belt of cellular y e asunto di huid cancer un mester ta mas den fresco cu den un getint glas di auto/Ley pa un y ley pa tur.Kiermen si uno tin bot cancer y mag di corre auto sin break paso ta bon pa su weso nan?Weg met getint glas auto cu e glas nan aki no tin contact riba caminda paso bo no por wak e idea di e otro chauffer...Mi no ta eens cu Adin stop e cos aki...getint glas por trece hopi accidente tambe...of ta treciendo hopi accidente
,
February 27, 2013
...
Mester permiti light tint so. No medium ni dark. Polis mester por wak den e auto pa seguridad. Specialmente cu tur e atraconan.
,
February 27, 2013
...
Tur paden di auto mester por ta visible door di e glasnan padilanti y e windshieldnan. Esey ta un regla mundial pa seguridad di otro. E politico frustra aki ta defende tur loke ta maldad y despues e ta pidi pa bringa criminalidad. e mester busca un psychiater rapido promer cu e crash. E no ta bon, un dia ta esaki y otro dia ta esaya.
,
February 28, 2013
Duna Comentario y/of Comparti riba Social Medi |
Mustra/Kita e formulario di comentario
