Thursday, 18 December 2014
Parlamentario sra. Lorna C. Jansen-Varlack: Hende muher, e pilar di nos hogar y di nos pais Print E-mail
Thursday, 07 March 2013 18:48
Comparti

lorna varlack001

Na prome lugar un felicitacion grandi di parti di mi persona pa tur hende muher di Aruba riba Dia Internacional di Hende Muher. Den pasado y te dia di awe hende muher mester a lucha duro pa nan derechonan. E ser hende muher semper mester a tuma un lugar mas abou compara cu hende homber y e discriminacion tawata grandi riba hopi area.

Mundialmente hende muher a cuminsa lanta y tuma un posicion fiho pa cu nan derechonan y pa kita e discriminacion cu tawata (ta) reina. Den casi tur famia e hende muher tawata (ta) e pilar, sea e ta mama, abuela, bisabuela of tanta. Den hopi caso e ta esun cu ta carga e famia financieramente y hopi biaha e ta esun cu ta carga mayoria di e responsabilidad pa cu e educacion na cas di su yiunan. Den e sector laboral hende muher ta domina y pa cu e motibo aki mi ta bisa cu nos hende muhernan ta e pilar di nos pais.                                                                                                                                            E cargo ta pisa, pero nos a demonstra na varios ocasion cu nos tin e forsa pa carg’e.                                                                                                                                                                       Nos mester para keto un momento y refleha riba e situacion di Violencia Domestico den nos comunidad unda diariamente hende muher ta wordo abusa fisicamente, sexualmente y verbalmente. E consecuencianan di esaki por causa daño permanente y hopi dolor den e famianan. E conscientisacion riba e tema aki mester sigui y a bira tempo pa tuma mas accion pa preveni cu esaki ta sigui pasa den nos comunidad. Nos por a tuma nota cu den e Leynan Laboral cu Parlamento a aproba a kita e desigualdad di pago entre hende homber y hende muher y a agrega den e leynan e aspecto di “acoso sexual”. Un palabra di pabien ta bay pa Minister Michelle Hooyboer-Winklaar e.c.c. e Conferencia: “Strong Leadership. Strong Women. Strong World. Mi kier a disculpa mi ausencia pa e conferencia aki pa cu motibo di reunionnan di trabou cu ta tumando lugar na Hulanda.Hopi Exito!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter