Friday, 19 December 2014
Celebracion di Dia Nacional lo ta uno grandi y henter pueblo ta invita segun Chris Dammers Print E-mail
Wednesday, 13 March 2013 08:50
Comparti
DSC_2063
Diahuebs 14 di Maart awor tin un reunion publico. Esaki ta hopi dirigi riba cosnan di cultura y celebracion di Dia di Himno y Bandera tambe. Chris Dammers, vicepresidente di parlamento, durante e conferencia di prensa aki a toca dos punto.

E ley asina yama ‘ontwerp plan verordering’ y un proposicion cu a ser aproba caba den conseho di ministernan pa haci di e Shoco un simbolo nacional, cu ta un anhelo cu ta reina den nos pueblo. E parlamentario a bisa cu e shoco ta wordo proteha na Aruba y ta cumpli cu tres acuerdo internacional cu tin, y e por a compronde cu tin como 200 parha cu ta bay proteha. Di parti di fraccion di AVP tambe tin un amienda pa reinforza e proteccion di e shoco na Aruba a base di e ley di medio ambiente cu ta bisa cu no por kibra su webonan ni neishi di e shoco.

Otro cambio cu ta bin acerca ta e color di nos bandera, pasobra tin bruhamento e ultimo anjanan caminda por mira diferente color di bandera. Ley di 1976 ta stipula claramente cual ta e color oficial di e bandera, pero e ta hopi dificil pa haya. Aworaki despues di un sondeo cu Instituto di Cultura y Bid a haci a haya e color pms 279 esun di mas cerca y ta bay pone un bez mas den ley pa no bin mas bruhamento den e color ora di cumpra y bandera y use, por ehemplo riba e dia nacional. Dammers a aplica tambe cu e celebraion di 18 di Maart ya caba ta wordo sinti e momentonan aki, cuminzando cu e festival un canto pa Himno y Bandera di dia 1 pa 3 di Maart e parti infantil caminda e muchanan a bin cu cantidad di cancion hopi bunita, y e weekend cu a pasa cu tabata tin e parti di adulto tambe masha tremendo mes y cu a conta cu e respaldo completo di pueblo. El a splica cu e celebracion ta sigui dia 16 di Maart den e monumento, dia 17 den Linear Park mainta y e acto protocolar y cultural anochi na Plaza Betico Croes. Dia 18 mainta tin e acto protocolar di gobierno desde 9.00 or di mainta y finalmente na Cas di Partido desde 11.00 or di mainta pa 6.00 or di atardi. Un celebracion grandi cu lo tin dos caha di orgel, Tipico Cadushi Largo y Rincon Boys, Youth Xtreme, un grupo di baile K&K y for di Bonaire Cara Cora den e marco di intercambio interinsular cu a ser acorda. Un invitacion tin pa henter e pueblo pa bin celebra Dia di Himno y Bandera hunto cu AVP den Cas di Partido.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter